ঈশ্বৰৰ নাম যীচু হয় নেকি?

পবিত্ৰ শাস্ত্ৰ বাইবেলে উত্তৰ দিয়ে

যীচুৱে নিজকে “মই ঈশ্বৰৰ পুত্ৰ” বা “ঈশ্বৰৰ পুত্ৰ” বুলি উল্লেখ কৰিছিল। (যোহন ১০:৩৬; ১১:৪) তেওঁ কেতিয়াও সৰ্ব্বশক্তিমান ঈশ্বৰ বুলি পৰিচয় দিয়া নাছিল।

ইয়াৰ উপৰিও, যীচুৱে সৰ্ব্বশক্তিমান ঈশ্বৰক প্ৰাৰ্থনা কৰিছিল। (মথি ২৬:৩৯) তেওঁ নিজৰ শিষ্যসকলক কেনেকৈ প্ৰাৰ্থনা কৰা উচিত, তাৰ বিষয়ে শিকাওঁতে এইদৰে কৈছিল: “হে আমাৰ স্বৰ্গত থকা পিতৃ, তোমাৰ নাম পুজনীয় হওক।”—মথি ৬:৯.

যীচুৱে এটা প্ৰাচীন শাস্ত্ৰপদৰ উদ্ধৃতি দিয়াৰ সময়ত ঈশ্বৰৰ নামটো প্ৰকাশ কৰি এইদৰে কৈছিল: “হে ইস্ৰায়েল, শুনা; প্ৰভুৱেই [যিহোৱা, NW] আমাৰ ঈশ্বৰ, প্ৰভু [যিহোৱা, NW] এজনা।”—মাৰ্ক ১২:২৯, ৩০; দ্বিতীয় বিবৰণ ৬:৪.