Doy küme adümuwnge tami amuldungual: Kelluafiyiñ “pu eluwlu ñi rumel mongeleal” ñi disipulungerpual

CHUMNGELU FALIN-NGEY: Kiñeke che küme llowkefi ti rüf dungu, fey Jewba elukeeyew ñi tremal reke ti rüf dungu kidu ñi piwke mu engün (Hch 13:48, TNM; 1Ko 3:7). Feymu kellufiliyiñ engün ñi inayal tañi kimeltungeel, kiñentrür küdawafuiñ Jewba mew (1Ko 9:26). Yafültukuafiyiñ ñi fawtisawal, femngechi ñi montulngeal (1Pe 3:21). Feymu kimeltulelfiliyiñ Biblia ta kiñe che, kelluafiyiñ ñi küme elkünutual ñi mongen, ñi amuldungucheal ka kimeltucheal, ka yafültukuafiyiñ ñi wülal ñi mongen Jewba mu. Femngechi disipulungerpuay (Mt 28:19, 20).

CHUMNGECHI ÑI FEMNGEAL:

• Ramtuafiyiñ chumngelu ñi chillkatuken ta Biblia: ñi kimafiel ka tuteafiel ta Jewba (Jn 17:3).

• Kelluafiyiñ ñi küme elkünutual ñi mongen ka wedake kompañ nienoal, femngechi doy küme amuleay ñi weniyefiel Jewba.

• Petu ñi fawtisawnon ka fawtisawle, iñchiñ kellunieafiyiñ ka yafültukunieafiyiñ engün (Hch 14:22).

PEFINGE TI VIDEO JEWBA TA KELLUAEYMU, KA WIÑOLDUNGUNGE TI MÜLEYECHI RAMTUN:

• Kiñe che, ¿chem katrütuafeyew ñi wülal ñi mongen Jewba mu ka ñi fawtisawal?

• Pu longkolelu, ¿chumngechi kelluafuyngün ti pu chillkatulu Biblia ñi doy küme weniyeafiel ta Jewba?

• Isaías 41:10, ¿chem kimeltueiñmu Jewba mu?

• Kulpafengeliyiñ rume, ¿chumafuiñ taiñ doy küme küdawelafiel ta Jewba?