1 CRÓNICAS
NAYRÏR LIBRO

5 Jafet chachan yoqanakapajj Gómer, Magog, Madái, Javán, Tubal,+ Mesec,+ Tirás+ ukanakänwa.

6 Gómer chachan yoqanakapajj Askenaz, Rifat, Togarmá+ ukanakänwa.

7 Javán chachan yoqanakapajj Elisá, Tarsis, Kitim, Rodanim ukanakänwa.

8 Cam chachan yoqanakapajj Cus,+ Mizraim, Put, Canaán+ ukanakänwa.

9 Cus chachan yoqanakapajj Sebá,+ Havilá, Sabtá, Raamá,+ Sabtecá ukanakänwa.

Raamá chachan yoqanakapajj Seba, Dedán+ ukanakarakïnwa.

10 Cus chachajj Nemrod+ chachan awkipänwa. Oraqenjja Nemrod chachaw wali chʼamani nayrïr jaqënjja.

11 Mizraim chachajja Ludim,+ Anamim, Lehabim, Naftuhim,+ 12 Patrusim,+ Casluhim, Caftorim*+ chachanakan awkipänwa. Filisteonakajj+ Casluhim chachat jutirïpjjewa.

13 Canaán chachajj Sidón,+ Het+ chachanakan awkipänwa, Sidón chachaw jilïr yoqapänjja. 14 Jebuseonakasa,+ amorreonakasa,+ guirgaseonakasa,+ 15 heveonakasa,+ arqueonakasa, sineonakasa, 16 arvadeonakasa,+ zemareonakasa, hamateonakas Canaán chachat jutirïpjjänwa.

18 Arpaksad chachajj Selá+ chachan awkipänwa. Selá chachasti Éber chachan awkipänwa.

19 Éber chachajj pä yoqanïnwa. Nayrïr yoqapajj Péleg*+ satänwa, kuna laykutejj Péleg chachajj jakkäna uka urunakanwa oraqen jakirinakajj tʼaqjtapjjäna. Péleg chachan jilapajj Joctán satänwa.

20 Joctán chachajj Almodad, Sélef, Hazarmávet, Jérah,+ 21 Hadoram, Uzal, Diclá, 22 Obal, Abimael, Seba, 23 Ofir,+ Havilá,+ Jobab ukanakan awkipänwa. Taqe jupanakaw Joctán chachan yoqanakapänjja.

24 Sem chachat jutirinakajj akanakänwa:

28 Abrahán chachan yoqanakapajj Isaac,+ Ismael+ ukanakänwa.

29 Jupanakan yoqanakapajj akanakänwa: Ismaelan jilïr yoqapajj Nebayot+ satänwa, ukjjarusti Quedar,+ Adbeel, Mibsam,+ 30 Mismá, Dumá, Masá, Hadad, Temá, 31 Jetur, Nafís, Quedemá. Jupanakaw Ismaelan yoqanakapänjja.

32 Abrahán chachan Queturá+ sat concubinapat nasiri yoqanakajj Zimrán, Jocsán, Medán, Madián,+ Isbac, Súah+ ukanakänwa.

Jocsán chachan yoqanakapajj Seba, Dedán+ ukanakänwa.

33 Madián chachan yoqanakapajj Efá,+ Éfer, Hanok, Abidá, Eldaá ukanakänwa.

Taqe jupanakajj Queturá warmin allchhinakapänwa.

34 Abrahán chachajj Isaacan+ awkipänwa. Isaac chachan yoqanakapajj Esaú,+ Israel+ ukanakänwa.

35 Esaú chachan yoqanakapajj Elifaz, Reuel, Jeús, Jalam, Coré+ ukanakänwa.

36 Elifaz chachan yoqanakapajj Temán,+ Omar, Zefó, Gatam, Quenaz ukanakänwa; Timná warmimpejj Amalec+ sat yoqanirakïnwa.

37 Reuel chachan yoqanakapajj Náhat, Zérah, Samá, Mizá+ ukanakänwa.

38 Seír+ chachan yoqanakapajj Lotán, Sobal, Zibeón, Aná, Disón, Ézer, Disán+ ukanakänwa.

39 Lotán chachan yoqanakapajj Horí, Homam ukanakänwa. Lotán sat chachan kullakapajj Timná+ sat warmïnwa.

40 Sobal chachan yoqanakapajj Alván, Manáhat, Ebal, Sefó, Onam ukanakänwa.

Zibeón chachan yoqanakapajj Ayá, Aná+ ukanakarakïnwa.

41 Aná chachan yoqapajj* Disón chachänwa.

Disón chachan yoqanakapajj Hemdán, Esbán, Itrán, Kerán+ ukanakänwa.

42 Ézer+ chachan yoqanakapajj Bilhán, Zaaván, Acán ukanakänwa.

Disán chachan yoqanakapajj Uz, Arán+ ukanakarakïnwa.

43 Israelitanakajj janïr reyinïpkäna ukhajja, aka reyinakaw Edom+ oraqen apnaqapjjäna:+ Beor chachan Bela sat yoqapa, markapajj Dinhabá satänwa. 44 Bela sat chachajj jiwjjäna ukhajja, jupa lantejj Bozrá+ cheqankir Zérah chachan Jobab sat yoqapaw reyit apnaqjjäna. 45 Jobab chachajj jiwjjäna ukhajja, temanitanakan oraqepankir Husam chachaw jupa lantejj reyit apnaqjjäna. 46 Husam chachajj jiwjjäna ukhajja, jupa lantejj Bedad chachan Hadad yoqapaw reyit apnaqjjäna. Hadad chachaw madianitanakarojj Moab oraqen* atipjäna. Jupan markapajj Avit satänwa. 47 Hadad chachajj jiwjjäna ukhajja, jupa lantejj Masrecá oraqenkir Samlá chachaw reyit apnaqjjäna. 48 Samlá chachajj jiwjjäna ukhajja, jupa lantejj jawir jakʼankir Rehobot markatäkäna uka Shaúl chachaw reyit apnaqjjäna. 49 Shaúl chachajj jiwjjäna ukhajja, jupa lantejj Acbor chachan Baal-Hanán yoqapaw reyit apnaqjjäna. 50 Baal-Hanán chachajj jiwjjäna ukhajja, jupa lantejj Hadad chachaw reyit apnaqjjäna. Jupan markapajj Paú satänwa, warmipajj Mehetabel satarakïnwa. Mehetabel warmin mamapajj Matred satänwa, Mehetabel warmisti Mezahab chachan* allchhiparakïnwa. 51 Ukatjja Hadad chachajj jiwjjänwa.

Edom markan tribu pʼeqtʼirinakapajj Timná, Alvá, Jetet,+ 52 Oholibamá, Elá, Pinón, 53 Quenaz, Temán, Mibzar, 54 Magdiel, Iram ukanakänwa. Jupanakaw Edom markan tribu pʼeqtʼirinakapänjja.

2 Israelan yoqanakapajj+ Rubén,+ Simeón,+ Leví,+ Judá,+ Isacar,+ Zabulón,+ 2 Dan,+ José,+ Benjamín,+ Neftalí,+ Gad,+ Aser+ ukanakänwa.

3 Judá chachan yoqanakapajj Er, Onán, Selá ukanakänwa. Jupajj Súa chachan cananea+ phuchapampiw uka kimsa wawanïna. Ukampis Judá chachan Er sat jilïr yoqapan sarnaqatapajj janiw Jehová Diosatak walïkänti, ukatwa jupar jiwayjjäna.+ 4 Judá chachasti Tamar+ yojjchʼapampejj Pérez+ ukhamarak Zérah sat yoqanakanïnwa. Judá chachan taqpach yoqanakapajj phesqanïnwa.

5 Pérez chachan yoqanakapajj Hezrón, Hamul+ ukanakänwa.

6 Zérah chachan yoqanakapajj Zimrí, Etán, Hemán, Calcol, Dará ukanakänwa. Jupanakasti taqpachanejj phesqanïpjjänwa.

7 Carmí chachan yoqapajj* Acar* satänwa, jupaw Israel markjjarojj jan walinak apanïna,+ kunatï qʼala tukjatäñapatak mayitäkäna ukar jan istʼatap layku.+

8 Etán chachan yoqapajj* Azarías chachänwa.

9 Hezrón chachan yoqanakapajj Jerahmeel,+ Ram,+ Kelubái* ukanakänwa.

10 Ram chachajj Aminadab+ chachan awkipänwa, Aminadabajj Nahsón+ chachan awkipänwa. Nahsón chachasti Judá chachat jutirinakan pʼeqtʼiripänwa. 11 Nahsón chachajj Salmá+ chachan awkipänwa. Salmá chachasti Boaz+ chachan awkipänwa. 12 Boaz chachajj Obed chachan awkipänwa. Obed chachasti Jesé+ chachan awkipänwa. 13 Jesé chachajj akanakan awkipänwa: jilïr yoqapajj Eliab, payïristi Abinadab,+ kimsïristi Simeá,+ 14 pusïristi Netanel, phesqëristi Radái, 15 sojjtïristi Ozem, paqallqöristi David.+ 16 Jupanakan kullakanakapajj Zeruyá, Abigaíl+ sat warminakänwa. Zeruyá warmin kimsa yoqanakapajj Abisái,+ Joab,+ Asahel+ ukanakänwa. 17 Abigaíl warmejj Amasá+ yoqaparuw ususïna. Amasá chachan awkipajj Jéter sat ismaelita chachänwa.

18 Hezrón chachan Caleb* sat yoqapajj Azubá sat warmipampi Jeriot sat concubinapampiw wawanakanïna. Azubá warmin yoqanakapajj Jéser, Sobab, Ardón ukanakänwa. 19 Azubá warmejj jiwjjäna ukhajja, Caleb chachajj Efrat+ sat warmimpiw casarasjjäna, jupampejj Hur+ sat yoqanïnwa. 20 Hur chachajj Urí chachan awkipänwa. Urí chachasti Bezalel+ chachan awkipänwa.

21 Hezrón chachajj Makir+ chachan phuchapampiw casarasïna, Makir chachajj Galaad+ chachan awkipänwa. Hezrón chachajj 60 maranïkäna ukhaw casarasïna, Segub sat wawanïpjjarakïnwa. 22 Segub chachajj Jaír+ chachan awkipänwa, Jaír chachasti 23 markanakwa Galaad+ oraqen jupatak katuntäna. 23 Ukatjja Guesur+ markankir jaqenakampi Siria+ markankir jaqenakampiw jupanakat Havot-Jaír+ marka aparasajj katuntapjjäna. Uka markamp chikasti Quenat+ oraqemp katuntapjjarakïna, uka jakʼankir 60 markanakapamppacha. Taqe jupanakaw Galaad chachan Makir awkipat jutirïpjjäna.

24 Hezrón+ chachajj Caleb-Efrata lugaran jiwjjäna uka qhepatjja, Hezrón chachan Abías sat warmipajj Asjur+ yoqaparuw ususïna. Asjur chachajj Tecoan+ awkipänwa.*

25 Hezrón chachan Jerahmeel sat jilïr yoqapan yoqanakapajj akanakänwa: jilïr yoqapajj Ram, ukjjarusti Buná, Orén, Ozem, Ahíya. 26 Jerahmeel chachan yaqha warmipajj Atará satänwa, Onam chachan mamaparakïnwa. 27 Jerahmeel chachan Ram sat jilïr yoqapan yoqanakapajj Maaz, Jamín, Équer ukanakänwa. 28 Onam chachan yoqanakapajj Samái, Jadá ukanakänwa. Samái chachan yoqanakapajj Nadab, Abisur ukanakänwa. 29 Abisur chachan warmipajj Abihail satänwa, jupajj Ahbán ukhamarak Molid wawanakaparuw ususïna. 30 Nadab chachan yoqanakapajj Séled, Apaim ukanakänwa. Ukampis Séled chachajj jan wawanakaniw jiwjjäna. 31 Apaim chachan yoqapajj* Isí chachänwa. Isí sat chachan yoqapajj* Sesán chachänwa. Sesán chachan yoqapajj* Ahlái chachänwa. 32 Samái chachan Jadá sat jilapan yoqanakapajj Jéter, Jonatán ukanakänwa. Ukampis Jéter chachajj jan wawanakaniw jiwjjäna. 33 Jonatanan yoqanakapajj Pélez, Zazá ukanakänwa. Taqe jupanakajj Jerahmeel chachat jutirïpjjänwa.

34 Sesán chachajj janiw yoqanakanïkänti, jan ukasti phuchanakanikïnwa. Sesán chachajj mä egipcio servirinïnwa, Jarhá sutini. 35 Sesán chachajj phuchanakapat mayniruw Jarhá serviripan warmipäñapatak churäna, uka warmejj Atái sat wawap ususïna. 36 Atái chachajj Natán chachan awkipänwa. Natán chachajj Zabad chachan awkipänwa. 37 Zabad chachajj Eflal chachan awkipänwa. Eflal chachajj Obed chachan awkipänwa. 38 Obed chachajj Jehú chachan awkipänwa. Jehú chachajj Azarías chachan awkipänwa. 39 Azariasajj Hélez chachan awkipänwa. Hélez chachasti Eleasá chachan awkipänwa. 40 Eleasá chachajj Sismái chachan awkipänwa. Sismái chachajj Salum chachan awkipänwa. 41 Salum chachajj Jecamías chachan awkipänwa. Jecamiasajj Elisamá chachan awkipänwa.

