¿Chau Dios ñi pin mu mai cutrancauqueiñ?

Biblia ñi quimeltuqueel

Femlai llemai. Chau Dios femcünuquelaeiñmu taiñ cutrancahual. Fei, ¿chumngelu cutrancauqueiñ? Ti hunen epu che, Adán engu Eva pingelu, püntühuingu Chau Ngünechen meu, feyentulafingu. Fei eluhuingu ñi quisutu dullial chem ñi cümen ca chem ñi cümenon.

Adán ca Eva tañi hueda femün engu, rume cutrancahuingu. Fantepu meu, iñchiñ ca femngechileiñ. Feimu feipiafuiñ Chau Dios tañi duam mu cutrancauquelaiñ, doi mai Adán ca Eva ñi femün mu.

Biblia feipi: “Rupan mu huesaque dungu, inei no rume ngelai ñi feipial: ‘Chau Ngünechen elueneu huesaque dungu tañi ngüneduamaeteu’. Chau Ngünechen ngüneduamngequenolu am huesaque dungu mu, ca quisu ta inei no rume eluquelafi huesaque dungu tañi ngüneduamafiel” (Santiago 1:13, Traducción del Nuevo Mundo, [TNM]). Com che sufriquei, pu poyequefilu ta Chau Dios cütu.