এক অনন্ত জীৱন ব্ৰচাৰ আৰু কিতাপখনৰপৰা শিকাওক

বাইবেল অধ্যয়ন কৰিবলৈ এখন নতুন ব্ৰচাৰ আৰু কিতাপ পাই আমি বৰ আনন্দিত হৈছোঁ। ইয়াৰ সহায়ত আমি আৰু বহুতো লোকক যীচুৰ শিষ্য হʼবলৈ সহায় কৰিব বিচাৰোঁ। এই কামত সফলতা লাভ কৰিবলৈ সহায় বিচাৰি আমি যিহোৱালৈ প্ৰাৰ্থনা কৰিম। (মথি ২৮:১৮-২০; ১কৰি ৩:৬-৯) কিন্তু প্ৰশ্ন হৈছে যে আমি এই প্ৰকাশনৰ সহায়ত কেনেকৈ বাইবেল অধ্যয়ন কৰিব পাৰোঁ?

এক অনন্ত জীৱন নামৰ ব্ৰচাৰখনত শিক্ষা দিয়াৰ এক নতুন উপায় দিয়া হৈছে। যাৰ বাবে বিদ্যাৰ্থীয়ে আলোচনাত আৰু বেছিকৈ ভাগ লʼব পাৰে। অধ্যয়নৰ প্ৰস্তুত কৰোঁতে আৰু বিদ্যাৰ্থীৰ লগত আলোচনা কৰোঁতে তলত দিয়া কথাবোৰ মনত ৰাখক।a

• পাঠটো পঢ়ক আৰু তাৰ পাছত প্ৰশ্নবোৰ আলোচনা কৰক।

• “পঢ়ক” বুলি দিয়া বাইবেল পদবোৰ পঢ়ক। এই পদবোৰৰ অৰ্থ বুজিবলৈ আৰু তাক পালন কৰিবলৈ বিদ্যাৰ্থীক সহায় কৰক।

• ভিডিঅʼবোৰ দেখুওৱাক আৰু তাত উল্লেখ থকা প্ৰশ্নবোৰ আলোচনা কৰক।

• প্ৰতিবাৰে অধ্যয়ন কৰোঁতে এটা পাঠ শেষ কৰিবলৈ চেষ্টা কৰক।

যেতিয়া আপুনি কোনো এজন ব্যক্তিক প্ৰচাৰ কৰে, তেতিয়া প্ৰথমে তেওঁক ব্ৰচাৰখন দিয়ক আৰু তেওঁ কিহৰ বিষয়ে আগ্ৰহী তাক জানিবলৈ চেষ্টা কৰক। (প্ৰথম সাক্ষাতৰ সময়ত “এক অনন্ত জীৱন ব্ৰচাৰখন কেনেকৈ দিব পাৰোঁ?” নামৰ বক্সটো চাওক।) যদি ব্ৰচাৰখনৰপৰা অধ্যয়ন শেষ হয় আৰু বিদ্যাৰ্থীয়ে বেছিকৈ শিকিব বিচাৰে, তেনেহʼলে তেওঁক কিতাপখন দিয়ক। তাৰ পাছত পাঠ ৪ৰপৰা অধ্যয়ন আৰম্ভ কৰক। যদি আপুনি কাৰোবাক শিকায় বা ঈশ্বৰৰ প্ৰেম কিতাপৰপৰা অধ্যয়ন কৰি আছে, তেনেহʼলে সেয়া বন্ধ কৰক আৰু এক অনন্ত জীৱন কিতাপৰপৰা আৰম্ভ কৰক। আপুনি কোনটো পাঠৰপৰা আৰম্ভ কৰিব পাৰে, ইয়াৰ নিৰ্ণয় নিজে লʼব পাৰে।

আহক বাইবেলৰপৰা শিকোঁ নামৰ ভিডিঅʼখন চাওক আৰু তলত দিয়া প্ৰশ্নবোৰৰ উত্তৰ দিয়ক:

• বিদ্যাৰ্থীয়ে এই নতুন কিতাপৰপৰা কি শিকিব পাৰে?

• আপুনি এই ভিডিঅʼখন নতুন বিদ্যাৰ্থীক কিয় দেখুওৱা উচিত?

• আপুনি বিদ্যাৰ্থীক কি কি লক্ষ্য ৰাখিবলৈ আৰু তাক পাবলৈ সহায় কৰা উচিত?—“প্ৰতিটো ভাগৰ উদ্দেশ্য আৰু লক্ষ্য” নামৰ তালিকাখন চাওক।