42 Jerahmeel chachan Caleb*+ sat jilapan jilïr yoqapajj Mesá satänwa. Mesá chachajj Zif ukan awkipänwa, Hebrón chachan Maresá sat awkipan yoqanakapampi. 43 Hebrón chachan yoqanakapajj Coré, Tapúah, Réquem, Sema ukanakänwa. 44 Sema chachajj Raham chachan awkipänwa, Raham chachajj Jorqueam ukan awkipänwa. Réquem chachasti Samái chachan awkipänwa. 45 Samái chachan yoqapajj Maón chachänwa. Maón chachajj Bet-Zur+ ukan awkipänwa. 46 Caleb chachampin Efá sat concubinapampin wawanakapajj Harán, Mozá, Gazez ukanakänwa. Harán chachajj Gazez chachan awkipänwa. 47 Jahdái chachan yoqanakapajj Réguem, Jotán, Guesán, Pélet, Efá, Sáaf ukanakänwa. 48 Caleb chachan Maacá sat concubinapajj Séber ukhamarak Tirhaná wawanakaparuw ususïna. 49 Tiempompejja jupajj Sáaf ukhamarak Sevá wawanakaparuw ususirakïna. Sáaf chachajj Madmaná+ ukan awkipänwa. Sevá chachajj Macbená, Guibeá+ ukanakan awkipänwa. Caleb+ chachan phuchapajj Acsá+ satänwa. 50 Taqe jupanakajj Caleb chachat jutirïpjjänwa.

Efrata+ warmin Hur+ sat jilïr yoqapan yoqanakapajj akanakänwa: Sobal, jupajj Quiryat-Jearim+ ukan awkipänwa; 51 Salmá, jupajj Belén+ ukan awkipänwa; Haref, jupajj Bet-Gader ukan awkipänwa; 52 Quiryat-Jearim ukan Sobal sat awkipajj mä yoqanïnwa, Haroé sutini. Sobal chachajj menuhot sat jaqenakat chikatanin nayra awkiparakïnwa. 53 Quiryat-Jearim ukan familianakapajj akanakänwa: itritanaka,+ putienaka, sumatitanaka, misraitanaka. Zoratitanakasa+ estaolitanakasa jupanakat jutirïpjjarakïnwa.+ 54 Belén+ ukan jakirinakasa, netofatitanakasa, Atrot-Bet-Joab ukasa, manahatitanakat chikatanisa, zoritanakasa, Salmá chachat jutirïpjjänwa. 55 Jabez lugaran jakapkäna uka escribanakan familianakapajj tirateonaka, simeateonaka, sucateonaka ukanakänwa. Jupanakajj Hammat chachat jutiri quenitanakäpjjänwa.+ Hammat chachajj recabitanakan+ awkipänwa.

3 Hebrón+ markan nasipkäna uka Davidan yoqanakapajj akanakänwa: Amnón+ sat jilïr yoqapa, mamapajj Ahinoam+ sat jezreelita warmïnwa; payïrejj Daniel, mamapajj Abigaíl+ sat carmelita warmïnwa; 2 kimsïristi Absalón,+ jupajj Maacá warmin yoqapänwa, Maacá warmejj Guesur toqenkir Talmái sat reyin phuchapan wawapänwa; pusïristi Adonías,+ jupajj Haguit warmin yoqapänwa; 3 phesqëristi Sefatías, mamapajj Abital warmïnwa; sojjtïristi Itream, mamapajj Eglá sat Davidan warmipänwa. 4 Uka sojjtaniw Davidatak Hebrón markan nasipjjäna. Davidajj 7 maranakampi 6 phajjsinakampiw Hebrón markan reyit apnaqäna, 33 maranakaw Jerusalén markan reyit apnaqarakïna.+

5 Jerusalén markan nasipkäna+ uka Davidan yoqanakapajj Simeá, Sobab, Natán,+ Salomón+ ukanakänwa. Uka pusinin mamapajj Bat-Seba+ sat Amiel chachan phuchapänwa. 6 Yaqha llätunka yoqanakapajj Ibhar, Elisamá, Elifélet, 7 Noga, Néfeg, Jafía, 8 Elisamá, Eliadá, Elifélet ukanakänwa. 9 Taqe jupanakaw Davidan yoqanakapänjja, concubinanakapan yoqanakapamppacha. Tamar+ warmejj jupanakan kullakaparakïnwa.

10 Salomonan yoqapajj Rehoboam+ chachänwa, Rehoboamajj Abías+ chachan awkipänwa, Abiasajj Asá+ chachan awkipänwa, Asá chachajj Jehosafatan+ awkipänwa, 11 Jehosafat chachajj Jehoram+ chachan awkipänwa, Jehoram chachajj Ocoziasan+ awkipänwa, Ocozías chachajj Jehoás+ chachan awkipänwa, 12 Jehoás chachajj Amasías+ chachan awkipänwa, Amasiasajj Azarías+ chachan awkipänwa, Azarías chachajj Jotán+ chachan awkipänwa, 13 Jotanajj Acaz+ chachan awkipänwa, Acaz chachajj Ezequiasan+ awkipänwa, Ezequiasajj Manasés+ chachan awkipänwa, 14 Manasés chachajj Amón+ chachan awkipänwa, Amón chachajj Josiasan+ awkipänwa, 15 Josías chachan yoqanakapajj akanakänwa: jilïr yoqapajj Johanán, payïristi Jehoiaquim,+ kimsïristi Sedequías,+ pusïristi Salum. 16 Jehoiaquim chachan yoqapajj Jeconías+ chachänwa, Jeconiasajj Sedequías chachan awkipänwa. 17 Jeconías sat preso katuntat chachan yoqanakapajj Sealtiel, 18 Malkiram, Pedaya, Senazar, Jecamías, Hosamá, Nedabías ukanakänwa. 19 Pedaya chachan yoqanakapajj Zorobabel,+ Simeí ukanakänwa; Zorobabel chachan yoqanakapajj Mesulam, Hananías ukanakänwa (Selomit warmejj jupanakan kullakapänwa); 20 Zorobabel chachan yaqha phesqa yoqanakapajj Hasubá, Ohel, Berekías, Hasadías, Jusab-Hésed ukanakänwa. 21 Hananías chachan yoqanakapajj Pelatías, Jesayá ukanakänwa; Jesayan yoqapajj* Refayá chachänwa; Refayan yoqapajj* Arnán chachänwa, Arnán chachan yoqapajj* Abdías chachänwa; Abdiasan yoqapajj* Secanías chachänwa; 22 Secaniasan yoqapajj Semaya chachänwa; Semayan yoqanakapajj Hatús, Igal, Barías, Nearías, Safat ukanakänwa. Taqpachajj sojjtanïpjjänwa. 23 Nearías chachan yoqanakapajj Elioenái, Hizquías, Azricam ukanakänwa. Taqpachajj kimsanïpjjänwa. 24 Elioenái chachan yoqanakapajj Hodavías, Eliasib, Pelayá, Acub, Johanán, Delayá, Ananí ukanakänwa. Taqpachajj paqallqonïpjjänwa.

4 Judá chachan yoqanakapajj Pérez,+ Hezrón,+ Carmí, Hur,+ Sobal+ ukanakänwa. 2 Sobal chachan Reayá sat yoqapajja, Jáhat chachan awkipänwa. Jáhat chachajj Ahumái chachampin Lahad chachampin awkipänwa. Ukanakaw zoratitanakan+ familianakapänjja. 3 Etam+ chachan awkipan* yoqanakapajj akanakänwa: Jezreel, Ismá, Idbás (jupanakan kullakapajj Hazelelponí satänwa), 4 Penuel chachasti Guedor chachan awkipänwa, Ézer chachasti Husá chachan awkipänwa. Jupanakaw Hur+ chachan yoqanakapänjja. Hur chachajj Efrata warmin jilïr yoqapänwa, Belén+ ukan awkiparakïnwa. 5 Tecoa+ chachan Asjur+ sat awkipajj pä esposanïnwa: Helá sat warmimpi, Naará sat warmimpi. 6 Naará warmejj Ahuzam, Héfer, Temení, Haahastarí sat yoqanakaparuw ususïna. Jupanakaw Naará warmin yoqanakapänjja. 7 Helá warmin yoqanakapajj Zéret, Izhar, Etnán ukanakänwa. 8 Coz chachajj Anub sat chachampin Zobebá sat chachampin awkipänwa, Aharhel chachat jutirinakan nayra awkiparakïnwa. Aharhel chachajj Harum chachan yoqapänwa.

9 Jabez chachajj jilanakapat sipansa wali jachʼañchatänwa. Mamapajj Jabez* suti uchäna, akham sarakïnwa: “Tʼaqesisaw juparojj ususta” sasa. 10 Jabez chachajj akham sasaw Israelan Diosapar mayisïna: “Nayarojj bendisikitaya, jukʼamp oraqenïñajatak yanaptʼita. Janipun nayarojj jaytistati, jan waltʼäwinakatsa jarkʼaqarakita, ukhamat jan walinakan jan uñjasiñajataki” sasa. Diosasti jupan mayitaparojj phoqänwa.

11 Suha chachan Kelub sat jilapajj Mehir sat chachan awkipänwa, Mehir chachasti Estón chachan awkiparakïnwa. 12 Estón chachajj Bet-Rafá, Paséah, Tehiná ukanakan awkipänwa. Tehiná chachajj Ir-Nahás ukan awkipänwa. Jupanakajj Recá lugarankir chachanakäpjjänwa. 13 Quenaz chachan yoqanakapajj Otniel,+ Seraya ukanakänwa. Otniel chachan yoqapajj* Hatat chachänwa. 14 Meonotái chachajj Ofrá chachan awkipänwa. Seraya chachajj Joab chachan awkipänwa. Joab chachasti Gue-Harasim* vallen jakirinakan awkipänwa, jupanakajj artesanöpjjänwa, ukatwa uka vallejj ukham sutinïna.

15 Jefuné chachan Caleb+ sat yoqapan yoqanakapajj Iru, Elá, Naam ukanakänwa. Elá chachan yoqapajj* Quenaz chachänwa. 16 Jehalelel chachan yoqanakapajj Zif, Zifá, Tiría, Asarel ukanakänwa. 17 Ezrá chachan yoqanakapajj Jéter, Méred, Éfer, Jalón ukanakänwa. Warmisti* Míriam, Samái, Isbá ukanakaruw ususïna. Isbá chachajj Estemoa chachan awkipänwa. 18 (Méred chachan judía warmipajj Jéred, Héber, Jecutiel sat wawanakaparuw ususïna. Jéred chachajj Guedor ukan awkipänwa. Héber chachajj Socó ukan awkipänwa. Jecutiel chachajj Zanóah ukan awkipänwa). Jupanakajj faraonan Bitías sat phuchapan yoqanakapänwa, Méred chachajj jupampiw casarasirakïna.

19 Hodías sat chachan warmipan yoqanakapajja, Queilá sat garmitana ukhamarak Estemoa sat maacatitan awkinakapänwa. Hodías chachan warmipajj Náham chachan kullakapänwa. 20 Shimón chachan yoqanakapajj Amnón, Riná, Ben-Hanán, Tilón ukanakänwa. Isí chachan yoqanakapajj Zóhet chachampi Ben-Zóhet chachampïnwa.

21 Judá chachan Selá+ sat yoqapan wawanakapajj akanakänwa: Lecá ukan Er sat awkipa; Maresá chachan Laadá sat awkipa; Asbea chachat jutiri suma telanak luriri familianakampi; 22 Joquim chachampi; Cozebá cheqankir chachanakampi; moabitanakamp casarasipkäna uka Joás, Saraf sat chachanakampi; Jasubí-Léhem ukampi. Ukanakajj nayra tiempon utjiri registro qellqatanakarjamawa. 23 Jupanakajj Netaim ukhamarak Guederá cheqanakan jakiri sañunak lurirïpjjänwa, reyitakiw trabajipjjarakïna.

24 Simeón+ chachan yoqanakapajj Nemuel, Jamín, Jarib, Zérah, Shaúl+ ukanakänwa. 25 Shaúl chachajj Salum chachan awkipänwa, Salum chachasti Mibsam chachan awkipänwa, Mibsam chachajj Mismá chachan awkiparakïnwa. 26 Mismá chachan yoqapajj Hamuel chachänwa, jupan yoqapajj Zacur chachänwa, jupan yoqapajj Simeí chachänwa. 27 Simeí chachajj 16 yoqanakani ukhamarak 6 phuchanakanïnwa. Ukampis jupan jilanakapajj janiw walja yoqanakanïkänti, jupanakan familianakapat janirakiw mä familias Judá tribunkir familianakjam walja yoqanakanïkänti.+ 28 Jupanakajj aka markanakanwa jakapjjäna: Beer-Seba,+ Moladá,+ Hazar-Sual,+ 29 Bilhá, Ézem,+ Tolad, 30 Betuel,+ Hormá,+ Ziclag,+ 31 Bet-Marcabot, Hazar-Susim,+ Bet-Birí, Saaraim. Davidajj reyit apnaqañ qalltkäna uka tiempokamaw uka markanakajj jupanakankäna.

