• Salmo 135:15-18
    Biblia Aymara. Machaq Mundon Jakirinakataki

    • 15 Markanakan idolonakapajj qollqeta qorita luratäpjjewa,

      jaqenakan amparapampi luratäpjjewa.+

      16 Uka idolonakajj lakanïpjjewa, ukampis janiw parlapkiti;+

      nayranïpjjewa, ukampis janiw uñjapkiti;

      17 jiñchunïpjjewa, ukampis janiw istʼapkiti.

      Lakanakapansa janiw samanajj utjkiti.+

      18 Uka idolonak lurir jaqenakajja uka idolonakjamaw tukupjjani,+

      uka idolonakar confiyir taqe jaqenakas uka idolonakjamaw tukupjjarakini.+

  • Isaías 46:6
    Biblia Aymara. Machaq Mundon Jakirinakataki

    •  6 Yaqhep jaqenakajja bolsapankir qoripjja qʼalwa tukjapjje,

      balanzaruw qollqe metaljja pestʼapjje.

      Metalamp trabajir mä jaqeruw contratapjje, uka metal qollqjja mä diosaruw uka jaqejj tukuyi.+

      Ukatjja jupanakajj altʼasipjjewa, jïsa, adorapjjarakiwa.*+

  • Jeremías 10:3, 4
    Biblia Aymara. Machaq Mundon Jakirinakataki

    •  3 Kuna laykutejj markanakan costumbrenakapajj mä engañokiwa,*

      monten* utjki uka khuchoqat qoqakiwa,*

      mä artesanon amparanakapaw herramientapampejj mä kunar uñtasit lurjjaraki.+

       4 Jupanakajj qollqempi qorimpiw ukar adornapjje,+

      jan jalaqtañapatakejj martillomp clavonakampiw achtʼayapjjaraki.+

  • Jeremías 10:8, 9
    Biblia Aymara. Machaq Mundon Jakirinakataki

    •  8 Taqe jupanakajj jan amuytʼañ muniri, jan amuytʼasirinakäpjjewa.+

      Mä qoqat* jutir yatichäwejj engañokipuniwa.*+

       9 Jupanakajj juchʼus qollqe planchanak Tarsis+ toqet apanipjje, qorsti Ufaz lugarataraki.

      Ukanakampiw artesanonakasa metalamp trabajirinakas maderanakar uchapjje.

      Jaqenakasti azul hilompi morado chʼankhampiw isthapiyapjje.

      Taqe uka idolonakajj wali yatjjattʼat jaqenakan luratarakiwa.

  • Hechos 19:26
    Biblia Aymara. Machaq Mundon Jakirinakataki

    • 26 Jumanakajj uñjapjjtawa, istʼapjjaraktawa, aka Pablojj amparampi lurat diosanakajj janiw cheqa diosanakäkit sasaw walja jaqenakar amtayi,+ jupanakajj arunakapar creyipjjarakiwa. Janiw Éfeso+ markanak uk lurkiti, jan ukasti niya taqe Asia provincian ukhamarak luri.