• Isaías 11:11, 12
    Biblia Aymara. Machaq Mundon Jakirinakataki

    • 11 Uka urunjja Jehová Diosajj mayampiw chʼamap* uñachtʼayani, ukhamat Asiria,+ Egipto,+ Patrós,+ Cus,+ Elam,+ Sinar,* Hamat markanakata ukhamarak lamar qotankir islanakampita markapat jiltʼapki ukanakar recuperañataki.+ 12 Markanakatakejja mä señalwa* saytʼayani, Israelat taqe toqer ananukutanakaruw tantachthapini, Judá oraqet taqe toqer ananukutanakaruw tantachthapini,+ oraqen pusi thiyanakapatpachwa* tantachthapini.+

  • Jeremías 30:10, 11
    Biblia Aymara. Machaq Mundon Jakirinakataki

    • 10 “Nayar serviri Jacob, jumajj jan ajjsarayasimti”, sistwa naya Jehová Diosajja,

      “Israel, janirak wal sustjasimti.+

      Jumarojj jaya lugarat salväma,

      juman wawanakamarojj kawki oraqentï preso katuntatäpki uka oraqet salvarakëjja.+

      Jacobojj kuttʼanjjaniwa, tranquilokïniwa, jan kuna llakini,

      janirakiw khitis jupar sustjkaniti”.+

      11 “Kuna laykutejj nayaw jumampïskta”, sistwa naya Jehová Diosajja, “jumaru salvañataki.

      Kawkïr markanakarutï nayajj anatatksma taqe uka markanakarojj qʼal tukjäjja,+

      ukampis jumarojj janiw tukjkämati.+

      Kawkikamatï wakiski ukhakamaw jumarojj cheqañchäma,

      janiw jan castigonejj jaytkämati”.+

  • Ezequiel 34:13, 14
    Biblia Aymara. Machaq Mundon Jakirinakataki

    • 13 Jupanakarojj markanakat apsöjja, markanakatwa tantachthapirakëjja, ukatsti oraqeparuw apanjjäjja, Israelan qollunakapanwa manqʼayarakëjja,+ jalir umanak jakʼana, markankir jaqenakajj jakapki uka lugaranak jakʼana. 14 Suma pastoni oraqenakanwa manqʼayäjja, manqʼapkani uka pastonakani oraqejj Israelan alto qollunakapankaniwa.+ Ovejanakajj uka suma pastoni oraqen winkurapjjani,+ Israelan qollunakapankki uka suma pastonak manqʼasipjjani”.

  • Amós 9:14, 15
    Biblia Aymara. Machaq Mundon Jakirinakataki

    • 14 Israel markajankir preso katuntatanakarojja, wasitampiw nayajj irpanëjja,+

      jupanakaw apanukut markanakjja wasitampi saytʼayapjjani, ukanwa jakapjjarakini.+

      Uvas yapunakwa yapuchapjjani, uka yapunakan vinopwa umapjjarakini,+

      huertonakwa lurasipjjani, uka huertonakan achunakapwa manqʼapjjarakini’+ sasa.

      15 ‘Oraqepanwa jupanakarojj ayruntäjja,*

      janipuniw jupanakajj jikʼinukutäpkaniti,

      jupanakar nayajj churkta uka oraqetjja janipuniw jikʼinukutäpkaniti’+ siw Jehová Diosamajja”.