32 Jupanakajj Etam, Ain, Rimón, Token ukhamarak Asán+ sat phesqa markanakanwa jakapjjarakïna, 33 uka markanak jakʼankir jiskʼa markanakansa Baal markakamaw jakapjjäna. Taqe uka lugaranakanwa jupanakajj jakapjjäna, uka sutinakajj familianakapan listapan registratarakiwa. 34 Simeón chachat jutiri yaqha yoqanakapajj akanakänwa: Mesobab, Jamlec, Amasías chachan Josá sat yoqapa, 35 Joel, Jehú (jupajj Josibías chachan yoqapänwa, Josibiasajj Seraya chachan yoqapänwa, Serayajj Asiel chachan yoqapänwa), 36 Elioenái, Jaacoba, Jesohaya, Asaya, Adiel, Jesimiel, Benaya, 37 ukatsti Zizá (jupajj Sifí chachan yoqapänwa, jupajj Alón chachan yoqapänwa, jupajj Jedayá chachan yoqapänwa, jupajj Simrí chachan yoqapänwa, jupajj Semaya chachan yoqapänwa). 38 Sutitkam aytaski uka chachanakajj familianakapan pʼeqtʼirinakäpjjänwa, jupanakan nayra awkinakapan familianakapajj wal jiljjattarakïna. 39 Ukatjja uywanakapatak pasto thaqaniñatakejj Guedor marka jakʼaruw jupanakajj sarapjjäna, vallen inti jalsu toqepkama. 40 Tiempompejja jupanakajj walja suma pastonakani oraqe katupjjäna. Uka oraqenjja suman jakasiñaw utjäna, janiw kuna jan waltʼayiris utjkänti, wali jachʼarakïnwa. Nayrajj Cam+ chachat jutirinakaw uka oraqen jakapjjäna. 41 Judá markan Ezequías+ reyipajj apnaqkäna uka urunakanwa listan qellqatäki uka chachanakajj jutapjjäna. Jupanakasti uka cheqan jakir camitanakana ukhamarak meunim sat jaqenakan carpanakap qʼal tukjapjjäna. Jupanakar qʼal jiwarayasajj jichhürkamaw chhaqtayapjje, uywanakapatak suma pastonak utjatap laykusti jupanak lantiw uka cheqanakan jakapjjaraki.

42 Simeonitanakat yaqhepanakajja, 500 chachanakaw Seír+ qollur sarjjapjjäna. Uka chachanakarojj Isí sat chachan Pelatías, Nearías, Refayá, Uziel sat yoqanakapaw pʼeqtʼapjjäna. 43 Jupanakasti escapapkäna uka amalequitanakat+ jiltʼirinakar jiwarayasajja, jichhürkamaw ukan jakasipkaraki.

5 Akanakaw Israel chachan Rubén+ sat jilïr yoqapan wawanakapajja. Rubenaw jilïr yoqänjja, ukampis jupajj tatapan concubinapampiw ikintasïna,*+ ukatwa derechot waktʼkäna uka jilïr wawäñajj Israelan José sat yoqapan wawanakapar churatäjjäna,+ janirakiw familiapan listapan jilïr wawjamajj listankjjänti. 2 Judá+ chachajj jilanakapat sipansa jilankänwa, jupatwa jutïrin pʼeqtʼañapäki ukas jutaraki,+ ukhampachas derechot waktʼkäna uka jilïr wawäñajj José chachar churatäjjänwa. 3 Israel chachan Rubén sat jilïr yoqapan wawanakapajj Hanok, Palú, Hezrón, Carmí+ ukanakänwa. 4 Joel chachan yoqanakapajj Semaya chachänwa, jupan yoqapajj Gog chachänwa, jupan yoqapajj Simeí chachänwa, 5 jupan yoqapajj Miqueas chachänwa, jupan yoqapajj Reayá chachänwa, jupan yoqapajj Baal chachänwa, 6 jupan yoqapajj Beerá chachänwa. Beerá chacharojj Tilgat-Pilnéser+ sat Asirian reyipaw preso apasjjäna. Beerá chachajj rubenitanakan mä pʼeqtʼiripänwa. 7 Beerá chachan jilanakapajj familianakapan listaparjamajj akanakänwa: Jeiel sat pʼeqtʼiri, Zacarías, 8 Azaz chachan Bela yoqapa, jupajj Sema chachan allchhipänwa, Sema chachajj Joel chachan yoqapänwa. Bela chachajj Aroer+ markanwa jakäna, Nebo ukhamarak Baal-Meón+ sat markanakkama. 9 Jupan uywanakapajj Galaad+ oraqen wal mirtatap laykusti inti jalsu toqenwa jakañ qalltäna, Éufrates+ jawira jakʼankki uka wasarkama. 10 Jupanakasti Saúl chachan urunakapanwa hagritanak contra guerran nuwasipjjäna, hagritanakajj atipjataw uñjasipjjäna, ukhamatwa jupanakajj Galaad markat inti jalsu toqenkir taqpach oraqenakan carpanakapan jakapjjäna. 

11 Ukatjja Gad chachat jutirinakajj Rubén chachat jutirinakan ladopanwa jakapjjäna. Jupanakajj Basán oraqenwa jakapjjäna, Salecá+ markakama. 12 Basán oraqenjja, Joel chachaw pʼeqtʼirïnjja, ukjjarusti Safam chachänwa, Janái chachampi Safat chachampejj pʼeqtʼirïpjjarakïnwa. 13 Jupanakan familiaranakapajj Miguel, Mesulam, Seba, Jorái, Jacán, Zía, Éber ukanakänwa. Taqpachanejj paqallqonïnwa. 14 Abihail chachan yoqanakapajj akanakänwa: Abihail chachajj Hurí chachan yoqapänwa, jupajj Jaróah chachan yoqapänwa, jupajj Galaad chachan yoqapänwa, jupajj Miguel chachan yoqapänwa, jupajj Jesisái chachan yoqapänwa, jupajj Jahdó chachan yoqapänwa, jupajj Buz chachan yoqaparakïnwa. 15 Jupanakan familiap pʼeqtʼirejj Abdiel chachan Ahí sat yoqapänwa, Abdiel chachasti Guní sat chachan yoqapänwa. 16 Jupanakasti Galaad+ markana, Basán+ oraqena ukhamarak uksa toqenkir jiskʼa markanakanwa jakapjjäna, kawkjarutï Sarón toqenkir pastonakajj tukuyki ukjakama. 17 Taqe jupanakajja kunapachatï Judá markan Jotán+ sat reyipampi Israel markan Jeroboán*+ sat reyipamp apnaqapkäna uka urunakanwa familiapan sutinakapajj registratäjjäna.

18 Rubenitanakampina, gaditanakampina, Manasesan chikat tribupampin ejercitopanjja, guerran nuwasir 44.760 chʼamani chachanakaw utjäna. Jupanakajj escudonakani, espadanakani ukhamarak flechtʼañ arconakanïpjjänwa, guerran nuwasiñatakis suma yatichatäpjjarakïnwa. 19 Jupanakasti hagritanak+ contra, Jetur chachat jutirinak contra, Nafís+ chachat jutirinak contra ukhamarak Nodab chachat jutirinak contraw guerran nuwasipjjäna. 20 Guerran nuwaskasajj Diosaruw jupanakajj yanaptʼa mayipjjäna, Diosasti jupar confiyapjjatap uñjasajj istʼarakïnwa, ukatwa hagritanakarusa hagritanakampïpkäna taqe ukanakarus jupanakan amparapar katuyäna.+ 21 Uywanakaps qʼal katuntapjjäna, jupanakajj 50.000 camellonakampi, 250.000 ovejanakampi, 2.000 asnonakampi apasipjjäna, 100.000 jaqenakamp* kun apasipjjarakïna. 22 Niyakejjay cheqpach Diosajj guerran nuwaschïnjja,+ waljaniw jiwarapjjäna. Ukatjja preso apat uñjasipkäna ukapachkamaw jupanakajj uka oraqen jakapjjäna.+

23 Manasesan chikat tribupat+ jutirïpkäna ukanakajja, Basán toqet qalltasajj Baal-Hermón, Senir ukhamarak Hermón+ sat qollunakkamaw jakapjjäna. Jupanakajj sinti waljapunïpjjänwa. 24 Jupanakan familia pʼeqtʼirinakapajj akanakänwa: Éfer, Isí, Eliel, Azriel, Jeremías, Hodavías, Jahdiel. Jupanakajj guerran nuwasir chʼamani chachanakäpjjänwa, wali uñtʼatäpjjänwa, nayra awkinakapan familianakap pʼeqtʼirïpjjarakïnwa. 25 Ukampis jupanakajj nayra awkinakapan Diosap contraw juchachasipjjäna, uka markanakankir jaqenakan diosanakapampiw prostitutanakjam sarnaqapjjäna.+ Uka markankir jaqenakarusti Diosaw jupanak nayraqatat tukjäna. 26 Ukatjja Israelan Diosapajj Asiria markan Pul sat reyipan chuymaparuw mä amuyu uchäna+ (mä arunjja Asiria markan Tilgat-Pilnéser+ reyipan chuymaparu), ukatwa uka reyejj rubenitanakarusa, gaditanakarusa, Manasesan chikat tribuparusa preso katuntasin Halá, Habor, Hará sat lugaranakaru ukhamarak Gozán+ sat jawir jakʼar apasjjäna, jichhürkamaw jupanakajj ukankasipkaraki.

6 Leví+ chachan yoqanakapajj Guersón, Cohat,+ Merarí+ ukanakänwa. 2 Cohat chachan yoqanakapajj Amram, Izhar,+ Hebrón, Uziel+ ukanakänwa. 3 Amram+ chachan wawanakapajj* Aarón,+ Moisés,+ Míriam+ ukanakänwa. Aarón chachan yoqanakapajj Nadab, Abihú,+ Eleazar,+ Itamar+ ukanakänwa. 4 Eleazar chachajj Finehás+ chachan awkipänwa; Finehás chachasti Abisúa chachan awkipänwa. 5 Abisúa chachajj Buquí chachan awkipänwa; Buquí chachajj Uzí chachan awkipänwa. 6 Uzí chachajj Zerahías chachan awkipänwa; Zerahías chachajj Merayot chachan awkipänwa. 7 Merayot chachajj Amarías chachan awkipänwa; Amarías chachajj Ahitub+ chachan awkipänwa. 8 Ahitub chachajj Sadoc+ chachan awkipänwa; Sadoc chachajj Ahimáaz+ chachan awkipänwa. 9 Ahimáaz chachajj Azarías chachan awkipänwa; Azarías chachajj Johanán sat chachan awkipänwa. 10 Johanán chachajj Azarías chachan awkipänwa. Jupasti Salomonajj Jerusalén markan lurkäna uka utanwa sacerdotet servïna.

11 Azarías chachajj Amarías chachan awkipänwa; Amarías chachajj Ahitub chachan awkipänwa. 12 Ahitub chachajj Sadoc+ chachan awkipänwa; Sadoc chachajj Salum chachan awkipänwa. 13 Salum chachajj Hilquías+ chachan awkipänwa; Hilquías chachajj Azarías chachan awkipänwa. 14 Azarías chachajj Seraya+ chachan awkipänwa; Seraya chachajj Jehozadac+ chachan awkipänwa. 15 Kunapachatï Jehová Diosajj Judá markarusa Jerusalén markarus Nabucodonosor reyimpi katuntayas apayjjäna ukapachaw Jehozadac chachajj preso apat uñjasirakïna.

16 Leví chachan yoqanakapajj Guersom,* Cohat, Merarí ukanakänwa. 17 Guersom chachan yoqanakapan sutinakapajj Libní, Simeí+ ukanakänwa. 18 Cohat chachan yoqanakapajj Amram, Izhar, Hebrón, Uziel+ ukanakänwa. 19 Merarí chachan yoqanakapajj Mahlí chachampi Musí chachampïnwa.

Levitanakan familianakap pʼeqtʼirinakan sutinakapajj akanakänwa:+ 20 Guersom+ chachan yoqanakapa:* Libní, jupan yoqapajj Jáhat chachänwa, jupan yoqapajj Zimá chachänwa, 21 jupan yoqapajj Joá chachänwa, jupan yoqapajj Idó chachänwa, jupan yoqapajj Zérah chachänwa, jupan yoqapajj Jeatrái chachänwa. 22 Cohat chachan yoqanakapajj* akanakänwa: Aminadab, jupan yoqapajj Coré+ chachänwa, jupan yoqanakapajj Asir, 23 Elcaná, Ebiasaf+ ukanakänwa. Ebiasaf chachan yoqapajj Asir sat chachänwa, 24 jupan yoqapajj Táhat chachänwa, jupan yoqapajj Uriel chachänwa, jupan yoqapajj Uzías chachänwa, jupan yoqapajj Shaúl chachänwa. 25 Elcaná chachan yoqanakapajj Amasái chachampi Ahimot chachampïnwa. 26 Yaqha Elcaná chachan yoqanakapajj akanakänwa: Zofái, jupan yoqapajj Náhat chachänwa, 27 jupan yoqapajj Eliab chachänwa, jupan yoqapajj Jeroham chachänwa, jupan yoqapajj Elcaná+ chachänwa. 28 Samuel+ chachan jilïr yoqapajj Joel chachänwa, payïristi Abías chachänwa.+ 29 Merarí chachan yoqanakapajj* akanakänwa: Mahlí,+ jupan yoqapajj Libní chachänwa, jupan yoqapajj Simeí chachänwa, jupan yoqapajj Uzá chachänwa, 30 jupan yoqapajj Simeá chachänwa, jupan yoqapajj Haguías chachänwa, jupan yoqapajj Asaya chachänwa.

