নিস্তাৰ-পৰ্ব্ব, স্মৰণীয় দিনৰ আভাস নাছিল, কিন্তু নিস্তাৰ-পৰ্ব্বৰপৰা আমি বহুতো কথা শিকিব পাৰোঁ। উদাহৰণস্বৰূপে, পাঁচনি পৌলে যীচুক “আমাৰ নিস্তাৰ-পৰ্ব্বৰ মেৰ পোৱালি” বুলি কৈছিল। (১কৰি ৫:৭) ইস্ৰায়েলীসকলে মিচৰত থকাৰ সময়ত ঘৰৰ দুৱাৰৰ চৌকাঠত লগোৱা মেৰ পোৱালিৰ তেজে যেনেকৈ তেওঁলোকৰ জীৱন ৰক্ষা কৰিছিল, ঠিক সেইদৰে, যীচুৰ তেজেও লোকসকলৰ জীৱন ৰক্ষা কৰে। (যাত্ৰা ১২:১২, ১৩) ইয়াৰ উপৰিও, নিস্তাৰ-পৰ্ব্বত ব্যৱহাৰ হোৱা মেৰ পোৱালিটোৰ কোনো হাড় ভঙা নাছিল। ঠিক সেইদৰে, যীচুৰ মৃত্যুৰ সময়তো তেওঁৰ এডালো হাড় ভঙা নাছিল। সাধাৰণতে স্তম্ভত আঁৰি মৃত্যুদণ্ড দিয়াৰ সময়ত হাড় ভঙাটো সেইসময়ৰ এক নিয়ম আছিল।—যাত্ৰা ১২:৪৬; যোহ ১৯:৩১-৩৩, ৩৬.