“উৎসাহী ৰাজ্যৰ প্ৰচাৰকসকল,” জিলা অধিৱেশনৰ পৰা সম্পূণকৈ লাভবান হোৱা
১ উৎসাহিত কৰি তুলা কাৰ্য্যক্ৰম: অলপতে হৈ যোৱা উৎসাহিতজনক জিলা অধিৱেশনৰ কাৰ্য্যক্ৰমবোৰ পৰা আমি কিমান আনন্দিত হলোঁ! আমি তাত ঈশ্বৰৰ ৰাজ্যৰ বিষয়ে উৎসাহি হৈ ঘোষণা কৰাত নিপুণ হোৱাৰ উমৈহতীয়া উদ্দেশ্যৰে একত্ৰিত হৈছিলোঁ। প্ৰথমতে ভাষণ দিয়া বক্তাজনে “প্ৰচাৰ কৰা” বিষয়ে বৰ্ণনা কৰা সম্পৰ্কে আপোনাৰ মনত আছেনে? “নিৰ্ভয় হওক যে যিহোৱা আমাৰ সৈতে আছে” নামৰ ভাষণটোত কেনেদৰে অন্বেষণ কৰিব লাগে বুলি কোৱা বিষয়ে আপোনাৰ মনত আছেনে? আপুনি তাত উল্লেখ কৰা কেনে আত্ম-জীৱনীৰ বিষয়ে এতিয়ালৈকে বিবেচনা কৰিছে?
২ “বিভিন্ন যাতনাৰ দ্বাৰা আমাৰ বিশ্বাসৰ পৰীক্ষা হয়” নামৰ আলোচনা চক্ৰত যিহোৱাই কিয় অত্যাচাৰৰ অনুমতি দিছে তাৰ তিনটা কাৰণ দাঙি ধৰা হʼল। সেইবোৰৰ বিষয়ে আপুনি বৰ্ণনা কৰিব পাৰিবনে? আমি খ্ৰীষ্টান নিৰপেক্ষতা বজাই ৰখাটো কেনে শাস্ত্ৰীয় পদৰ ওপৰত আধাৰিত? নিৰপেক্ষতা বজাই ৰখাৰ সম্পৰ্কে নিজে প্ৰস্তুত হʼবলৈ কি কৰাৰ বিষয়ে উৎসাহিত কৰিছিল? আমি ধৈৰ্য্যৰে পৰীক্ষাবোৰৰ সম্মুখীন হৈ কেনেকৈ যিহোৱাৰ প্ৰশংসা কৰিব পাৰোঁ?
৩ “ক্লেশৰ সময়ত বিশ্বাসত দৃঢ় হৈ থাকক” নামৰ নাটকখনৰ কোনটো ভাগে আপোনাৰ বিশ্বাস অধিক দৃঢ় কৰি তুলিলে? আমি কেনেকৈ যিৰিমিয়াৰ দৰে হʼব পাৰোঁ?
৪ “এই সংসাৰৰ আকাৰ-প্ৰকাৰ অতীত হʼব লাগিছে” নামৰ ৰাজহুৱা ভাষণত ভৱিষ্যতে হʼবলগীয়া কেনে এক গুৰুত্বপূৰ্ণ পৰিৱৰ্তনসমূহৰ বিষয়ে উল্লেখ কৰা হৈছিল যিয়ে আমাক সেই ভয়ানক দিনলৈ পৰিচালিত কৰে? “উৎসাহী ৰাজ্যৰ প্ৰচাৰকসকলে সৎকৰ্ম্মত লাগি থাকক” নামৰ সমাপ্তিৰ ভাষণত উল্লেখ কৰা সংবাদবোৰক আপুনি কেনেকৈ নিজৰ প্ৰচাৰ কাৰ্য্যৰ সৈতে প্ৰযোজ্য কৰিলে?
৫ মূখ্য বিষয়বোৰ কাৰ্য্যত ব্যৱহাৰ কৰা: “স্বয়ং কৃতজ্ঞতাপূৰ্ণ হওক,” নামৰ ভাষণটোত বৰ্ণনা কৰা অনুসাৰে আমি কেনেকৈ যিহোৱালৈ গভীৰভাৱে কৃতজ্ঞতা জ্ঞাপন কৰিব পাৰোঁ? “উৎসাহেৰে পৰিপূৰ্ণ হোৱা ৰাজ্যৰ প্ৰচাৰক” নামৰ মূল ভাষণটোত আমাক কোনসকলৰ উদ্দীপনাক অনুকৰণ কৰিবলৈ কোৱা হৈছিল? আমাক কেনে আত্মসমীক্ষা কৰিবলৈ কোৱা হৈছিল?