31 Davidajj akanakaruw Jehová Diosan utapan cantirinakjjar pʼeqtʼapjjañapatak uttʼayäna, arcajj Diosan utapan uchatäjjäna uka qhepatarakïnwa.+ 32 Kunapachatï Salomonajj Jerusalén markan Jehová Diosan utap luräna+ ukhakamajja, jupanakaw Diosamp jikisiñ carpäki* uka tabernaculon cantirinak uñjapjjäna, kunjamtï lurapjjañapäkäna ukarjamaw servipjjarakïna.+ 33 Yoqanakapampi servipkäna uka chachanakajj akanakänwa: cohatitanakatjja Hemán+ sat cantiri, jupajj Joel+ chachan yoqapänwa, jupajj Samuel chachan yoqapänwa, 34 jupajj Elcaná+ chachan yoqapänwa, jupajj Jeroham chachan yoqapänwa, jupajj Eliel chachan yoqapänwa, jupajj Tóah chachan yoqapänwa, 35 jupajj Zuf chachan yoqapänwa, jupajj Elcaná chachan yoqapänwa, jupajj Máhat chachan yoqapänwa, jupajj Amasái chachan yoqapänwa, 36 jupajj Elcaná chachan yoqapänwa, jupajj Joel chachan yoqapänwa, jupajj Azarías chachan yoqapänwa, jupajj Sofonías chachan yoqapänwa, 37 jupajj Táhat chachan yoqapänwa, jupajj Asir sat chachan yoqapänwa, jupajj Ebiasaf chachan yoqapänwa, jupajj Coré chachan yoqapänwa, 38 jupajj Izhar chachan yoqapänwa, jupajj Cohat chachan yoqapänwa, jupajj Leví chachan yoqapänwa, jupajj Israel chachan yoqapänwa.

39 Asaf+ sat jilapajj Hemán chachan kupi amparap toqenwa saytʼasirïna; Asaf chachajj Berekías chachan yoqapänwa, jupajj Simeá chachan yoqapänwa, 40 jupajj Miguel chachan yoqapänwa, jupajj Baaseyá chachan yoqapänwa, jupajj Malkiya chachan yoqapänwa, 41 jupajj Etní chachan yoqapänwa, jupajj Zérah chachan yoqapänwa, jupajj Adaya chachan yoqapänwa, 42 jupajj Etán chachan yoqapänwa, jupajj Zimá chachan yoqapänwa, jupajj Simeí chachan yoqapänwa, 43 jupajj Jáhat chachan yoqapänwa, jupajj Guersom chachan yoqapänwa, jupajj Leví chachan yoqapänwa.

44 Merarí+ chachat jutiri jilanakapajja, Hemán chachan chʼeqa amparap toqenwa saytʼasipjjerïna; Quisí chachan Etán+ sat yoqapaw ukankäna, Quisí chachajj Abdí chachan yoqapänwa, jupajj Maluc chachan yoqapänwa, 45 jupajj Hasabías chachan yoqapänwa, jupajj Amasías chachan yoqapänwa, jupajj Hilquías chachan yoqapänwa, 46 jupajj Amzí chachan yoqapänwa, jupajj Baní chachan yoqapänwa, jupajj Sémer chachan yoqapänwa, 47 jupajj Mahlí chachan yoqapänwa, jupajj Musí chachan yoqapänwa, jupajj Merarí chachan yoqapänwa, jupajj Leví chachan yoqapänwa.

48 Yaqha levita jilanakapasti, cheqpach Diosan utapäki+ uka tabernaculon servipjjañapatakiw uttʼayatäpjjäna. 49 Aarón chachampi yoqanakapampejj+ nakhantayat ofrenda+ loqtañatak altar patjjana ukhamarak incienso loqtañatak altar patjjanwa+ sacrificionak jewqʼeyapjjäna. Jupanakasti kunanakatï wali sagradöki ukanakampiw lurañanakap phoqapjjäna, ukhamatwa kunjamtï cheqpach Diosan Moisés serviripajj siskäna ukarjamajj Israelan juchanakap qʼomachapjjäna.+ 50 Aarón+ chachat jutirinakajj akanakänwa: Eleazar+ sat yoqapa, jupan yoqapajj Finehás chachänwa, jupan yoqapajj Abisúa chachänwa, 51 jupan yoqapajj Buquí chachänwa, jupan yoqapajj Uzí chachänwa, jupan yoqapajj Zerahías chachänwa, 52 jupan yoqapajj Merayot chachänwa, jupan yoqapajj Amarías chachänwa, jupan yoqapajj Ahitub+ chachänwa, 53 jupan yoqapajj Sadoc+ chachänwa, jupan yoqapajj Ahimáaz chachänwa.

54 Jupanakan jiskʼa markanakapajj akanakänwa, uka lugaranakanwa jupanakajj oraqenakapan campamentonak* uttʼayasipjjäna. Kunapachatï suertenak willtapjjäna ukhajja, cohatitanakan familiapankapkäna uka Aarón chachat jutirinakaruw suertejj nayraqat waktʼäna, 55 ukatwa jupanakarojj Judá oraqenkir Hebrón+ marka churapjjäna, marka jakʼankir pastoni oraqenakapampi. 56 Ukampis marka anqäjjsa jiskʼa markanakapsa Jefuné chachan Caleb+ sat yoqaparuw churapjjäna. 57 Aarón chachat jutirinakarojj Hebrón+ sat imantasiñ marka* churapjjäna,+ Libná+ markampi pastoni oraqenakapampi, Jatir+ markampi, ukatjja Estemoa markampi pastoni oraqenakapampi,+ 58 Hilén markampi pastoni oraqenakapampi, Debir+ markampi pastoni oraqenakapampi, 59 Asán+ markampi pastoni oraqenakapampi, Bet-Semes+ markampi pastoni oraqenakapampi; 60 Benjamín tributjja Gueba+ markampi pastoni oraqenakapampi, Alémet markampi pastoni oraqenakapampi, Anatot+ markampi pastoni oraqenakapampi. Familianakapataki taqpach markanakajj 13 markanakänwa.+

61 Suertenak willtasasti, jiltʼiri cohatitanakarojj tunka markanakaw churatänjja. Jupanakajj yaqha tribunkir familianakata ukhamarak Manasesan+ chikat tribupatwa markanak katoqapjjäna.

62 Guersom chachat jutirinakarusa familianakaparusa, 13 markanakwa Isacar tributsa, Aser tributsa, Neftalí tributsa ukhamarak Basán toqenkir Manasés tributsa churapjjäna.+

63 Meraritanakarusa familianakaparusa, 12 markanakwa Rubén tributsa, Gad tributsa ukhamarak Zabulón+ tributsa sorteot churapjjäna.

64 Ukhamaw israelitanakajj uka markanak pastoni oraqenakapampi levitanakar churapjjäna.+ 65 Ukatsti Judá tribunkiri, Simeón tribunkiri ukhamarak Benjamín tribunkir markanakwa sorteot churapjjäna, uka markanakajj sutitkamaw aytasiraki.

66 Yaqhep cohatita familianakajj Efraín tribunkir markanakwa oraqenakapjam katoqapjjäna.+ 67 Jupanakarojj Siquem+ sat imantasiñ marka* churapjjäna, Efraín tribunkir qollunak toqenkir pastoni oraqenakapampi, Guézer+ markampi pastoni oraqenakapampi, 68 Jocmeam markampi pastoni oraqenakapampi, Bet-Horón+ markampi pastoni oraqenakapampi, 69 Ayalón+ markampi pastoni oraqenakapampi, Gat-Rimón+ markampi pastoni oraqenakapampi, 70 cohatitanakan mayni familianakapasti Manasesan chikat tribupatwa Aner markampi pastoni oraqenakapampi, Bileam markampi pastoni oraqenakapamp katoqapjjäna.

71 Guersom chachat jutirinakarojj Manasesan chikat tribupan familiapatwa aka markanak churapjjäna: Basán toqenkir Golán+ sat markampi pastoni oraqenakapampi, Astarot markampi pastoni oraqenakapampi;+ 72 Isacar tributjja: Quedes markampi pastoni oraqenakapampi, Daberat+ markampi pastoni oraqenakapampi,+ 73 Ramot markampi pastoni oraqenakapampi, Anem markampi pastoni oraqenakapampi; 74 Aser tributjja: Masal markampi pastoni oraqenakapampi, Abdón markampi pastoni oraqenakapampi,+ 75 Hucoc markampi pastoni oraqenakapampi, Rehob+ markampi pastoni oraqenakapampi; 76 Neftalí tributjja: Galilea+ toqenkir Quedes+ markampi pastoni oraqenakapampi, Hamón markampi pastoni oraqenakapampi, Quiryataim markampi pastoni oraqenakapampi.

77 Jiltʼapkäna uka meraritanakarojja, Zabulón+ tribun markanakapatwa churapjjäna: Rimono markampi pastoni oraqenakapampi, Tabor markampi pastoni oraqenakapampi; 78 Jericó marka uñkatasinkki uka Jordán toqenkiri ukhamarak Jordanat inti jalsu toqenkir Rubén tributjja: wasarankir Bézer markampi pastoni oraqenakapamp churapjjäna, Jáhaz+ markampi pastoni oraqenakapampi, 79 Quedemot+ markampi pastoni oraqenakapampi, Mefaat markampi pastoni oraqenakapampi; 80 Gad tributjja: Galaad toqenkir Ramot markampi pastoni oraqenakapampi, Mahanaim+ markampi pastoni oraqenakapampi, 81 Hesbón+ markampi pastoni oraqenakapampi, Jazer+ markampi pastoni oraqenakapampi.

7 Isacar chachan pusi yoqanakapajj Tolá, Pua, Jasub, Simrón+ ukanakänwa. 2 Tolá chachan yoqanakapajj Uzí, Refayá, Jeriel, Jahmái, Ibsam, Semuel ukanakänwa, jupanakaw familianakapar pʼeqtʼapjjäna. Guerran nuwasir chʼamani chachanakajj Tolá chachat jutirinakäpjjänwa, Davidan urunakapansti 22.600 ukhanïpjjänwa. 3 Uzí chachat jutirinakajj* Izrahías chachänwa, Izrahías chachan yoqanakapajj Miguel, Abdías, Joel, Isías ukanakänwa. Jupanakajj phesqpachaniw familianakap pʼeqtʼirïpjjäna. 4 Jupanakasa jupanakat jutirinakasa walja warminakani walja wawanakani ukhamäpjjänwa, ukatwa familianakap taypin guerran nuwasiñatakejj 36.000 soldadonakajj ejercitopan utjäna. 5 Isacar tribun taqe familianakap taypin utjkäna uka familiaranakapajja, guerran nuwasir chʼamani chachanakäpjjänwa. Registratäki uka familianakapan listaparjamajja, jupanakajj 87.000 ukhanïpjjänwa.+

6 Benjamín+ chachan kimsa yoqanakapajj Bela,+ Béker,+ Jediael+ ukanakänwa. 7 Bela sat chachan phesqa yoqanakapajj Ezbón, Uzí, Uziel, Jerimot, Irí ukanakänwa. Jupanakajj familianakap pʼeqtʼirinaka, guerran nuwasir chʼamani chachanaka ukhamäpjjänwa. Familianakapan listaparjamajja, jupanakajj 22.034 ukhanïpjjänwa.+ 8 Béker chachan yoqanakapajj Zemirá, Joás, Eliezer, Elioenái, Omrí, Jeremot, Abías, Anatot, Alémet ukanakänwa. Taqe jupanakaw Béker chachan yoqanakapänjja. 9 Familia pʼeqtʼirinakapajj registratäkäna uka listarjamajja, jupanakat jutirinak taypin 20.200 chʼamani chachanakaw guerran nuwasiñatak utjäna. 10 Jediael+ chachat jutirinakajj* Bilhán chachampi yoqanakapampïnwa, Bilhán chachan yoqanakapasti akanakänwa: Jeús, Benjamín, Ehúd, Kenaaná, Zetán, Tarsis, Ahisáhar. 11 Taqe jupanakaw Jediael chachat jutirinakajja.* Nayra awkinakapan familianakap pʼeqtʼirinakarjamajja, guerran nuwasir 17.200 chʼamani chachanakaw utjäna, jupanakajj ejercitomp chika guerrar sarañatakejj wakichtʼatäpjjänwa.

