হুলদা নিজৰ লক্ষ্যত উপনিত হʼল

আহক কিছু বছৰ পিছলৈ ঘূৰি চাওঁ আৰু ইণ্ডোনেচিয়াৰ চেংগিৰ বেছাৰ নামৰ সৰু দ্বীপলৈ যাওঁ। ইয়াত আমাৰ তিনিজনী ভনীয়ে সমুদ্ৰৰৰ পাৰত কিবা কাম কৰি আছে। এই দ্বীপত সকলোৱে জানে যে আমাৰ এই ভনীসকলে লোকসকলক বাইবেল অধ্যয়ন কৰায়। কিন্তু এতিয়া তেওঁলোকে কিবা বেলেগ কামত ব্যস্ত আছে।

প্ৰথমে তেওঁলোকে সমুদ্ৰৰ অলপ ভিতৰলৈ খোজকাঢ়ি সোমাই যায় আৰু তাৰ পৰা কিছুমান ডাঙৰ ডাঙৰ পাথৰ পাৰলৈ লৈ আহে। ইয়াৰে মাজৰ কিছুমান পাথৰ ফুটবলৰ সমান ডাঙৰ হয়। তাৰ পাছত কাঠৰ এখন চকীত বহি হাতুৰীৰে এই পাথৰবোৰক কুকুৰাৰ কণীৰ নিচিনা সৰু সৰু টুকুৰাত ভঙা হয়। ইয়াৰ পাছত এই টুকুৰাবোৰক প্লাষ্টিকৰ বাল্টিত ভৰোৱা হয়। এই বাল্টিবোৰ চিৰিৰ সহায়ত তেওঁলোকে থকা ঠাইলৈ লৈ যোৱা হয়। তাৰ পাছত এইবোৰক বস্তাত ভৰোৱা হয় যাতে ইয়াক ট্ৰাকত উঠাব পাৰে। এই পাথৰবোৰ ৰাস্তা বনোৱা কামত ব্যৱহাৰ কৰা হয়।

তাৰে মাজৰ এজনী ভনী হৈছে হুলদা। তাই আন ভনীসকলৰ তুলনাত এইবাৰ অলপ বেছিকৈ কাম কৰি আছে। তাই পাথৰ ভাঙি যি পইচা পায়, তাৰ পৰা তাইৰ পৰিয়াল ভালদৰে চলি যায়। কিন্তু তাই এই বাৰ অলপ বেছিকৈ কাম কৰিব বিচাৰিছে যাতে তাই অলপ টকা গোটাব পাৰে। কিয় বাৰু? কিয়নো তাই এটা টেবলেট কিনিব বিচাৰে যাতে তাই JW লাইব্ৰেৰী এপ চলাব পাৰে। ভনী হুলদাই ভালদৰে জানে যে তাত যিবোৰ ভিডিঅʼ আৰু প্ৰকাশন আছে, তাৰ যোগেদি তেওঁ ভালদৰে প্ৰচাৰ কৰিব পাৰে। লগতে তাই নিজেও ভালদৰে বাইবেল অধ্যয়ন কৰিব পাৰে।

ভনী হুলদাই প্ৰায় ডেৰ মাহলৈকে প্ৰতিটো ৰাতিপুৱা দুই ঘন্টা বেছিকৈ কাম কৰিলে। এই ডেৰ মাহত ভনীয়ে যি পাথৰ ভাঙিলে তাৰে এটা সৰু ট্ৰাক ভৰি গʼল। এতিয়া ভনীৰ ওচৰত ইমানে টকা হʼল যে ইয়াৰে তাই এখন টেবলেট কিনিলে।

ভনী হুলদাই এইদৰে কয়, “মই পাথৰ ভাঙোঁতে বহুত ভাগৰি পৰিছিলোঁ আৰু মোৰ গাৰ বিষ হৈছিল। কিন্তু যেতিয়া এই টেবলেটেৰে মই লোকসকলক প্ৰচাৰ কৰিলোঁ আৰু সভাবোৰৰ ভালদৰে তৈয়াৰী কৰিলোঁ, তেতিয়া এই সকলো দুখ পাহৰি গʼলোঁ।” ভনীয়ে এয়াও কয় যে এই টেবলেটে বিশেষকৈ মহামাৰীৰ সময়ত বহুত সহায় কৰিলে। কিয়নো সেই সময়ত মণ্ডলীৰ সভা আৰু প্ৰচাৰৰ কামবোৰ ভিডিঅʼ কʼনফ্ৰেন্সিঙৰ জৰিয়তে হৈ আছিল। ভনী হুলদাই নিজৰ লক্ষ্যত উপনিত হোৱাৰ বাবে আমি বহুত আনন্দিত।