খ্ৰীষ্টান হিচাপে জীৱন-যাপন

ভাবি-চিন্তি মনোৰঞ্জন বাছনি কৰক

আমি কিয় ভাবি-চিন্তি মনোৰঞ্জন বাছনি কৰা উচিত? কিয়নো যেতিয়া আমি কোনো এখন চিনেমা চাওঁ, গীত শুনো, কোনো এটা ৱেবছাইট চাওঁ বা কোনো এখন ভিডিঅ’ গেম খেলোঁ, তেতিয়া সেইবোৰেই আমাৰ মন আৰু হদয়ত ভৰি পৰে। আমাৰ বাছনিয়ে আমাৰ ব্যৱহাৰৰ ওপৰত প্ৰভাৱ পেলায়। কিন্তু দুখৰ বিষয় যে আজি বেছিভাগ মনোৰঞ্জনত এনে কিছুমান বিষয় জড়িত হৈ আছে, যাক যিহোৱা ঈশ্বৰে ঘিণ কৰে। (গীত ১১:৫; গালা ৫:১৯-২১) সেইবাবে, যিহোৱা ঈশ্বৰক মহিমান্বিত কৰা বিষয়বোৰৰ ওপৰত ধ্যান দিবলৈ বাইবেলে আমাক পৰামৰ্শ দিছে।—ফিলি ৪:৮.

মই কেনেধৰণৰ মনোৰঞ্জন বাছনি কৰা উচিত? নামৰ ভিডিঅʼখন চাওক আৰু নিম্নলিখিত প্ৰশ্নবোৰৰ উত্তৰ দিয়ক:

বৰ্তমান সময়ৰ কিছুমান মনোৰঞ্জন কেনেকৈ প্ৰাচীন ৰোমৰ গ্লেডিয়েটৰ খেল-ধেমালিৰ লগত মিল আছে?
মণ্ডলীৰ ভাই-ভনীসকলে কেনেকৈ কিশোৰ-কিশোৰীসকলক ভাবি-চিন্তি মনোৰঞ্জন বাছনি কৰিবলৈ সহায় কৰিব পাৰে?
ৰোমীয়া ১২:৯ পদটো মনত ৰাখি আমি কেনেধৰণৰ মনোৰঞ্জন বাছনি কৰা উচিত?
আপোনাৰ এলেকাত কি কি ভাল মনোৰঞ্জন আছে?

আপুনি কেনেধৰণৰ মনোৰঞ্জন কৰে?

বৰ্তমান সময়ৰ বেছিভাগ মনোৰঞ্জনে এজন ব্যক্তিক এলেহুৱা কৰি তোলে। চিনেমা, কিতাপ-পত্ৰ আৰু টিভিৰ প্ৰʼগ্ৰামবোৰে নিজৰ দক্ষতা প্ৰচাৰিত নকৰে, কিন্তু আনৰহে কৰে। চিনেমা চোৱাটো কোনো ভুল নহয়, কিন্তু বহুতোলোকে জানিব পাৰিছে যে যেতিয়া কোনো মনোৰঞ্জনত তেওঁলোকে নিজৰ বুদ্ধি খটায় অথবা নিজে কোনো খেলত ভাগ লয়, তেনেহʼলে তেওঁলোকে কিবা শিকিবলৈ পায় আৰু আনন্দ উপভোগ কৰে। কিছুমান লোকে সংগীতৰ বাদ্য-যন্ত্ৰ বজাই বা আন কিছুমান লোকে ছবি আঁকি ভাল পায়। আন কিছুমান লোকে ঘৰৰ বাহিতৰ উপভোগ কৰা মনোৰঞ্জন ভাল পায়। উদাহৰণস্বৰূপে, খেল-ধেমালি, দীঘলীয়া যাত্ৰা কৰা। আমি যিয়েই মনোৰঞ্জন নকৰোঁ কিয়, “সকলোকে ঈশ্বৰৰ গৌৰৱৰ অৰ্থে” কৰা উচিত।—১কৰি ১০:৩১.