12 Supim jaqenakasa hupim jaqenakasa Ir+ chachan yoqanakapäpjjänwa. Husim jaqenakasti Aher chachan yoqanakapänwa.

13 Neftalí+ chachan yoqanakapajj Jahziel, Guní, Jézer, Salum ukanakänwa, jupanakajj Bilhá+ sat warmit jutirïpjjänwa.*

14 Manasés chachan yoqanakapajj akanakänwa: Asriel, juparojj Manasés+ chachan siria concubinapaw ususïna. (Warmisti Galaad chachan awkipäkäna uka Makir+ chacharuw ususïna. 15 Makir chachajj Hupim ukhamarak Supim sat chachanakatakiw warmi katurapïna, jupanakan kullakapajj Maacá satänwa). Payïristi Zelofehad+ chachänwa, ukampis Zelofehad chachajj phuchanakanikïnwa.+ 16 Makir chachan Maacá sat warmipajj mä yoqall wawa ususïna, juparojj Peres suti uchäna; jilapajj Seres satänwa. Seres chachan yoqanakapajj Ulam, Réquem ukanakänwa. 17 Ulam chachan yoqapajj* Bedán chachänwa. Taqe jupanakajj Galaad chachat jutirïpjjänwa. Galaad chachajj Makir chachan yoqapänwa, jupajj Manasés chachan yoqaparakïnwa. 18 Galaad chachan kullakapajj Hamoléket satänwa. Jupajj Isod, Abí-Ézer, Mahlá sat wawanakaparuw ususïna. 19 Semidá chachan yoqanakapajj Ahián, Siquem, Liquí, Aniam ukanakänwa.

20 Efraín+ chachan yoqanakapajj akanakänwa: Sutélah,+ jupan yoqapajj Bered chachänwa, jupan yoqapajj Táhat chachänwa, jupan yoqapajj Eleadá chachänwa, jupan yoqapajj Táhat chachänwa, 21 jupan yoqapajj Zabad chachänwa, jupan yoqapajj Sutélah chachänwa. Ézer ukhamarak Elead chachanakajj Efraín chachan yoqanakaparakïnwa. Gat+ markan jakir chachanakajj Efraín chachan yoqanakapan uywanakap lunthatañatakiw saraqanipjjäna, ukatjja Ézer chachampir Elead chachampiruw jiwayapjjäna. 22 Efraín awkipasti walja urunakaw jachäna, ukatwa jupan jilanakapajj chuymachir jutapjjäna. 23 Uka qhepatjja jupajj warmipampiw ikthapïna, warmisti usuriptasajj mä yoqall wawa ususirakïna. Ukampis kunapachatï familiapajj mä jan waltʼäwinkkäna ukhaw warmipajj uka wawa ususïna, ukatwa awkipajj uka wawar Berías* suti uchäna. 24 Jupan phuchapajj Seerá satänwa, jupaw Bet-Horón Baja+ sat marksa, Bet-Horón Alta+ sat marksa, Uzén-Seerá sat marksa saytʼayäna. 25 Réfah chachampi Résef chachampejj Efraín chachat jutirïpjjänwa. Résef chachan yoqapajj Télah chachänwa, jupan yoqapajj Tahán chachänwa, 26 jupan yoqapajj Ladán sat chachänwa, jupan yoqapajj Amihud chachänwa, jupan yoqapajj Elisamá chachänwa, 27 jupan yoqapajj Nun chachänwa, jupan yoqapajj Josué*+ chachänwa.

28 Efraín chachat jutirinakajj aka oraqenakanwa utjasipjjäna: Betel+ markana ukhamarak uka jakʼankir markanakana, inti jalsu toqerusti Naarán markana, inti jalanta toqerusti Guézer markana uka jakʼankir markanakana, Siquem markana uka jakʼankir markanakana, Ayyá* markakama uka jakʼankir markanakkama; 29 Manasés chachat jutirinak ladorusti, Bet-Seán+ markana uka jakʼankir markanakana, Taanac+ markana uka jakʼankir markanakana, Meguidó+ markana uka jakʼankir markanakana, Dor+ markana uka jakʼankir markanakana. Uka markanakanwa Israelan José sat yoqapat jutirinakajj jakapjjäna.

30 Aser sat chachan yoqanakapajj Imná, Isvá, Isví, Berías+ ukanakänwa. Jupanakan kullakapajj Sérah+ satänwa. 31 Berías chachan yoqanakapajj Héber, Malkiel ukanakänwa. Malkiel chachajj Birzayit ukan awkipänwa. 32 Héber chachan yoqanakapajj Jaflet, Somer, Hotam, Súa ukanakänwa. Súa warmejj jupanakan kullakapänwa. 33 Jaflet chachan yoqanakapajj Pasac, Bimhal, Asvat ukanakänwa. Jupanakajj Jaflet chachan yoqanakapänwa. 34 Sémer* chachan yoqanakapajj Ahí, Rohgá, Jehubá, Aram ukanakänwa. 35 Hélem* jilapan yoqanakapajj Zofá, Imná, Seles, Amal ukanakänwa. 36 Zofá chachan yoqanakapajj Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán, Beerá ukanakänwa. 38 Jéter chachan yoqanakapajj Jefuné, Pispá, Ará ukanakänwa. 39 Ulá chachan yoqanakapajj Ará, Haniel, Rizía ukanakänwa. 40 Taqe jupanakaw Aser chachan yoqanakapänjja. Jupanakajj familianak pʼeqtʼirïpjjänwa, ajllitäpjjänwa, guerran nuwasir chʼamani chachanakäpjjänwa, wali mintata pʼeqtʼirinakäpjjarakïnwa; kunjamtï familiapan registrat listapan+ uñstkejja, guerrar nuwasiri sarañatakejj 26.000 soldadonakaw+ jupanakan ejercitopan utjäna.

8 Benjamín+ chachajj akanakan awkipänwa: jilïr yoqapajj Bela+ sat chachänwa, payïrejj Asbel+ chachänwa, kimsïrejj Ahará chachänwa, 2 pusïrejj Nohá chachänwa, phesqëristi Rafá chachänwa. 3 Bela sat chachan yoqanakapajj Addar, Guerá,+ Abihud, 4 Abisúa, Naamán, Ahoá, 5 Guerá, Sefufán, Huram ukanakänwa. 6 Akanakaw Ehúd chachan yoqanakapänjja, jupanakajj Gueba+ markan jakiri familianakaruw pʼeqtʼapjjäna, Manáhat lugararuw preso apat uñjasipjjarakïna: 7 Naamán, Ahíya, Guerá ukanakänwa. Guerá chachaw preso apatäpkäna ukanakarojj irpäna, jupaw Uzá chachampin Ahihud chachampin awkipänjja. 8 Saharaim chachasti, moabitanakar khitjjäna uka qhepatwa Moab oraqen* yoqanakanëjjäna. Husim warmimpi Baará warmimpiw esposanakapänjja.* 9 Saharaim chachajj Hodes sat warmipampejj aka yoqanakanïnwa: Jobab, Zibía, Mesá, Malcam, 10 Jeúz, Sakía, Mirmá. Jupanakaw yoqanakapänjja, familianak pʼeqtʼirïpjjarakïnwa.

11 Husim sat warmipampejj Abitub, Elpaal sat wawanakanïnwa. 12 Elpaal chachan yoqanakapajj Éber, Misam, Sémed (jupaw Onó+ marksa Lod+ marksa uka jakʼankir markanakapsa saytʼayäna), 13 Berías, Sema ukanakänwa. Jupanakajj Ayalón+ markan jakirinakan familianakap pʼeqtʼirinakäpjjänwa. Jupanakajj Gat markan jakirinakaruw alisnukupjjäna. 14 Ukjjarusti Ahió, Sasac, Jeremot, 15 Zebadías, Arad, Éder, 16 Miguel, Ispá, Johá, jupanakajj Berías chachan yoqanakapänwa; 17 Zebadías, Mesulam, Hizquí, Héber, 18 Ismerái, Izlías, Jobab, jupanakajj Elpaal chachan yoqanakapänwa; 19 Jaquim, Zicrí, Zabdí, 20 Elienái, Ziletái, Eliel, 21 Adaya, Berayá, Simrat, jupanakajj Simeí chachan yoqanakapänwa; 22 Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá, Penuel, jupanakajj Sasac chachan yoqanakapänwa; 26 Samserái, Seharías, Atalía, 27 Jaaresías, Elías, Zicrí, jupanakajj Jeroham chachan yoqanakapänwa. 28 Uka familia pʼeqtʼirinakajj familianakapan registrat listapan qellqatäpjjänwa, Jerusalén markanwa jakapjjarakïna.

29 Gabaonan Jeiel sat awkipajj Gabaón+ markanwa jakäna. Warmipajj Maacá+ satänwa. 30 Jeiel chachan jilïr yoqapajj Abdón chachänwa, ukjjarusti Zur, Quis, Baal, Nadab, 31 Guedor, Ahió, Zéker ukanakänwa. 32 Miclot chachajj Simeá chachan awkipänwa. Taqe jupanakajj jilanakap* jakʼanwa mayni jilanakapamp chikajj Jerusalén markan jakapjjäna.

33 Ner+ chachajj Quis chachan awkipänwa; Quis chachajj Saúl+ chachan awkipänwa; Saúl chachajj Jonatán,+ Malki-Súa,+ Abinadab,+ Esbaal*+ ukanakan awkipänwa. 34 Jonatanan yoqapajj Merib-Baal*+ chachänwa. Merib-Baal chachasti Miqueas+ chachan awkipänwa. 35 Miqueas chachan yoqanakapajj Pitón, Mélec, Tarea, Acaz ukanakänwa. 36 Acaz chachajj Jehoadá chachan awkipänwa; Jehoadá chachajj Alémet, Azmávet, Zimrí ukanakan awkipänwa. Zimrí chachajj Mozá chachan awkipänwa. 37 Mozá chachajj Bineá chachan awkipänwa. Bineá chachan yoqapajj Rafá chachänwa, jupan yoqapajj Eleasá chachänwa, jupan yoqapajj Azel chachänwa. 38 Azel chachajj sojjta yoqanakanïnwa, jupanakajj Azricam, Bocrú, Ismael, Searías, Abdías, Hanán satäpjjänwa. Taqe jupanakaw Azel chachan yoqanakapänjja. 39 Éshec jilapan yoqanakapajj akanakänwa: jilïr yoqapajj Ulam chachänwa, payïrejj Jeús chachänwa, kimsïristi Elifélet chachänwa. 40 Ulam chachan yoqanakapajj flechtʼañ arco apnaqeri ukhamarak guerran nuwasir chʼamani chachanakäpjjänwa, jupanakajj walja wawanakani allchhinakani ukhamäpjjänwa, taqpachanejj 150 ukhanïpjjänwa. Taqe jupanakaw Benjamín chachat jutirïpjjäna.

9 Taqpach israelitanakaw familianakapan listapan registratäpjjäna, Israelan Reyinakapat Parlir Libron qellqatäpjjarakiwa. Judá markajj juchanakap laykuw Babilonia markar preso apat uñjasïna.+ 2 Jupanakat nayraqat kuttʼanirinakajj akanakänwa: yaqhep israelitanaka, sacerdotenaka, levitanaka ukhamarak templon servirinaka.*+ Jupanakajj markanakaparuw oraqenakapar kuttʼjjapjjäna. 3 Judá,+ Benjamín,+ Efraín, Manasés uka chachanakat jutiri yaqhepanakajja, Jerusalén markanwa jakañ qalltapjjäna. Jupanakan sutinakapajj akanakänwa: 4 Utái, jupajj Amihud chachan yoqapänwa, jupajj Omrí chachan yoqapänwa, jupajj Imrí chachan yoqapänwa, jupajj Baní chachan yoqapänwa. Jupanakajj Judá chachan Pérez+ yoqapat jutirinakäpjjewa. 5 Silonitanakatsti Asaya sat jilïr yoqampi jupan yoqanakapampi. 6 Zérah+ chachan yoqanakapatjja, Jeuel chachampi jupanakan 690 jilanakapampi.

7 Benjamín chachat jutirinakatsti akanakänwa: Salú, jupajj Mesulam chachan yoqapänwa, jupajj Hodavías chachan yoqapänwa, jupajj Hasenuá chachan yoqapänwa; 8 Ibneyá, jupajj Jeroham chachan yoqapänwa; Elá, jupajj Uzí chachan yoqapänwa, jupajj Micrí chachan yoqapänwa; Mesulam, jupajj Sefatías chachan yoqapänwa, jupajj Reuel chachan yoqapänwa, jupajj Ibniya chachan yoqapänwa. 9 Familiapan listanakaparjamajja, jupanakan jilanakapajj 956 ukhanïpjjänwa. Taqe uka chachanakajj nayra awkinakapan familianakap pʼeqtʼirinakäpjjänwa.

10 Sacerdotenakatsti akanakänwa: Jedayá, Jehoiarib, Jakín,+ 11 Azarías, jupajj Hilquías chachan yoqapänwa, jupajj Mesulam chachan yoqapänwa, jupajj Sadoc chachan yoqapänwa, jupajj Merayot chachan yoqapänwa, jupajj Ahitub chachan yoqapänwa. Ahitub chachajj cheqpach Diosan utapan* mä pʼeqtʼirïnwa; 12 Adaya, jupajj Jeroham chachan yoqapänwa, jupajj Pasjur chachan yoqapänwa, jupajj Malkiya chachan yoqapänwa; Maasái, jupajj Adiel chachan yoqapänwa, jupajj Jahzerá chachan yoqapänwa, jupajj Mesulam chachan yoqapänwa, jupajj Mesilemit chachan yoqapänwa, jupajj Imer chachan yoqapänwa; 13 jupanakan jilanakapampi. Uka jilanakapajj nayra awkinakapan familianakap pʼeqtʼirinakäpjjänwa, 1.760 chʼamani chachanakäpjjänwa, confiykañ chachanakäpjjänwa, cheqpach Diosan utapan servirinakäpjjarakïnwa.

