QUIMELTUN 35
¿Chumafuiñ taiñ cüme dullial?
Fillque dungu mülei taiñ dullial taiñ mongen meu. Raquiduamnge tüfachi dungu: com iñchiñ mülei taiñ dullial cheu taiñ mongeleal ca chem chumaiñ ñi nierpual taiñ duamnieel. Cafei caque quiñeque iñchiñ dulliafuiñ taiñ nierpual afcadi cam taiñ nienoal. Cüme dulliliyiñ, cüme feleaiñ ca cüme hueniyeafiyiñ ta Jehová. Huelu huesa dulliliyiñ, cüme rupalelayaiñ llemai.
1. Tati Biblia, ¿chumngechi quelluafeimu tami cüme dullial?
Petu tami dullinon, ngillatufinge ta Jehová tami quelluaeteu ca papeltuafimi Biblia tami quimürpual chem raquiduamquei Jehová (papeltuaimi Proverbios 2:3-6). Quiñeque mu Jehová müna cüme feipiquei Biblia meu chem tami chumal, fei müna cümeafui tami inayal ñi feipin.
Quiñeque mu, pelayafuimi quiñe huercün dungu Biblia meu tami feipiaeteu chem tami chumal. Huelu Jehová ca quelluaimu tami quimal “chem rüpü meu tami miyahual” (Isaías 48:17). ¿Chumngechi quelluafeimu? Biblia meu Jehová eli fillque ngülam taiñ adnieaeteu, feichi ngülam pengeli Jehová tañi raquiduamqueel. Ngüneduamfiliyiñ fillque nütram Biblia meu, quimaiñ Jehová ñi raquiduamqueel. Fei tüfa quelluaiñmu taiñ cüme dullial ca ayühulafiyiñ ta Jehová.
2. Petu tami dullinon, ¿chem dungu mu raquiduamaimi?
Biblia feipi: “Ti adümuhun-ngelu cüme raquiduamquei tañi chem chumal” (Proverbios 14:15). Felei llemai, petu taiñ dullinon cüme raquiduamaiñ chem taiñ chumafel. Petu raquiduamülmi tami chem chumal, ramtuunge: “¿Chem ngülam Biblia meu quelluafeneu? Dullifili tüfa, ¿chum duamelaeneu? Caquelu che cai, ¿cüme duampeai mai tañi dulliel meu? Tañi dulliel, ¿ayühulpeafui mai ta Jehová?” (Deuteronomio 32:29).
Jehová deumaeiñmu, feimu ngen-ngei taiñ feipiaeteu chem ñi cümen ca chem ñi cümenon. Cüme quimfiliyiñ Jehová tañi ley dungu ca tañi fillque ngülam, doi eluucüleaiñ taiñ inayafiel. Tüfa quelluqueiñmu taiñ cüme raquiduam nieal. Cüme raquiduam nieliyiñ, quimaiñ chem ñi cümen ca chem ñi cümenon (Romanos 2:14, 15). Fei tüfa quelluaiñmu taiñ cüme dullial.
DOI QUIMAIMI
Ngüneduamaiñ chumngechi Biblia tañi ngülam ca taiñ cüme raquiduam quelluaiñmu taiñ cüme dullial.
3. Eluunge tami adnieaeteu Biblia
Biblia tañi ngülam, ¿chumngechi quelluafeiñmu taiñ cüme dullial? Peaiñ ti VIDEO, ca ngüneduamaiñ tüfachi cüla ramtun.
Jehová, ¿chem elueiñmu taiñ femal quisuque ta iñchiñ?
Jehová, ¿chumngelu (chemu) elueiñmu taiñ dullial caque quisuque iñchiñ chem taiñ chumal?
Jehová, ¿chumngechi quelluqueiñmu taiñ cüme dullial?
Taiñ quimal quiñe ngülam tripalu Biblia meu, papeltuaiñ Filipenses 1:10. Ca ngüneduamaiñ tüfachi cüla ramtun:
Tüfachi troquiñ Biblia, ¿chumngechi quelluafeimu tami papeltuafiel Biblia fill antü?
Pu füta, pu domo, pu chau, pu ñuque, pu fotüm, pu ñahue, ¿chumngechi quelluafeyu tüfachi troquiñ Biblia ñi doi cüme chengeal engün?
Tüfachi troquiñ Biblia, ¿chumngechi quelluafeimu tami doi eluucüleal tami trahuluhual?
4. Eluunge tami quimal chem ñi cümen ca chem ñi cümenon
Mülele quiñe huercün dungu Biblia meu, pürüm müten quimafuiñ chem taiñ chumal. Huelu penoliyiñ quiñe huercün dungu taiñ quelluafeteu, ¿chem chumafuiñ? Peaiñ ti VIDEO, ca ngüneduamaiñ tüfachi ramtun.
