খ্ৰীষ্টান হিচাপে জীৱন-যাপন
ঈশ্বৰৰ বাক্যৰ ওপৰত নিজৰ বিশ্বাস বঢ়াওক
বাইবেলত ভাল পৰামৰ্শ আৰু নিৰ্দেশনাবোৰ দিয়া আছে। এইবোৰ পালন কৰিলে আমাৰ জীৱন সলনি হʼব পাৰে। (ইব্ৰী ৪:১২) কিন্তু বাইবেলখন সঁচাকৈ “ঈশ্বৰৰ বাক্য” হয় বুলি বিশ্বাস কৰিলেহে আমাৰ জীৱন সলনি হʼব। (১থিচ ২:১৩) আমি কেনেকৈ বাইবেলৰ ওপৰত নিজৰ বিশ্বাস বঢ়াব পাৰোঁ?
প্ৰতিদিনে বাইবেলৰ কিছু অংশ পঢ়ক। বাইবেলখন পঢ়াৰ সময়ত এনে কিছুমান কথাৰ ওপৰত ধ্যান দিয়ক, যাৰ পৰা ইয়াৰ লেখক যিহোৱা বুলি প্ৰমাণ হয়। উদাহৰণস্বৰূপে, হিতোপদেশ কিতাপত দিয়া পৰামৰ্শৰ ওপৰত ধ্যান দিয়ক আৰু মন কৰক যে আজিও এই পৰামৰ্শবোৰ কিমান লাভজনক!—হিতো ১৩:২০; ১৪:৩০.
কোনো এটা বিষয়ত গভীৰভাৱে অধ্যয়ন কৰক। এনে প্ৰমাণবোৰ চালি-জাৰি চাওক, যাৰ পৰা জানিব পাৰি যে বাইবেলখন ঈশ্বৰৰ প্ৰেৰণাৰে লিখা হৈছে। যিহোৱাৰ সাক্ষীসকলৰ বাবে অনুসন্ধান গাইডত (হিন্দী) “বাইবেল” ভাগৰ তলত “ঈশ্বৰৰ প্ৰেৰণাৰে লিখা” ভাগত দিয়া লেখ পঢ়ক। ইয়াৰ উপৰিও নিউ ৱৰ্ল্ড ট্ৰান্চলেশ্ব্যান্ বাইবেলৰ অতিৰিক্ত লেখ ক৩-ত দিয়া তথ্যবোৰো অধ্যয়ন কৰিব পাৰে। এনে কৰিলে আপোনাৰ বিশ্বাস বাঢ়িব যে যিহোৱাই আৰম্ভণিতে বাইবেলত যি বাৰ্তা লিখাইছিল, সেই একেই বাৰ্তা আজিও বাইবেলত পোৱা যায়।
আমি কিয় বিশ্বাস কৰোঁ . . . ঈশ্বৰৰ বাক্যৰ ওপৰত নামৰ ভিডিঅʼখন চাওক। তাৰ পাছত তলত দিয়া প্ৰশ্নবোৰৰ উত্তৰ দিয়ক:
মিচৰৰ কৰ্ণকৰ মন্দিৰৰ দেৱালত যিবোৰ ছবি বিচাৰি পোৱা গʼল, সেইবোৰ অনুসন্ধান কৰি কেনেকৈ প্ৰমাণ হʼল যে ঈশ্বৰৰ বাক্য সত্য হয়?
বাইবেলৰ বাৰ্তা সলনি হোৱা নাই বুলি আমি কেনেকৈ জানিব পাৰোঁ?
বাইবেলখন আজিও সুৰক্ষিত হৈ আছে, ইয়াৰ পৰা আপুনি কিয় বিশ্বাস কৰে যে ই ঈশ্বৰৰ বাক্য?—যিচয়া ৪০:৮ পঢ়ক