14 Levitanakatsti akanakäpjjarakïnwa: Semaya,+ jupajj Hasub chachan yoqapänwa, jupajj Azricam chachan yoqapänwa, jupajj Hasabías chachan yoqapänwa. Jupanakajj Merarí chachat jutirïpjjänwa; 15 Bacbacar, Héresh, Galal, Matanías, jupajj Micá chachan yoqapänwa, jupajj Zicrí chachan yoqapänwa, jupajj Asaf chachan yoqapänwa; 16 Abdías, jupajj Semaya chachan yoqapänwa, jupajj Galal chachan yoqapänwa, jupajj Jedutún chachan yoqapänwa; Berekías, jupajj Asá chachan yoqapänwa, jupajj Elcaná chachan yoqapänwa. Elcaná chachajj netofatitanakan+ jiskʼa markanakapanwa jakäna.

17 Porteronakajj+ akanakänwa: Salum, Acub, Talmón, Ahimán, jupanakan Salum sat jilapaw pʼeqtʼirïnjja, 18 ukhakamasti jupajj reyin punkupanwa inti jalsu+ toqenkäna. Jupanakajj levitanakan campamentopan porteronakapäpjjänwa. 19 Salum chachajj Coré chachan yoqapänwa, jupajj Ebiasaf chachan yoqapänwa, jupajj Coré chachan yoqapänwa. Salum chachasa, jupan familiapan jilanakapasa, coreitanakasa, carpan porterot servipki ukanakaruw uñjapjjerïna. Nayra awkinakapajja carpan punkup uñjiritwa Jehová Diosan campamentop uñjapjjerïna. 20 Eleazar+ chachan Finehás+ sat yoqapaw nayra tiempon jupanakan pʼeqtʼiripänjja. Jehová Diosajj jupampïskarakïnwa. 21 Meselemías chachan Zacarías+ sat yoqapaw Diosamp jikisiñ carpan mantañap cheqan porteropänjja.

22 Punku mantañ cheqankapjjañapatak ajllitäpkäna uka porteronakajja, taqpachanejj 212 ukhanïpjjänwa. Familiapan registratäki uka listaparjamajja,+ jiskʼa markanakapanwa jupanakajj jakapjjäna. Davidampi ukhamarak visionanak uñjir+ Samuelumpiw jupanakarojj mä confiykañ cargomp uttʼayapjjäna. 23 Jupanakasa yoqanakapasa, Jehová Diosan utapankir punkunakapanwa punku uñjas servipjjäna,+ uka utajj carpankir utänwa. 24 Porteronakajj pusi toqenkapjjänwa: inti jalsu toqena, inti jalanta toqena, alay toqena,* aynach toqena.*+ 25 Awisanakasti jilanakapajj jiskʼa markanakapatwa jutapjjerïna, ukhamat jupanakamp chikajj paqallqo urunak ukan serviñataki. 26 Pusi pʼeqtʼiri porteronakaw confiykañ cargonakanïpjjäna. Jupanakajj levitanakäpjjänwa, cuartonakampita* ukhamarak cheqpach Diosan utapankir wali valoraninak imañ cheqanakampit encargatäpjjänwa.+ 27 Jupanakajj guardiat servipjjäna, llavenak katusajj sapa alwaw Diosan utapan punkunakap llawirapjjäna, ukatwa cheqpach Diosan taqpach utap lugaranakapan arum paqar guardiat uñjapjjäna.

28 Jupanakat yaqhepanakajja, Diosar serviñatak utensilionakat* encargatäpjjänwa,+ jupanakarakiw apantanipjjäna ukhasa apsupjjäna ukhas ukanak jaktʼapjjerïna. 29 Jupanakat yaqhepanakasti, yaqha utensilionakata, taqe sagrado utensilionakata,+ suma jakʼuta,+ vinota,+ aceiteta,+ janqʼo inciensota,+ bálsamo sat aceiteta+ encargatäpjjänwa. 30 Sacerdotenakan yaqhep yoqanakapajj bálsamo sat aceitwa pomadatak mezclapjjäna. 31 Levitanakatsti Matitías sat chachan confiykañ cargopajja, kunanakatï sartenanakan qhatiyaski+ ukanak uñjañänwa, jupajj Salum sat coreíta chachan jilïr yoqapänwa. 32 Cohatitanakan jilanakapat yaqhepanakajja, Diosar loqtat tʼantʼanak lurañaw jupanakan cargopänjja,+ sapa sábado urunwa uk wakichapjjarakïna.+

33 Cantirinakajj utjarakïnwa, levitanakan nayra awkinakapan familianakap pʼeqtʼirïpjjänwa, jupanakajj cuartonakankapjjänwa,* arumay uruw servipjjañapäna, ukatwa yaqha lurañanakajj jupanakar jan churaskänti. 34 Familiapan listanakaparjamajja, akanakaw levitanakan nayra awkinakapan familianakap pʼeqtʼirinakapänjja. Jupanakajj Jerusalenan jakapjjarakïna.

35 Gabaonan Jeiel sat awkipajj Gabaón+ markanwa jakäna. Warmipajj Maacá satänwa. 36 Jeiel chachan jilïr yoqapajj Abdón chachänwa, ukjjarusti Zur, Quis, Baal, Ner, Nadab, 37 Guedor, Ahió, Zacarías, Miclot ukanakänwa. 38 Miclot chachajj Simeam chachan awkipänwa. Taqe jupanakajj jilanakap* jakʼanwa mayni jilanakapamp chikajj Jerusalén markan jakapjjäna. 39 Ner+ chachajj Quis chachan awkipänwa; Quis chachajj Saúl+ chachan awkipänwa; Saúl chachajj Jonatán,+ Malki-Súa,+ Abinadab,+ Esbaal ukanakan awkipänwa. 40 Jonatanan yoqapajj Merib-Baal+ chachänwa. Merib-Baal chachajj Miqueas+ chachan awkipänwa. 41 Miqueas chachan yoqanakapajj Pitón, Mélec, Tahrea, Acaz ukanakänwa. 42 Acaz chachajj Jará chachan awkipänwa; Jará chachajj Alémet, Azmávet, Zimrí ukanakan awkipänwa. Zimrí chachajj Mozá chachan awkipänwa. 43 Mozá chachajj Bineá chachan awkipänwa, Bineá chachan yoqapajj Refayá chachänwa, jupan yoqapajj Eleasá chachänwa, jupan yoqapajj Azel chachänwa. 44 Azel chachajj sojjta yoqanakanïnwa, jupanakajj Azricam, Bocrú, Ismael, Searías, Abdías, Hanán satäpjjänwa. Jupanakajj Azel chachan yoqanakapänwa.

10 Ukatjja filisteonakajj Israel contraw nuwasisipkäna. Israelit chachanakajj filisteonak nayraqatat escapjjapjjänwa, waljaniw Guilboa qollun jiwarapjjarakïna.+ 2 Filisteonakajj Saúl reyimpiru yoqanakapampirojj jakʼatwa arktapjjäna. Ukatjja filisteonakajj Saúl reyin Jonatán, Abinadab, Malki-Súa+ sat yoqanakaparuw jiwarayapjjäna. 3 Saúl contrajj walpun nuwasipjjäna. Arcomp flechtʼirinakaw jupar uñjapjjäna, ukatsti Saúl reyirojj walpun usuchjapjjäna.+ 4 Ukatwa Saúl reyejj armadura apiriparojj akham säna: “Espadam apsusisajj ukamp jiwayita, ukhamatwa uka jan circuncidat* chachanakajj nayar tʼaqesiyasin jan jiwayapkitaniti”+ sasa. Ukampis armadura apiripajj wal ajjsarayasitap laykojj janiw jupar jiwayañ munkänti. Ukatwa Saúl reyejj espada katusin uka patjjar liwjjattäna.+ 5 Kunapachatï armadura apiripajj Saúl reyin jiwatätap uñjäna ukhajja, pachpa espadapar liwjjattasaw jiwäna. 6 Ukhamaw Saúl reyisa, kimsa yoqanakapasa, taqe utapankirinakas uka urun jiwarapjjäna.+ 7 Kunapachatï israelit soldadonakan escapjjapjjatap istʼapjjäna, Saúl reyimpi yoqanakapampi jiwapjjatap yatipjjarakïna ukhajja, valle toqenkir taqe israelitanakajj markanakap jaytanukusaw escapjjapjjäna. Filisteonakasti jutasaw uka oraqenak katuntasipjjäna.

8 Qhepürusti filisteonakajj kunanakatï jiwatanakan utjkäna ukanak apaririw jutapjjäna, ukhaw Saúl reyimpiru kimsa yoqanakapampirojj Guilboa qollun jiwat uñjapjjäna.+ 9 Ukatwa Saúl reyirojj isinakap apsupjjäna, pʼeq apaqapjjäna, armaduraps apasipjjarakïnwa. Ukatjja jupanakajj filisteonakan taqpach oraqeparuw chachanak khitapjjäna, ukhamat kunatï paskäna ukanak idolonakan+ templonakapana ukhamarak markankirinakar yatiyanipjjañapataki. 10 Ukatjja jupanakajj diosapan temploparuw Saúl reyin armadurap uchapjjäna, pʼeqepsti Dagón sat diosan temploparuw chʼakkatapjjarakïna.*+

11 Galaad oraqenkiri taqe Jabés+ markankirinakajj kunsa filisteonakajj Saúl reyin jiwat cuerpopamp lurapjjäna+ taqe ukanak yatisajja, 12 guerran nuwasir taqe chachanakaw sarasin Saúl reyimpin yoqanakapampin jiwat cuerponakap Jabés cheqar apasjjapjjäna. Chʼakhanakapsti Jabés cheqankir jachʼa qoqa* jakʼaruw imtʼjjapjjäna,+ paqallqo urunakaw jupanakajj ayunapjjarakïna.

13 Ukhamaw Saúl reyejj Jehová Dios contra juch lurasajj jiwjjäna, jupajj janiw Jehová Diosan arunakapar istʼkänti,+ jiwatanakamp parliri mä warmiruw jisktʼasirakïna,+ 14 Jehová Diosar jisktʼasiñat sipansa. Ukhamaw jupajj* jiwayjjäna, Jesé chachan David sat yoqaparuw jupa lantejj reyit uttʼayjjarakïna.+

11 Tiempompejj taqe israelitanakaw Hebrón+ markan Davidampi tantachtʼasipjjäna, jupanakasti akham sapjjänwa: “Nanakajj juman jilanakamäpjjtwa.+ 2 Saúl chachajj reyit apnaqkäna ukapachajja, jumaw Israel markarojj guerran nuwasiñan pʼeqtʼayätajja.+ Jehová Diosamajj akham sayätamwa: ‘Jumaw Israel markajarojj uñjarapitäta, jumarakiw Israel markajan pʼeqtʼiripäyäta’+ sasa”. 3 Ukatwa Israel markan taqe ancianonakapajj* Hebrón markan reyin ukar jutapjjäna, David reyisti Hebrón markanwa Jehová Dios nayraqatan jupanakamp mä pacto luräna. Ukatsti kunjamtï Jehová Diosajj Samuel taypi arskäna+ ukarjamaw jupanakajj Israel markan reyipäñapatak Davidar uttʼayapjjäna.*+

4 Uka qhepatsti Davidampi taqpach Israel markampejj Jerusalén markaruw sarapjjäna, mä arunjja Jebús+ markaruw sarapjjäna, kawkjantï jebuseonakajj+ jakapkäna uka oraqeru. 5 Jebús markan jakirinakajj akham sasaw Davidat burlasipjjäna: “¡Janipuniw jumajj akar mantankätati!”+ sasa. Ukampis Davidajj jachʼa perqanakamp muyuntat Sion katuntäna,+ qhepatjja uka lugarajj Davidan Markapa+ satäjjänwa. 6 Ukatwa Davidajj akham säna: “Kawkïritejj jebuseonak contra nayraqat saytʼkani ukaw jilïrini, principerakïni” sasa. Ukatjja Zeruyá warmin Joab+ sat yoqapaw nayraqat makatäna, ukhamatwa jupajj jilïrëjjäna. 7 Ukatjja Davidajj jachʼa perqanakamp muyuntat markanwa jakjjäna. Ukatwa uka markarojj Davidan Markapa sasin sapjjäna. 8 Davidasti markan murallanakapampi yaqha construccionanakamp markpachan luräna, Montículo* sat lugarat uka jakʼankir cheqanakkama. Ukat uksarojj Joab chachaw mark wasitat saytʼayäna. 9 Ukhamatwa Davidajj jukʼampi chʼamanir tukuskäna,+ ejercitonakan Jehová Diosapas jupampirakïnwa.