Taiñ lamngen, ¿chumi ñi cüme raquiduam nieal ca ayühulafiel ta Jehová?
Quimnolmi chumal, ¿chumngelu ramtulayafimi caquelu che chem tami dullial? Papeltuaiñ Hebreos 5:14, ca ngüneduamaiñ tüfachi epu ramtun:
‘Feipien chem tañi chumal’ piafuiñ ta quiñe che, huelu ¿chumngelu falin-ngei taiñ quisutu dullial chem taiñ chumal?
Taiñ quimal chem ñi cümen ca chem ñi cümenon, femngechi taiñ cüme dullial ¿chem quelluafeiñmu?
Quiñe mapa reque, taiñ raquiduam adniequei taiñ mongen.
5. Yamnieafiyiñ caquelu che ñi dulliel
Com iñchiñ trürngelaiñ, feimu caquerumeafui taiñ dulliel. ¿Chumngechi pengelafuiñ taiñ yamniequefiel caquelu che ñi dulliel? Raquiduamnge tüfachi epu dungu meu:
1: Quiñe lamngen ayüquelu ñi tucuhual maquillaje huiñamtuhui quiñe hue trahunche mu. Üyeu pu lamngen tucuuquelaingün maquillaje ca huesa duamelqueyu engün pefiel mu caquelu domo tucuuquelu maquillaje.
Papeltuaiñ Romanos 15:1 ca 1 Corintios 10:23, 24, fei ngüneduamaiñ tüfachi epu ramtun:
Ñi feipin mu tüfachi troquiñ Biblia, taiñ lamngen ¿chem dulliafui tañi femal? Eimi cümelu troquifilmi femal quiñe dungu, huelu cangelu che huesa troquifile, ¿chem chumafuimi eimi?
2: Quiñe peñi quimniei tati Biblia condenaquelai pulcutual, huelu dulli putunoal chem pulcu no rume. Fei quiñe antü trahuluhui caquelu pu peñi ca lamngen meu ca quisu engün pichiquen pulcutuingün.
Papeltuaiñ Eclesiastés 7:16 ca Romanos 14:1, 10, fei ngüneduamaiñ tüfachi epu ramtun:
Ñi feipin mu tüfachi troquiñ Biblia, taiñ peñi ¿chem dulliafui tañi femal? Pefilmi quiñe peñi cam lamngen femmequelu quiñe dungu cümelu tañi troquifiel, huelu eimi cümelu troquiquelafimi ¿chem chumafuimi?
¿Chumafuimi tami cüme dullial?
1. Ngillatun meu “quelluen tañi cüme dullial” piafuimi ta Jehová (Santiago 1:5).
2. Ngüneduamnge chem pilen Biblia ca taiñ fillque papel ca video tami quimal chem tami chumal. Cafei nütramcayafuimi pu peñi ca pu lamngen cüme hueniyefilu ta Jehová.
3. Raquiduamnge: “Dullifili tüfachi dungu, ¿chum duamcüleafun? ¿Chum duamelafun ta caquelu che?”.
QUIÑEQUE CHE FEIPIAFEIMU: “Raquiduamquilnge caquelu pu che meu, eimi chem rume femafuimi”.
¿Chumngelu cümeafui tami raquiduamal chum duamcüleafui Jehová ca caquelu pu che tami dullin meu?
TAMI QUIMEL
Petu taiñ dullinon, cüme raquiduamaiñ chem ñi raquiduamqueel Jehová ca chumngechi duamelafuiñ ta caquelu pu che, femngechi cüme dulliaiñ llemai.
¿Chem piafuimi?
¿Chumngechi ayühulafuimi ta Jehová tami dullin meu?
¿Chumafuimi tami quimal chem ñi cümen ca chem ñi cümenon?
¿Chumngechi pengelafuimi tami yamniefiel caquelu pu che ñi dulliel?
CA PEAFUIMI
Tami dulliel meu, ¿chumngechi doi cüme hueniyeafuimi ta Jehová?
“Tami dullin meu püramyengepe ta Jehová” (Ti Huerquen 15 abril, 2011)
Doi quimürpunge chumngechi ngülamtuqueiñmu Jehová.
Inaduamnge chem quellueyu quiñe huentru ñi cüme dullin.
Biblia meu mülenole quiñe ley feipilelu chem tami chumal, ¿chumafuimi tami ayühulafiel ta Jehová tami dulliel meu?
“¿Chumafuiñ mülenole quiñe huercün dungu Biblia meu?” (Ti Huerquen 1 diciembre, 2003)