আপুনি বাইবেলৰ অডিঅʼ ৰেকডিং শুনেনে?

অডিঅʼ বাইবেল কি হয়? এয়া নিউ ৱৰ্ল্ড ট্ৰানচলেশ্ব্যান্‌ বাইবেলৰ অডিঅʼ ৰেকডিং হয়। ইয়াক লাহে লাহে বহুতো ভাষাত উপলব্ধ কৰা হৈছে। এই ৰেকডিঙৰ এটা বিশেষ কথা হৈছে যে বেলেগ বেলেগ চৰিত্ৰৰ কাৰণে বেলেগ বেলেগ লোকৰ মাত লোৱা হৈছে। ইয়াত সঠিক শব্দবোৰত জোৰ দিয়া হৈছে আৰু সঠিক ভাৱনাৰে সৈতে পঢ়া হৈছে। সেইবাবে, বাইবেলৰ বাৰ্তাক সঠিকভাৱে বুজিব পৰা যায়।

অডিঅʼ বাইবেলৰ পৰা কিছুমান লোকৰ কি লাভ হৈছে? কিছুমান লোকে নিয়মীয়াকৈ বাইবেলৰ অডিঅʼ ৰেকডিং শুনি ভাল পাই, কিয়নো ইয়াৰ পৰা বাইবেলৰ ঘটনাবোৰ তেওঁলোকক জীৱন্ত যেন লাগে। যেতিয়া তেওঁলোকে বেলেগ বেলেগ চৰিত্ৰৰ মাতবোৰ শুনে, তেতিয়া বাইবেলৰ ঘটনাবোৰ আৰু ভালদৰে কল্পনা কৰিব পাৰে। এইদৰে তেওঁলোকে বাইবেলৰ কথাবোৰ আৰু ভালদৰে বুজি পায়। (হিতো ৪:৫) বহুতো লোকে অনুভৱ কৰিছে যে যেতিয়া কিবা সমস্যাই তেওঁলোকক আৱৰি ধৰে, তেতিয়া বাইবেলৰ অডিঅʼ ৰেকডিং শুনি তেওঁলোকে শান্তি লাভ কৰিছে।—গীত ৯৪:১৯.

যেতিয়া ঈশ্বৰৰ বাক্যৰ কথাবোৰ জুৰেৰে পঢ়ি শুনোৱা হয়, তেতিয়া ইয়ে আমাৰ জীৱনত গভীৰভাৱে প্ৰভাৱ পেলায়। (২বং ৩৪:১৯-২১) যদি আপোনাৰ ভাষাত সম্পূৰ্ণ বাইবেল বা ইয়াৰ কিছুমান কিতাপৰ ৰেকডিং আছে, তেনেহʼলে আপুনি ইয়াক নিয়মীয়াকৈ শুনাৰ অভ্যাস কৰিব পাৰেনে?

অডিঅʼ বাইবেলৰ ৰেকডিং—এক আভাস নামৰ ভিডিঅʼখন চাওক। তাৰ পাছত তলত দিয়া প্ৰশ্নৰ উত্তৰ দিয়ক:

অডিঅʼ বাইবেলখন যিদৰে ৰেকডিং কৰা হৈছে, তাৰ কি কথা আপোনাক ভাল লাগে?