ভাগ ৭-ত কি শিকিম

এই ভাগত আমি প্ৰায় ৮০ বছৰৰ সময়ছোৱাৰ ৰজা চৌল আৰু ৰজা দায়ূদৰ জীৱন কাহিনীৰ ঘটনাবোৰ পঢ়িবলৈ পাম। ৰজা চৌল নম্ৰ আছিল আৰু যিহোৱাৰ প্ৰতি ভয় ৰাখিছিল। কিন্তু অতি সোনকালে তেওঁ সলনি হৈ গʼল। তেওঁ যিহোৱাৰ কথা শুনিবলৈ এৰি দিলে। যিহোৱাই চৌলক ত্যাগ কৰিলে আৰু কিছু সময়ৰ পাছত ইস্ৰায়েলৰ পাছৰ ৰজা হʼবলৈ দায়ূদক অভিষেক কৰিবলৈ চমূৱেলক কʼলে। চৌলে দায়ূদক ঈৰ্ষা কৰিবলৈ ধৰিলে আৰু বহুবাৰ তেওঁক মাৰি পেলাবলৈ চেষ্টা কৰিছিল। কিন্তু দায়ূদে কেতিয়াও প্ৰতিশোধ নলʼলে। চৌলৰ লʼৰা যোনাথনে জানিছিল যে দায়ূদক যিহোৱাই বাছনি কৰিছে, সেইবাবে তেওঁ দায়ূদৰ বিশ্বাসী হৈ থাকিল। দায়ূদে কিছুমান গভীৰ পাপ কৰিলে। কিন্তু যিহোৱাই যেতিয়া তেওঁক শুধৰণি কৰিছিল, তেতিয়া তেওঁ মানি লৈছিল। যদি আপোনাৰ লʼৰা-ছোৱালী আছে, তেনেহʼলে সিহঁতক বুজিবলৈ সহায় কৰক যে আমি সদায় যিহোৱাৰ আজ্ঞা পালন কৰা উচিত আৰু তেওঁৰ বিশ্বাসী হৈ থকা উচিত। লগতে যিহোৱাই যিসকলক নেতৃত্ব লʼবলৈ বাছনি কৰিছে, আমি তেওঁলোকৰ কথা শুনা উচিত আৰু তেওঁলোকৰ প্ৰতি বিশ্বাসী হৈ থকা উচিত।