10 Aka chachanakaw Davidankkäna uka guerran nuwasir chʼamani chachanakarojj pʼeqtʼapjjäna, jupanakaw taqe israelitanakampejj Davidarojj reyit apnaqañapatak yanaptʼapjjäna, kunjamtï Jehová Diosajj Israel markarojj mä promesa lurasin arskäna ukarjamaw juparojj reyit uttʼayapjjäna.+ 11 Davidan guerran nuwasir chʼamani chachanakan listapajj akawa: Jasobeam+ sat mä hacmonitan yoqapa, jupaw kimsanir pʼeqtʼäna.+ Mä kutejja Jasobeam chachajj 300 chachanakaruw lanzapamp jiwarayäna.+ 12 Ukjjarusti Dodó sat ahohíta+ chachan Eleazar+ yoqapa, jupajj guerran nuwasir chʼamani kimsa chachanak taypinkänwa. 13 Eleazar chachajj Davidamp chikaw Pas-Damim+ sat cheqankäna, ukhamat filisteonak contra guerran nuwasiñataki. Uka cheqanjja cebada yapuni mä oraqew utjäna, soldadonakajj filisteonakat escapjjapjjarakïnwa. 14 Ukampis Eleazar chachajj uka pachpa oraqer saytʼasisaw filisteonakar jiwarayaskakïna, janirakiw filisteonakarojj uka oraqe katuntaykänti, ukhamatwa Jehová Diosajj israelitanakar atipjayäna.*+

15 Qarqa* cheqarusti, 30 pʼeqtʼirinakat kimsa chachanakaw Adulam sat qollu pʼiyar+ Davidan ukar saraqapjjäna. Ukañkamajj filisteonakan ejercitopaw Refaím+ vallen campamentopankaskäna. 16 Davidajj imantasiñ cheqankaskänwa, filisteonakan tropapajj Belén markankaskarakïnwa. 17 Ukapachaw Davidajj kuntï wal munkäna uk akham sasin arsüna: “Belén markan punkup jakʼan utjki uka uma estanquen umap mä jukʼaks umtʼirista,+ nayajj walpun kusisirista” sasa. 18 Uk istʼasasti kimspachaniw filisteonakamp nuwasisajj uka campamentopar mantapjjäna, ukatjja Belén markan punkup jakʼan utjki uka uma estanquetwa um waysupjjäna. Uka umsti Davidan ukaruw apapjjarakïna, ukampis Davidajj janiw uka um umtʼañ munkänti, antisas Jehová Diosatakiw uka um wartäna. 19 Davidajj akham sänwa: “¡Diosar respetataj laykojj janipuniw uk lurañajajj walïkaspati! ¿Kunjamaraki nayajj niyapun vidap aptʼasipki uka chachanakan wilap umtʼiriststi?+ Jupanakajj vidaps aptʼasirpachaw aka um aptir sarapjje” sasa. Ukhamasti jupajj uka um janiw umtʼañ munkänti. Ukanakwa guerran nuwasir chʼamani kimsa chachanakajj lurapjjäna.

20 Joab+ chachan Abisái+ sat jilapajj yaqha kimsa chachanakaruw pʼeqtʼarakïna. Mä kutejja Abisái chachajj 300 chachanakaruw lanzapamp jiwarayäna, jupajj guerran nuwasiñatak chʼamani kimsa chachanakjam wali uñtʼatarakïnwa.+ 21 Uka kimsa chachanakat sipansa, Abisái chachaw mayni pä chachanakat sipans wali mintat jaqënjja, juparakiw jupanakan pʼeqtʼiripänjja. Ukampis jupajj janiw mayni kimsa chachanakjamäkänti.

22 Jehoiadá chachan Benaya+ sat yoqapajj jan ajjsariri chachänwa,* jupajj walja musparkañ luräwinakwa Cabzeel+ markan luräna. Jupaw Moab toqenkir Ariel chachan pä yoqanakaparojj jiwarayäna, juparakiw khununtaskir urun mä estanquer mantasajj mä leonar jiwayäna.+ 23 Jupaw mä egipcio jachʼa jaqerojj jiwayarakïna, uka jaqejj mä 2 metro 20 centimetronïnwa.*+ Uka egipcio jaqejj amparapan mä lanzanïnwa, lanzapan lawapas telaramp trabajirinakan lawapjam jachʼarakïnwa,+ ukampis Benaya chachajj mä lawampikiw uka egipcio jaqemp nuwasiñatak jakʼachasïna. Ukatsti egipcion amparapat lanza aparasajj uka pachpa lanzapampiw jupar jiwayäna.+ 24 Taqe ukanakwa Jehoiadá chachan Benaya yoqapajj luräna, guerran nuwasir chʼamani kimsa chachanakjam wali uñtʼatarakïnwa. 25 Jupajj 30 chachanakat sipans wali aytatäkchïnsa, janiw guerran nuwasir chʼamani mayni kimsa chachanakjamäkänti.+ Ukampirus Davidajj jupar uñjiri guardianakapar pʼeqtʼañapatakiw uttʼayäna.

26 Ejercitonakan guerran nuwasiri chʼamani chachanakajj akanakänwa: Joab chachan Asahel+ jilapa, Belén markankir Dodó chachan Elhanán yoqapa,+ 27 Samot sat harorita chachampi, Hélez sat pelonita chachampi, 28 Iqués sat tecoíta chachan Irá+ sat yoqapampi, Abí-Ézer+ sat anatotita chachampi, 29 Sibecái+ sat husatita chachampi, Ilái sat ahohíta chachampi, 30 Maharái+ sat netofatita chachampi, Baaná sat netofatita chachan Héled+ yoqapampi, 31 benjaminitanakan+ oraqepankkäna uka Guibeá markankir Ribái sat chachan Itái yoqapampi, Benaya sat piratonita chachampi, 32 Gaas+ sat jawiranak toqenkir Hurái chachampi, Abiel sat arbatita chachampi, 33 Azmávet sat baharumita chachampi, Eliahbá sat saalbonita chachampi, 34 Hasem sat guizonita chachan yoqanakapampi, Sagué sat hararita chachan Jonatán yoqapampi, 35 Sacar sat hararita chachan Ahiam yoqapampi, Ur chachan Elifal sat yoqapampi, 36 Héfer sat mekeratita chachampi, Ahíya sat pelonita chachampi, 37 Hezró sat carmelita chachampi, Ezbái chachan Naarái sat yoqapampi, 38 Natán chachan Joel jilapampi, Hagrí chachan Mibhar sat yoqapampi, 39 Zélec sat ammonita chachampi, Naharái sat berotita chachampi, jupajj Zeruyá warmin Joab sat yoqapan armadurap apirïnwa. 40 Irá sat itrita chachampi, Gareb sat itrita chachampi, 41 Urías+ sat hitita chachampi, Ahlái chachan Zabad sat yoqapampi, 42 Sizá sat rubenita chachan Adiná sat yoqapampi, jupajj rubenitanakan mä pʼeqtʼiripänwa, jupamp chikasti 30 chachanakaw utjäna. 43 Maacá chachan Hanán sat yoqapampi, Josafat sat mitnita chachampi, 44 Uzía sat asteratita chachampi, Hotam sat aroerita chachan Sama, Jeiel sat yoqanakapampi, 45 Simrí chachan Jediael yoqapampi, Johá sat tizita jilapampi, 46 Eliel sat mahavita chachampi, Elnaam chachan Jeribái, Josavías sat yoqanakapampi, Itmá sat moabita chachampi, 47 Eliel, Obed chachanakampi, Jaasiel sat mezobaíta chachampi.

12 Kunapachatï Davidajj Quis chachan Saúl+ sat yoqap kawsajj escapaskäna ukhajja, aka chachanakaw Ziclag+ markarojj Davidan ukar jutapjjäna. Jupanakasti Davidar nuwasiñan yanaptʼapkäna uka guerran nuwasir chʼamani chachanak taypinkapjjarakïnwa.+ 2 Jupanakajj flechtʼañ arconakamp armantatäpjjänwa, chʼeqa amparampi kupi amparampiw qalanak+ jaqtʼapjjerïna,+ arcompis flechanak flechtʼapjjerïna. Jupanakajj Benjamín+ tribunkirïpjjänwa, Saúl chachan jilanakapäpjjarakïnwa.* 3 Ahiézer chachaw jupanakar pʼeqtʼäna, ukjjarusti Joás chachaw pʼeqtʼarakïna. Jupanak paninejj Semaá sat guibeatita+ chachan yoqanakapäpjjänwa. Azmávet+ chachan Jeziel ukhamarak Pélet sat yoqanakapampi, Beracá chachampi, Jehú sat anatotita chachampi, 4 Ismayá sat gabaonita+ chachampi, jupajj 30 pʼeqtʼirinak taypin guerran nuwasir mä chʼamani chachänwa,+ 30 pʼeqtʼiri chachanakaruw pʼeqtʼarakïna; Jeremías, Jahaziel, Johanán sat chachanakampi, Jozabad sat guederatita chachampi, 5 Eluzái, Jerimot, Bealías, Semarías sat chachanakampi, Sefatías sat harifita chachampi, 6 Elcaná, Isías, Azarel, Joézer, Jasobeam sat coreíta+ chachanakampi; 7 Joelá chachampi Zebadías chachampi, jupanakajj Guedor lugarankir Jeroham chachan yoqanakapänwa.

8 Gaditanakat yaqhepanakajja, wasarankir imantasiñ cheqanwa David toqet saytʼasipjjäna.+ Jupanakajj guerran nuwasir chʼamani chachanakäpjjänwa, guerran nuwasiñatak yatichat soldadonakäpjjänwa, jachʼa escudompi lanzampi nuwasiñatakis wakichtʼatäpjjänwa. Jupanakan ajanunakapajj leonanakan ajanunakapar uñtasitänwa, qollunakan tʼijnaqeri gacela animalanakar uñtasitaw ratuk tʼijupjjerïna. 9 Ézer chachaw pʼeqtʼäna, payïrejj Abdías chachänwa, kimsïrejj Eliab chachänwa, 10 pusïrejj Mismaná chachänwa, phesqërejj Jeremías chachänwa, 11 sojjtïrejj Atái chachänwa, paqallqörejj Eliel chachänwa, 12 kimsaqallqörejj Johanán chachänwa, llätunkïrejj Elzabad chachänwa, 13 tunkïrejj Jeremías chachänwa, tunka mayanïristi Macbanái chachänwa. 14 Jupanakaw gaditanakat+ ejército pʼeqtʼirïpjjäna. Jukʼa chʼamanejj 100 soldadonakamp sasïnwa, jila chʼamanisti 1.000 soldadonakamp sasirakïnwa.+ 15 Kunapachatï Jordán jawirajj wali phoqa jilaras mantaskäna uka nayrïri phajjsinjja, uka chachanakaw Jordán jawira paskatapjjäna, taqe khitinakatï pampa oraqen jakapkäna ukanakarojj inti jalsu ukhamarak inti jalanta toqenakaruw escapayapjjäna.

16 Benjamín tribunkiri Judá tribunkiri yaqhep chachanakasti, imantasiskäna uka cheqaruw Davidan ukar jutapjjäna.+ 17 Ukhamasti Davidajj jupanak nayraqatar mistunisajj akham sänwa: “Jumanakatejj sumankañataki nayar yanaptʼir jutapjjstajja, amigöñäniwa. Ukampis jumanakatejj nayan jan kuna jan wal lurkipans enemigonakajar katuyañatak jutapjjstajja, nayra awkinakasan Diosapay uk uñjasin juzgpan”+ sasa. 18 Ukatsti Diosan espiritupajj Amasái+ sat 30 chachanakar pʼeqtʼiri chachjjaruw jutäna, jupasti akham sarakïnwa:

“David, nanakajj jumankapjjtwa, Jesé chachan yoqapa, jumampïpjjaraktwa.+

Ukatwa Davidajj jupanakar katoqäna, tropanak pʼeqtʼapjjañapatakiw uttʼayarakïna.

19 Kunapachatï Davidajj filisteonakamp chik Saúl contra nuwasir saräna ukhajja, Manasés tribunkiri yaqhep chachanakajj David toqetwa saytʼasipjjäna. Ukampis Davidajj janiw filisteonakar+ yanaptʼkänti, kuna laykutejj filisteonakan apnaqerinakapajj aruskipasaw jupar khitanukjjapjjäna, akham sasa: “Jupajj Saúl reyip toqet saytʼasjjani, jiwasanakajj jiwañaruw purtʼasiraksna”+ sasa. 20 Kunapachatï Davidajj Ziclag+ markar saräna ukhajja, Manasés tribunkir chachanakat akanakaw jupa toqet saytʼasipjjäna: Adná, Jozabad, Jediael, Miguel, Jozabad, Elihú, Ziletái. Jupanakajj Manasés tribunkirinakat 1.000 chachanakaruw pʼeqtʼapjjäna.+ 21 Taqe jupanakajj wali chʼamani, jan ajjsartʼiri ukhamarak ejército pʼeqtʼiri chachanakäpjjänwa,+ ukatwa Davidarojj saqueyjir tropanak contra saytʼañatak yanaptʼapjjäna. 22 Urut urutjamaw jaqenakajj Davidar+ yanaptʼañatak jupan ukar jutasipkakïna, wali jachʼa ejercitöjjarakïnwa, Diosan ejercitopar uñtata.+

23 Guerran nuwasiñatak armantat chachanakajj akhanïpjjänwa. Jupanakaw Hebrón+ markan Davidan ukar jutapjjäna, ukhamat Saúl lanti jupar reyit uttʼayañataki, kunjamtï Jehová Diosajj siskän ukarjama.+ 24 Judá tribunkapki uka jachʼa escudompi lanzampi apirinakajj 6.800 chachanakäpjjänwa, guerran nuwasiñatak armantatäpjjarakïnwa. 25 Simeonitanakatsti, chʼamani jan ajjsartʼiri chachanakajj 7.100 ukhanïpjjänwa.

