যীচুৰ মৃত্যু ক্ৰুচত হৈছিল নেকি?

পবিত্ৰ শাস্ত্ৰ বাইবেলে উত্তৰ দিয়ে

বহুতোলোকে বিশ্বাস কৰে যে ক্ৰুচ হৈছে খ্ৰীষ্টানসকলৰ এক চিন। কিন্তু মন কৰিবলগীয়া কথা যে যীচুৰ মৃত্যু কিহত হৈছিল, তাৰ বিষয়ে বাইবেলে বৰ্ণনা কৰা নাই। সেইবাবে, তাৰ আকাৰৰ বিষয়ে কোনেও সঠিককৈ কʼব নোৱাৰে। প্ৰকৃততে যীচুৰ যে মৃত্যু কোনো ক্ৰুচত নহয়, কিন্তু এক স্তম্ভত হৈছিল, তাৰ বিষয়ে বাইবেলে যথেষ্ট প্ৰমাণ আগবঢ়ায়।

যীচুক মৃত্যুদণ্ড দিয়াৰ বাবে যি বস্তু ব্যৱহাৰ কৰা হৈছিল, তাক বাইবেলে সাধাৰণতে গ্ৰীক শব্দ ষ্টাওৰʼচ ব্যৱহাৰ কৰে। (মথি ২৭:৪০; যোহন ১৯:১৭) বিভিন্ন বাইবেলৰ অনুবাদত এই শব্দৰ বাবে “ক্ৰুচ” ব্যৱহাৰ কৰা হৈছে। কিন্তু বহুতো বিদ্ধানে কʼব বিচাৰে যে ইয়াৰ প্ৰকৃত অৰ্থ হৈছে “থিয়কৈ ৰখা এটা স্তম্ভ বা খুটা।”a এ ক্ৰিটিকেল লেক্সিকন এণ্ড কনকৰডেঞ্চ টু দ্যা ইংলিচ এণ্ড গ্ৰীক নিউ টেষ্টামেন্টৰ অনুসৰি ষ্টাওৰʼচৰ “অৰ্থ কোনো দিশৰপৰা দুডাল কাঠ, এটাৰ লগত আন এটাৰ সংযোগ থকাক কেতিয়াও নুবুজায়।”

ষ্টাওৰʼচৰ সমাৰ্থক শব্দ হিচাপে বাইবেলে গ্ৰীক শব্দ জাইলʼন ব্যৱহাৰ কৰিছে। (পাঁচনিৰ কৰ্ম্ম ৫:​৩০; ১ পিতৰ ২:​২৪) এই গ্ৰীক শব্দৰ অৰ্থ হৈছে “কাঠ” বা “লাঠি, ডাং বা গছ।”b দ্যা ক্যাম্‌প্যানিয়ান্‌ বাইবেলে ইয়াৰ বিষয়ে এইদৰে মন্তব্য কৰিছে: “গ্ৰীক শাস্ত্ৰপদত [নতুন নিয়মত] কেঁচীয়া-কেঁচিকৈ লাগি থকা দুডাল কাঠৰ বিষয়ে কোনো বৰ্ণনা নাই।”

উপাসনাত ক্ৰুচ ব্যৱহাৰ কৰিলে ঈশ্বৰে গ্ৰহণ কৰিবনে?

যীচুৱে যিয়ে বস্তুৰ ওপৰত মৃত্যুৱৰণ নকৰক কিয়, নিম্নলিখিত কিছুমান সত্যতা আৰু বাইবেলৰ পদে স্পষ্ট কৰে যে আমি উপাসনাত কিয় ক্ৰুচ ব্যৱহাৰ কৰা উচিত নহয়।

1. ১. কোনো প্ৰতিমা অথবা প্ৰতীক যʼত ক্ৰুচো জড়িত আছে, তেনে উপাসনা ঈশ্বৰে গ্ৰহণ নকৰে। উপাসনাত ‘কোনো আকাৰৰ মূৰ্ত্তি’ ব্যৱহাৰ নকৰিবলৈ ঈশ্বৰে ইস্ৰায়েলীসকলক আজ্ঞা দিছিল। ঠিক সেইদৰে, সত্য খ্ৰীষ্টানসকলকো ‘দেৱপূজাৰ পৰা পলাবলৈ’ আজ্ঞা দিয়া হৈছে।​—দ্বিতীয় বিবৰণ ৪:​১৫-​১৯; ১ কৰিন্থীয়া ১০:১৪.

2. ২. প্ৰথম শতিকাৰ খ্ৰীষ্টানসকলে উপাসনাত ক্ৰুচ ব্যৱহাৰ কৰা নাছিল।c পাঁচনিসকলৰ শিক্ষা আৰু উদাহৰণবোৰ এক উত্তম আৰ্হিৰূপে সকলো খ্ৰীষ্টানে পালন কৰা উচিত।​—২ থিচলনীকীয়া ২:​১৫.

3. ৩. উপাসনাত ক্ৰুচ ব্যৱহাৰ কৰাটো মিছা ধৰ্ম্মৰপৰা আহিছে।d যীচুৰ মৃত্যুৰ বহু বছৰৰ পাছত যেতিয়া গীৰ্জাবোৰে যীচুৰ শিক্ষাৰপৰা ফালৰি কাটিলে, তেতিয়া গীৰ্জাৰ নতুন সদস্যসকলক “মিছা ধৰ্ম্মৰ প্ৰতীক আৰু চিন বহুলভাৱে ব্যৱহাৰ কৰিবলৈ অনুমতি দিছিল” যʼত ক্ৰুচো জড়িত আছিল। (দ্যা এক্সপেণ্ডেড ৱাইনচ এক্সপʼজিটেৰী ডিক্সেনেৰী অফ দ্যা নিউ টেষ্টামেন্ট ৱৰ্ডচ) কিন্তু, নতুনকৈ শিষ্য হোৱা লোকসকলে মিছা ধৰ্ম্মৰ শিক্ষাবোৰৰ লগত জড়িত হৈ থাকিলে বাইবেলে কেতিয়াও ক্ষমা নকৰে।​—২ কৰিন্থীয়া ৬:​১৭.