নৰক সঁচাকৈ আছেনে? বাইবেলৰ অনুসৰি নৰক কি হয়?

পবিত্ৰ শাস্ত্ৰ বাইবেলে উত্তৰ দিয়ে

কিছুমান পুৰণি বাইবেলৰ অনুবাদত যেনে কিং জেমচ ভাৰচনত “নৰক” শব্দটো ব্যৱহাৰ কৰা হৈছে। (গীতমালা ১৬:১০; পাঁচনিৰ কৰ্ম্ম ২:২৭a) কিছুমান ধৰ্মীয় শিক্ষাৰ ওপৰত আধাৰিত ছবিবোৰত, যি এই লেখত দেখুৱা ছবিখনৰ দৰে হয়; বহুতোলোকে বিশ্বাস কৰে যে নৰক এক জ্বলি থকা ঠাই হয়, যʼত বেয়া লোকক শাস্তি দিয়া হয়। কিন্তু বাইবেলে এইদৰে শিকাই নে?

এই লেখত

• নৰক এনে এখন ঠাই হয়নে, যʼত সদায় শাস্তি দিয় হয়?

• যীচুৱে ধনী ব্যক্তি আৰু লাজাৰ উদাহৰণৰ পৰা কি বুজাব বিচাৰিছিল?

• নৰকৰ তাড়নাই আমাক ঈশ্বৰৰ পৰা দূৰ কৰি দিয়েনে?

• নৰকৰ পৰা কোনোবাই মুকলি হৈ আহিছেনে?

• নৰক বা কবৰৰ বিষয়ে বাইবেলৰ পদবোৰ

• আৰম্ভণিৰ ভাষাত লিখা বাইবেলৰ শব্দ

• নৰকৰ জুইৰ ইতিহাস

নৰক এনে এখন ঠাই হয়নে, যʼত সদায় শাস্তি দিয় হয়?

নহয়। আৰম্ভণিৰ ভাষাত লিখা বাইবেলৰ শব্দ “নৰক” কিছুমান পুৰণি বাইবেলৰ অনুবাদে (হিব্ৰু, “চিয়োল”; গ্ৰীক, “হেডীজ”) সাধাৰণতে মানৱজাতিৰ বাবে ব্যৱহাৰ কৰা কবৰক চিত্ৰিত কৰে। বাইবেলত উল্লেখ কৰা হৈছে যে যিসকল লোক “কবৰত” আছে, তেওঁলোকৰ কোনো অস্তিত নাই।

• মৃত লোকসকলৰ কোনো চেতনা নাথাকে, সেইবাবে তেওঁলোকে কোনো ধৰণৰ কষ্ট অনুভৱ নকৰে। “চিয়োলত কোনো কাৰ্য্য, কি কল্পনা, কি বিদ্যা, কি জ্ঞান, একোৱেই নাই।” (উপদেশক ৯:১০, ডৌয়াই-ৰাইমছ ভাৰচন) নৰকত কষ্টত চিঞৰি থকা কোনো মাত শুনিবলৈ পোৱা নাযায়। ইয়াৰ পৰিৱৰ্তে বাইবেলে কয়, “দুষ্টবোৰ বঞ্চিত হওক, সিহঁতে চিয়োলত নিজম দি থাকক [নৰক, ডৌয়াই-ৰাইমছ ভাৰচন]।”—গীতমালা ৩১:১৭; কিং জেমচ ভাৰচনত (৩০:১৮, ডৌয়াই-ৰাইমছ); গীতমালা ১১৫:১৭.

• ঈশ্বৰে মৃত্যু দিছে, পাপৰ কাৰণে নৰকৰ তাড়না নহয়। ঈশ্বৰে প্ৰথম পুৰুষ আদমক কৈছিল যে ঈশ্বৰৰ আজ্ঞা উলংঘন কৰাৰ বাবে তেওঁৰ মৃত্যু হʼব। (আদিপুস্তক ২:১৭) তেওঁ নৰকত সদায় শাস্তি পাই থাকিব বুলি কোৱা নাছিল। আদমে পাপ কৰাৰ পাছত ঈশ্বৰে কৈছিলে যে তেওঁ কি শাস্তি পাব। তেওঁ কৈছিল, “তুমি ধূলি মাথোন, পুনৰায় ধূলিলৈকে উলটি যাবা।” (আদিপুস্তক ৩:১৯) অৰ্থাৎ তেওঁৰ অস্তিত নাইকিয়া হʼব। ঈশ্বৰে সঁচাকৈ আদমক নৰকলৈ পঠোৱা হʼলে, ইয়াৰ বিষয়ে নিশ্চয় কʼলেহেঁতেন। ঈশ্বৰৰ আজ্ঞা উলংঘন কৰাৰ শাস্তি তেওঁ সলনি কৰা নাই। আদমে পাপ কৰাৰ বহু বছৰ পাছত, ঈশ্বৰৰ প্ৰেৰণাৰে বাইবেলৰ এজন লেখকে কৈছিল, “পাপে যি মজুৰি দিয়ে, সেয়া হৈছে মৃত্যু।” (ৰোমীয়া ৬:২৩) কিন্তু ভৱিষ্যতৰ শাস্তি যুক্তিসংগত নহʼব, কিয়নো “যিজন মৰিল, তেওঁ নিজৰ পাপৰ পৰা মুক্ত হʼল।”—ৰোমীয়া ৬:৭.

