আশা ৰাখক ভাল সময় আহিব

এইদৰে কৰাটো কিয় প্ৰয়োজন

যি লোকসকলে আহিবলগীয়া সময় ভাল হʼব বুলি আশা ৰাখে, তেওঁলোকে কেৱল মনতে নাভাবে যে সকলো ঠিক হৈ যাব। ইয়াৰ পৰিৱৰ্তে নিজৰ পৰিস্থিতি সলনি কৰিবলৈ পদক্ষেপো লয়। কিছুমান ডাক্টৰে কয় যে এনে লোকসকলে . . .

• সমস্যা আহিলে সহজতে হাৰ নামানে

• প্ৰয়োজন অনুসৰি সাল-সলনি কৰিব পাৰে

• জীৱন-যাপন কৰাৰ ক্ষেত্ৰত ভাল নিৰ্ণয় লʼব পাৰে আৰু স্বাস্থ্যৱান থাকে

আপুনি এয়া কেনেকৈ কৰিব পাৰে

পবিত্ৰ শাস্ত্ৰ বাইবেলৰ পৰা আপুনি সহায় লাভ কৰিব পাৰে। বস্তু-বাহানিৰ দাম বাঢ়ি যোৱা দেখি বহুতো লোকে সহায়হীন অনুভৱ কৰে। তেওঁলোকে কি কৰিম বুজিয়ে নাপায়। কিন্তু বাইবেলত এনে বহুতো পৰামৰ্শ দিয়া হৈছে, যিবোৰ পালন কৰিলে আপুনি নিজৰ পৰিস্থিতি সলনি কৰিব পাৰে, লগতে আপোনাৰ সাহস বাঢ়িব যে যদি পৰিস্থিতি আৰু বেয়ালৈ ঢাল খায়, তেনেহʼলে আপুনি সেই পৰিস্থিতিৰ ভালদৰে সন্মুখীন হʼব পাৰিব।

পবিত্ৰ শাস্ত্ৰ বাইবেলত ভৱিষ্যতৰ বিষয়েও লিখা আছে। যেতিয়া আপুনি জানিব পাৰিব যে বাইবেলত দিয়া পৰামৰ্শবোৰ কিমান লাভজনক, তেতিয়া হয়তো ভৱিষ্যতৰ বিষয়ে বাইবেলত কি লিখা আছে, সেয়াও জানিবলৈ আপোনাৰ মন যাব। আপুনি এয়া জানি আচৰিত হʼব যে বাইবেলত এক ভাল ভৱিষ্যতৰ বিষয়ে জনোৱা হৈছে। ঈশ্বৰে নিজেই প্ৰতিজ্ঞা কৰিছে যে ‘তেওঁ আমাক এক ভাল ভৱিষ্যত দিব।’ (যিৰিমিয়া ২৯:১১) কিন্তু ঈশ্বৰে নিজৰ এই প্ৰতিজ্ঞা কেনেকৈ পূৰ কৰিব? নিজৰ ৰাজ্যৰ যোগেদি।

ঈশ্বৰৰ ৰাজ্য কি হয় আৰু ইয়ে কি কৰিব?

ঈশ্বৰৰ ৰাজ্য এক চৰকাৰ হয়, যি স্বৰ্গত আছে আৰু ইয়ে অতি সোনকালে গোটেই পৃথিৱীৰ ওপৰত শাসন কৰিব। (দানিয়েল ২:৪৪; মথি ৬:১০) এই ৰাজ্যই পৃথিৱীৰ সকলো দুখ-কষ্ট আৰু দৰিদ্ৰতা নাইকিয়া কৰিব, গোটেই পৃথিৱীত শান্তি হʼব আৰু লোকসকলৰ কোনো বস্তুৰ অভাৱ নহʼব। এই বিষয়ে বাইবেলত কি লিখা আছে, চাওক:

লাখ লাখ লোকে এই প্ৰতিজ্ঞাবোৰৰ ওপৰত বিশ্বাস কৰে, কিয়নো তেওঁলোকৰ সম্পূৰ্ণ ভৰসা আছে যে “মিছা নোকোৱা ঈশ্বৰে” এই কথা কৈছে। (তীত ১:২) সেইবাবে আপুনিও বাইবেল পঢ়ি চাওক। ইয়াত দিয়া আশাই আজি আপোনাক আৰ্থিক সমস্যাৰ সন্মুখীন হʼবলৈ সহায় কৰিব আৰু আপোনাৰ বিশ্বাস বাঢ়িব যে আহিবলগীয়া সময় ভাল হʼব।