৬ “মীখাৰ ভৱিষ্যতবাণীয়ে আমাক যিহোৱাৰ নামৰ সৈতে চলিবলৈ শক্তিশালী কৰে,” এই আলোচনা চক্ৰটোত যিহোৱাৰ অনুমোদনপ্ৰাপ্ত হʼবলৈ কেনে তিনিটা আৱশ্যকতাক পালন কৰাৰ সম্পৰ্কে উল্লেখ কৰা হৈছিল? সেই আৱশ্যকতাক পূৰ কৰাটো সম্ভৱনে? (মীখা ৬:৮) “হৃদয়ক প্ৰতিৰক্ষা কৰি পবিত্ৰতা বজাই ৰাখক” নামৰ ভাষণটোৰ অনুসাৰে আমি কেনেকৈ নৈতিকভাৱে শুদ্ধতা বজাই ৰাখিব পাৰোঁ? “প্ৰবঞ্চনাৰ পৰা আঁতৰি থাকক” নামৰ ভাষণৰ কোনবোৰ ক্ষেত্ৰই আমাক নিজকে প্ৰবঞ্চনাৰ পৰা আঁতৰাই ৰখাৰ আৰু আনক প্ৰবঞ্চনা নকৰাৰ সম্পৰ্কে সতৰ্ক কৰিছে?
৭ “ৰাজ্য প্ৰচাৰকসকলে নিজ পৰিচৰ্য্যা কাৰ্য্যৰ গৌৰৱ বৃদ্ধি কৰে,” আলোচনা চক্ৰত উল্লেখ কৰা এই ভাষণটোৰ কেনে ব্যৱহাৰিক বিষয়বোৰক আপুনি নিজৰ পৰিচৰ্য্যা কাৰ্য্যত প্ৰয়োগ কৰিছে? “আধ্যাত্মিক কথোপকথনে উন্নতি সাধন কৰে,” এই ভাষণটোত ফিলিপীয়া ৪:৮ পদটোক বিশ্লেষণ কৰিছিল। আমি আধ্যাত্মিক উন্নতি সাধক কথোপকথন কৰিবলৈ কেনেকৈ সেই পদটোৱে সহায় কৰে আৰু কেতিয়া আমি তেনে কৰা উচিত?
৮ “ক্লেশৰ সময়ত সম্পূৰ্ণকৈ যিহোৱাত ভাৰসা ৰাখক,” এই ভাষণটোত আলোচনা কৰা হৈছিল যে কেনেকৈ আমি শোকাবহ পৰিস্থিতি, আৰ্থিক, শাৰীৰিক, পৰিয়ালৰ সমস্যা আৰু দুৰ্ব্বলতাবোৰৰ সম্মুখীন হʼব পাৰোঁ। এনে পৰিস্থিতিবোৰ সম্মুখীন হোৱা সময়ত কেনেকৈ প্ৰকাশ কৰিব পাৰোঁ যে আমি সম্পূৰ্ণৰূপে যিহোৱাত ভাৰসা ৰাখোঁ?
৯ নতুনকৈ পোৱা আধ্যাত্মিক সম্পদ: একমাত্ৰ সত্য ঈশ্বৰক উপাসনা কৰক নামৰ কিতাপখন পাই আমি অতি আনন্দিত হৈছিলোঁ। এই কিতপখনৰ উদ্দেশ্যক বৰ্ণনা কৰা ঘোষণাই আপোনাক কেনে প্ৰভাৱিত কৰিলে? এই কিতাপখনৰ দ্বিতীয় অধ্যয়নটোৱে কিয় আমাক শিষ্য বনোৱা কাৰ্য্যত সহায় কৰিব পাৰে?
১০ ইয়াৰ পিছত আমি ঈশ্বৰৰ কাষ চপা নামৰ আন এখন সুন্দৰ কিতাপ লাভ কৰিলোঁ। ইয়াৰ কিছুমান বিশেষ বৈশিষ্ট্যতা কি? ইয়াৰ কোনটো দৃষ্টান্তক আপুনি অধিক পছন্দ কৰে? এই কিতাপখন পঢ়ি আপুনি ঈশ্বৰৰ কাষ চপাটো অনুভৱ কৰিছেনে? আমাৰ বাহিৰে আৰু কোনসকলে এই কিতাপখনৰ পৰা লাভবান হʼব পাৰে?
১১ “উৎসাহী ৰাজ্যৰ প্ৰচাৰকসকল,” এই জিলা অধিৱেশনে আমাক কঠিন পৰিস্থিতিত সফলতাৰে সম্মুখীন হʼবলৈ আধ্যাত্মিক সতেজতা প্ৰদান কৰিলে। গতিকে এই আধ্যাত্মিক সম্পদৰ পৰা সম্পূৰ্ণকৈ লাভবান হʼবলৈ আঁহক আমি তাত কোৱা পৰামৰ্শবোৰক মনত ৰাখিবলৈ, তাৰ প্ৰতি মূল্যাঙ্কন আৰু তাৰ পৰা শিকা বিষয়বোৰক নিজৰ জীৱনত ব্যৱহাৰ কৰিবলৈ সকলো প্ৰচেষ্টা কৰোঁহঁক। (২ পিতৰ ৩:১৪) এনে কৰাৰ দ্বাৰা আমি নিজৰ আনুগত্য বজাই ৰাখাত আৰু উৎসাহী ৰাজ্যৰ প্ৰচাৰক হৈ যীচুৰ অনুকৰণ কৰি সকলোবোৰত ঈশ্বৰৰ গৌৰৱ প্ৰকাশ কৰাত শক্তিশালী হʼম।