• সদায় শাস্তি দিয়া কথাটো ঈশ্বৰৰ বাবে এটা ঘিণলগীয়া বিষয়। (যিৰিমিয়া ৩২:৩৫) এনে ধৰণৰ শিক্ষা বাইবেলৰ শিক্ষাৰ বিপৰীত, কিয়নো ইয়াত কোৱা হৈছে যে “ঈশ্বৰ প্ৰেম।” (১ যোহন ৪:৮) আমি প্ৰেমৰ বাবে তেওঁৰ উপাসনা কৰাটো ঈশ্বৰে বিচাৰে, সদায় শাস্তি পোৱাৰ ভয়ৰ বাবে নহয়।—মথি ২২:৩৬-৩৮.

• ভাল লোকসকলেও নৰকলৈ যায়। যি বাইবেলবোৰত “নৰক” শব্দটো ব্যৱহাৰ কৰা হৈছে, সেয়া চিত্ৰিত কৰে যে বিশ্বাসী সেৱক, যেনে যাকোব আৰু ইয়োব নৰকলৈ যাব বুলি আশা কৰিছিল। (আদিপুস্তক ৩৭:৩৫; ইয়োব ১৪:১৩) ইয়াৰ উপৰিও যীচুৱে নিজৰ মৃত্যু আৰু আকৌ জীয়াই উঠাৰ মাজৰ সময়ছোৱাক “নৰকত” আছোঁ বুলি কৈছিল। (পাঁচনিৰ কৰ্ম্ম ২:৩১, ৩২) চাবলৈ গʼলে বাইবেলৰ যি পদবোৰত “নৰক” বুলি উল্লেখ আছে, সেয়া সাধাৰণতে কবৰক বুজায়।b

যীচুৱে ধনী ব্যক্তি আৰু লাজাৰ উদাহৰণৰ পৰা কি বুজাব বিচাৰিছিল?

যীচুৱে উল্লেখ কৰা এই উদাহৰণ বাইবেলৰ লূক ১৬:১৯-৩১ পদত পঢ়িবলৈ পোৱা যায়। এনেধৰণৰ উদাহৰণবোৰ যীচুৱে লোকসকলক নৈতিক আৰু আধ্যাত্মিক শিক্ষা বুজাবলৈ ব্যৱহাৰ কৰিছিল। যীচুৱে কোৱা ধনী ব্যক্তি আৰু লাজাৰ উদাহৰণটো সঁচা ঘটনা নাছিল। (মথি ১৩:৩৪) এই উদাহৰণৰ বিষয়ে বেছিকৈ জানিবলৈ “ধনী ব্যক্তি আৰু লাজাৰ কোন আছিল?” নামৰ লেখ পঢ়ক।

নৰকৰ শাস্তিয়ে আমাক ঈশ্বৰৰ পৰা দূৰ কৰি দিয়েনে?

নহয়। মৃত্যুৱে লোকসকলক ঈশ্বৰৰ পৰা দূৰ কৰে, এই ধাৰণাক বাইবেলে সমৰ্থন নকৰে। বাইবেলে স্পষ্টকৈ বুজাই যে মৃত লোকসকলৰ কোনো চেতনা নাথাকে।—গীতমালা ১৪৬:৩, ৪; উপদেশক ৯:৫.

নৰকৰ পৰা কোনোবাই মুকলি হৈ আহিছেনে?

হয়। বাইবেলত এনে নজন ব্যক্তিৰ বিষয়ে লিখা আছে, যিসকলক কবৰ (বাইবেলৰ কিছুমান অনুবাদত ইয়াক নৰক বুলি কৰা হৈছে।) দিয়া হৈছিল আৰু পাছত তেওঁলোকক আকৌ জীয়াই তোলা হʼল।c তেওঁলোকে নৰকত আছে বুলি জনা হʼলে, সেই অনুভৱৰ বিষয়ে নিশ্চয় আনক জনালেহেঁতেন। তেওঁলোকে আনক কোনো ধৰণৰ শাস্তিৰ বিষয়ে একো নকʼলে। কিয় বাৰু? কাৰণ বাইবেলে শিকাই যে তেওঁলোক গভীৰ ‘টোপনিত’ আছে অৰ্থাৎ কোনো চেতনা নাই।—যোহন ১১:১১-১৪; ১ কৰিন্থীয়া ১৫:৩-৬.