¿Inei am ta Chau Ngünechen?

Fentren tripantu cuifi meu tati pu che ñi poyequefiel caquerume dios. Huelu Biblia feipi ñi mülen quiñe Ngünechen doicülelu caquelu dios meu (2 Crónicas 2:5). Huelu, ¿inei am tüfachi Ngünechen? Ca ¿chem pengeli ñi doicülen ta caquelu dios meu? Tüfachi Dios ayüquei com pu che tañi quimaeteu, fei tüfachi quimeltun meu eimi quimafimi.

1. ¿Inei pingei Chau Ngünechen? Dios, ¿ayüquepei mai ñi quimüñmangeal tañi üi?

Biblia meu Dios feipieimu tañi üi. Feipi: “Iñche ta Jehová. Tüfa tañi üi” (papeltuaimi Isaías 42:5, 8). Dios tañi üi huirintucungequefui hebreo quehun meu, huelu mapudungun meu feipingeafui “Jehová”. Tüfachi üi feipi: “Femcünuquei ñi femngechingerpual”. Jehová ayüniei ñi quimüñmangeal tañi üi (Éxodo 3:15). ¿Chumngechi quimiyiñ tüfa? Biblia meu quisu eli ñi huirintucungeal tañi üi doi 7.000 rupa.a ¡Felei llemai! Tati Com Ngünenielu, Jehová pingei. Quisu müten ngen-ngei tüfachi üi meu (Deuteronomio 4:39).

2. Tati Biblia, ¿chem feipi Jehová meu?

Tati pu che poyequefi fentren dios, huelu Biblia feipi quiñe rüf Dios müten mülei. ¿Inei am? ¡Jehová llemai! ¿Chem pengeli quisu müten ñi rüfngen? Quisu ngen-ngei itrocom dungu meu, feimu tati Biblia feipi Chau Jehová müten alüpüralei itrocom Mapu meu (papeltuaimi Salmo 83:18). Quisu com nehuen niei, feimu pepiluucülei ñi femal chem dungu rume. Ca femngechi com mülelu huenu mu ca Mapu mu, Chau Ngünechen deumafi (Apocalipsis 4:8, 11). Cafei Jehová müten rumel mülequei ca rumel müleai (Salmo 90:2).

3. Chau Dios caquerume üi mu quimngequei, huelu quiñe üi müten niei

Quiñe che fentren üi mu quimngequei, huelu niei quiñe üi müten. Fei tañi üitungequen mu, quisu tañi üi no tati. Peaiñ ti VIDEO, ca ngüneduamaiñ tüfachi ramtun:

VIDEO: Dios fillque üitun tuculelngei, huelu quiñe üi müten niei (0:41)

• Quiñe che ca üi tuculelngequei, huelu ¿fei ñi üi am ti? ¿Chumngelu chi cai?

Biblia feipi tati pu che poyequefi fentren dios. Papeltuaiñ Salmo 136:1-3, ca ngüneduamaiñ tüfachi ramtun:

• ¿Inei am doicülei caquelu dios meu? Ca, ¿inei am tati “Ñidolcülelu com caquelu ñidol meu”?

4. Jehová ayüquei ñi üitungeal quisu ñi üi mu müten

VIDEO: Ngünechen, ¿niepei mai quiñe üi? (Pichi troquiñ) (3:11)

• Jehová, ¿ayüquepei mai ñi quimüñmangeal tañi üi? ¿Chumngelu cai?

Jehová ayüquei ñi üitungeal tañi üi meu. Papeltuaiñ Romanos 10:13, ca ngüneduamaiñ tüfachi cüla ramtun:

• ¿Chumngelu am fente cümei Ngünechen ta Jehová taiñ piafiel?

• Quiñe che üituelmu eimi tami üi meu, ¿chum duamnagqueimi?

• Fei eimi “Jehová” pifilmi ta Chau Ngünechen, ¿ayüupeafui mai ñi piuque?

5. Jehová ayüquei eimi tami fülmanieafiel

VIDEO: Quintuniefiñ tati Rüfngechi Ngünechen (8:18)

• Tüfachi lamngen quimfiel mu Chau Dios tañi üi, ¿chumngechi quellueyu tüfa?

Eimi hue quimfilmi quiñe che, hunelu mu quimüñmayafimi tañi üi, ¿felei no am? Papeltuaiñ Santiago 4:8a, ca ngüneduamaiñ tüfachi epu ramtun:

• Jehová, ¿chem ayüquei tami femal?

• Jehová pifilmi ta Chau Dios, ¿chumngelu tüfa quelluaimu tami doi fülmanieafiel?

TAMI QUIMEL

Chau Dios Jehová pingei ca quisu ayüniei taiñ “Jehová” piafiel, femngechi doi fülmanieafiyiñ.

¿Chem piafuimi?

• Jehová, ¿chemu am doicülei caquelu dios tañi poyequeel ta che?

• ¿Chumngelu “Jehová” piafimi ta Chau Dios?

• ¿Chemu am quimnieimi Jehová ñi ayüquen tami fülmanieafiel?

CA PEAFUIMI

Ngüneduamnge 5 dungu pengelquelu Chau Dios ñi rüf mülequen.

“¿Rüfcünu mülei Chau Dios?” (Troquiñ internet mu)

¿Chem pengeli ñi rumel mülequen Chau Dios? Ngüneduamnge tüfa.

“¿Chau Dios niei inei tañi deumaeteu?” (Ti Huerquen 1 agosto, 2014)

Müte quimngenolu rume chumngechi feipingequefel Chau Dios ñi üi, falin-ngei tami üituafiel. ¿Chumngelu?

“¿Inei am ta Jehová?” (Troquiñ internet mu)

¿Falin-ngepei mai chumngechi üituafiel ta Chau Dios? Quimnge Chau Dios ñi nieel quiñe üi müten.

“¿Tunten üi niei ta Ngünechen?” (Troquiñ internet mu)