ভাগ ৬-ত কি শিকিম

অৱশেষত ইস্ৰায়েলীসকলে যেতিয়া প্ৰতিজ্ঞা কৰা দেশত পালেগৈ, তেতিয়া তাত পবিত্ৰ তম্বু ঈশ্বৰৰ সত্য উপাসনাৰ এক বিশেষ ঠাই হʼল। পুৰোহিতসকলে নিয়ম শিকাইছিল আৰু ন্যায়ীসকলে ৰাষ্ট্ৰক সঠিক পথ দেখুৱাইছিল। এই ভাগত দিয়া কাহিনীবোৰে দেখুৱায় যে এজন ব্যক্তিৰ নিৰ্ণয় আৰু কামে আনৰ ওপৰত বহুত প্ৰভাৱ পেলাব পাৰে। গতিকে প্ৰতিজন ইস্ৰায়েলীক যিহোৱা আৰু তেওঁলোকৰ আন ইস্ৰায়েলীসকলৰ বিশ্বাসী হৈ থাকিব লাগিছিল। বুজিবলৈ সহায় কৰক যে দবোৰা, নয়মী, যিহোচূৱা, হান্না, যিপ্তহৰ ছোৱালী আৰু চমূৱেলৰ কামবোৰে কেনেকৈ তেওঁলোকৰ লোকসকলৰ ওপৰত প্ৰভাৱ পেলাইছিল। এয়াও জানিবলৈ সহায় কৰক যে ইস্ৰায়েলী নোহোৱা কিছুমান লোকেও ইস্ৰায়েলীসকলক লগ দিবলৈ নিৰ্ণয় লৈছিল। কিয়নো তেওঁলোকে জানিছিল যে ইস্ৰায়েলীসকলৰ লগত ঈশ্বৰ আছে। তেওঁলোকৰ মাজৰ কিছুমান আছিল ৰাহাব, ৰূথ, যায়েল আৰু গিবিয়োনী লোক।