26 Levitanakatsti 4.600 ukhanïpjjänwa. 27 Jehoiadá+ chachajj Aarón+ chachan yoqanakapan pʼeqtʼiripänwa, jupamp chikajj 3.700 ukhanïpjjänwa. 28 Sadoc+ chachajj wali chʼamani waynänwa, jan ajjsartʼiri ukhamarakïnwa, nayra awkinakapan familia pʼeqtʼirinakapat 22 chachanakaw jupamp chikajj jutapjjarakïna.

29 Benjamín tribunkirïpki Saúl+ chachan jilanakapäpkaraki* ukanakatsti, 3.000 ukhanïpjjänwa. Ukapachkamasti jupanakat jilapartejj janiw Saúl reyitsa ni familiapatsa jitheqtapkänti. 30 Efraimitanakatsti 20.800 chʼamani chachanakänwa, familianakapat jan ajjsartʼiri, wali uñtʼata chachanakäpjjänwa.

31 Manasesan chikat tribupatsti, Davidan ukar jutasin jupar reyit uttʼayañatakejj 18.000 ukhaniw ajllitäpjjäna. 32 Isacar tributsti 200 pʼeqtʼiri chachanakaw utjäna, jupanakajj kuna tiemponkapjjänsa uk sum amuyapjjäna, kunsa Israel markajj lurañapäna uks yatipjjarakïnwa. Jupanakajj taqe jilanakaparuw* uñjapjjarakïna. 33 Zabulón tributsti 50.000 chachanakaw utjäna. Jupanakajj ejerciton serviñatakejj listokïpjjänwa, guerrar sarañatak armanakampi armantatäpjjarakïnwa, taqenirakiw Davidarojj taqe chuyma apoyapjjäna.* 34 Neftalí tributsti 1.000 pʼeqtʼirinakaw utjäna, jupanakamp chikasti jachʼa escudoni lanzani 37.000 chachanakaw utjarakïna. 35 Danitanakatsti guerran nuwasiñatakejj 28.600 wakichtʼat chachanakaw utjäna. 36 Aser tributsti 40.000 chachanakaw utjäna, jupanakajj ejerciton serviñatakisa guerran nuwasiñatakis listokïpjjarakïnwa.

37 Jordán jawira khurkatankiri+ Rubén tributsa, Gad tributsa, Manasesan chikat tribupatsa, 120.000 soldadonakaw utjäna, jupanakajj guerran nuwasiñatak kunayman armanakamp armantatäpjjänwa. 38 Taqe jupanakajj guerran nuwasir chachanakäpjjänwa, guerran nuwasiñatakiw formtʼasipjjarakïna. Jupanakajj taqe chuymaw Hebrón markar jutapjjäna, ukhamat Davidarojj Israel markpachan reyit uttʼayañataki, taqe Israel markpachaw Davidar reyit uttʼayañatak mayachtʼatäpjjäna.*+ 39 Jupanakajj Davidamp chikaw kimsa urunak ukankapjjäna, kunanaktï jilanakapajj wakichapkäna ukanakwa manqʼapjjäna, umapjjarakïna. 40 Ukhamarus jupanak jakʼan jakirinakasa, Isacar, Zabulón, Neftalí sat tribunakatpachaw jutapjjäna. Jupanakajj asnonakata, camellonakata, mulanakata ukhamarak vacanakatwa manqʼañanak apanipjjäna: jakʼu, wañsut higosanakamp lurat tʼantʼanaka, uvas pasasanaka, vino, aceite. Ukhamarus vacanaksa ovejanaksa waljpun apanipjjäna, Israel markan wali kusisiñ utjatap layku.

13 Ukatjja Davidajj 100 chachanakaru ukhamarak 1.000 chachanakar pʼeqtʼapkäna uka jilïrinakampiw aruskipäna, mayni pʼeqtʼirinakampis aruskiparakïnwa.+ 2 Ukatsti Davidajj taqpach Israel congregacionarojj akham sänwa: “Jumanakatak walikïchi Jehová Diosatakis walikirakïchi ukhajja, taqpach Israel oraqen utjasipki uka jilanakasarusa, sacerdotenakarusa, pastonakani markanakapan jakasipki uka levitanakarus+ mä yatiyäwi apayañäni, ukhamat jupanakajj jutasin jiwasamp mayachasipjjañapataki. 3 Ukatjja Diosasan arcap+ wasitat apaniñäni” sasa. Saúl+ reyin urunakapan arca jan sum uñjapjjatapatwa jupajj ukham säna. 4 Markpachatakiw ukham lurañajj walikïnjja, ukatwa ukham lurañatakejj taqpach congregacionajj walikiw säna. 5 Ukhamatwa Davidajj Israel markpachar tantachtʼäna, Egipto markan jawirapat* Lebó-Hamat+ cheqakama,* ukhamat Quiryat-Jearim+ markat cheqpach Diosan arcap aptaniñataki.

6 Ukatjja Davidasa taqpach Israel markasa Baalá+ markaruw sarapjjäna, mä arunjja Judá tribunkiri Quiryat-Jearim markaruw sarapjjäna, ukhamat uka cheqat cheqpach Jehová Diosan arcap aptaniñataki, jupajj querubín+ angelanak patjjanwa* tronopan qontʼasi, ukanwa jupan sutipajj jachʼañchataraki. 7 Cheqpach Diosan arcap Abinadab chachan utapat aptaniñatakejj mä machaq carretaruw+ uchapjjäna, Uzá chachampi Ahió chachampiw uka machaq carreta apanipjjäna.+ 8 Davidampi taqe israelitanakampejj cheqpach Dios nayraqatanwa wali kusisit fiestachas jutapjjäna, cancionanakampi, arpanakampi, cuerdanakan yaqha instrumentonakampi, panderetanakampi,+ platillonakampi,+ trompetanakampi.+ 9 Kidón sat grano takiyañ cheqar puripjjäna ukhajja, toronakajj niyapuniw cheqpach Diosan arcap jaqoqtayapjjäna, ukatwa Uzá chachajj amparap loqatatasin katthapïna. 10 Uk luratapatsti Jehová Diosajj Uzá chachatak walpun colertʼasïna, ukatwa juparojj arca katthapiñatak amparap loqatatatap laykojj jiwayäna,+ jupasti Diosan nayraqatapanwa jiwäna.+ 11 Jehová Diosajj Uzá chachatak wal colertʼasitap laykuw Davidajj colerasirakïna, uka cheqasti jichhürkamajj Pérez-Uzá* satawa.

12 Ukatwa Davidajj uka urun cheqpach Diosat wal ajjsarayasïna, akham sarakïnwa: “¿Kunjamarak cheqpach Diosan arcap markajar apaniriststi?”+ sasa. 13 Davidajj janiw kawkjankkäntï jupajj uka Davidan Markapa sat markar arca apankänti, jan ukasti Obed-Edom sat guitita chachan utaparuw Davidajj apayäna. 14 Cheqpach Diosan arcapajj Obed-Edom sat guitita chachan utapankirinakamp chikäskänwa, kimsa phajjsiw jupan utapankäna. Jehová Diosasti Obed-Edom utapankirinakarusa taqe kunatï jupan utjkäna ukanakarus bendisiskakïnwa.+

14 Tiro markankir Hiram+ sat reyejj Davidan ukaruw chachanak khitäna, cedro maderanak apayäna, albañilanaksa,* carpinteronaksa khitarakïnwa, ukhamat Davidatak mä uta* lurañataki.+ 2 Davidasti Jehová Diosajj Israel markan jupar reyit sum uttʼayatap yatïnwa,+ kuna laykutejj Israel markap laykojj wali chʼamaniruw Davidan reinop* tukuyäna.+

3 Davidajj Jerusalén markan walja esposanakanëjjänwa.+ Davidan yoqanakapas phuchanakapas jukʼampëjjarakïnwa.+ 4 Jerusalén+ markan nasiri wawanakapan sutinakapajj akanakawa: Samúa, Sobab, Natán,+ Salomón,+ 5 Ibhar, Elisúa, Elpélet, 6 Noga, Néfeg, Jafía, 7 Elisamá, Beeliadá, Elifélet.

8 Kunapachatï filisteonakajj taqe Israel markan reyipat Davidar uttʼayapjjatap* yatipjjäna+ ukhajja, filisteonakajj taqeniw jupampi guerran nuwasiñatak makatapjjäna.+ Uk istʼasasti Davidajj jupanak contraw mistüna. 9 Ukatjja filisteonakajj Refaím+ sat vallen jakirinak contraw nuwasipjjäna. 10 Davidajj akham sasaw Diosar jisktʼasïna: “¿Filisteonak contrajj makatañajäspati? ¿Jupanakarojj amparajar katuyitätati?” sasa. Jehová Diosajj Davidar akham sarakïnwa: “Makataskakim, cheqpachansa nayaw jupanakarojj amparamar katuyäma”+ sasa. 11 Ukhamatwa Davidajj Baal-Perazim+ cheqar makatasajj filisteonakar atipjäna. Ukatsti Davidajj sänwa: “Cheqpach Diosaw enemigonakajar atipji, kunjamtï mä perqajj jalir umanakamp tukjatäki ukhamaw jupanakarojj amparajampi tukjaraki” sasa. Ukatwa jupajj uka lugararojj Baal-Perazim* suti uchäna. 12 Filisteonakasti uka cheqaruw diosanakap jaytanukupjjäna, ukatjja Davidajj siskäna ukarjamaw uka diosanakajj phichantatäjjäna.+

13 Qhepatjja filisteonakajj mayampiw mä akatjamat valler atacapjjäna.+ 14 Davidajj wasitat Diosar jisktʼasïna, ukampis cheqpach Diosajj juparojj akham sänwa: “Jumajj jan cheqak makatamti. Antisas jupanakan ukarojj qhepa toqet makatam, bacá* qoqanak* nayraqatan jupanak contra makatam.+ 15 Kunapachatï jumajj bacá* sat qoqanakan* puntanakapan jaqenakas marchapkaspa ukham istʼäta ukhajja, jupanak contra nuwasim, naya cheqpach Diosaw juman nayraqatam filisteonakan ejercitopar atipjañatak mistunëjja”+ sasa. 16 Davidasti kunjamtï cheqpach Diosajj siskäna ukarjamaw luräna,+ filisteonakan ejercitoparojj Gabaón markat Guézer markakamaw atipjäna.+ 17 Ukatjja Davidajj taqe markanakan wali uñtʼatäjjänwa, Davidar ajjsarapjjañapatakejj Jehová Diosaw taqe markanakjjar ajjsarañ uchäna.+

15 Davidasti jupatakejj Davidan Markapa sat markan utanak luraskakïnwa, ukatjja cheqpach Diosan arcapatakejj mä lugar wakichäna, mä carpsa saytʼayarakïnwa.+ 2 Ukapachaw Davidajj akham säna: “Janiw khitis cheqpach Diosan arcap apañapäkiti, jan ukasti levitanakakiw apañapa, Jehová Diosaw jupanakarojj Jehová Diosan arcap apañatakisa wiñayatak jupar servipjjañapatakis ajlli”+ sasa. 3 Ukatsti Davidajj Jerusalén markan taqe Israel markaruw tantachtʼäna, ukhamat kawkjantï mä lugar wakichkäna ukar Jehová Diosan arcap apkatañataki.+

4 Davidajj Aarón chachat jutirinakampiru+ levitanakampiruw+ tantachtʼäna: 5 cohatitanakatjja Uriel sat pʼeqtʼirimpiru jilanakapatsti 120 chachanakampiru; 6 meraritanakatsti Asaya+ sat pʼeqtʼirimpiru jilanakapatsti 220 chachanakampiru; 7 Guersom chachat jutirinakatsti Joel+ sat pʼeqtʼirimpiru jilanakapatsti 130 chachanakampiru; 8 Elizafán chachat jutirinakatsti+ Semaya sat pʼeqtʼirimpiru jilanakapatsti 200 chachanakampiru; 9 Hebrón chachat jutirinakatsti Eliel sat pʼeqtʼirimpiru jilanakapatsti 80 chachanakampiru; 10 Uziel chachat jutirinakatsti+ Aminadab sat pʼeqtʼirimpiru jilanakapatsti 112 chachanakampiru; 11 ukatsti Davidajj Sadoc+ sacerdotempiru, Abiatar+ sacerdotempiru ukhamarak Uriel, Asaya, Joel, Semaya, Eliel, Aminadab sat levitanakampiruw jawsayäna, 12 jupanakarojj akham sänwa: “Jumanakajj levitanakan nayra awkinakapan familianakap pʼeqtʼirinakäpjjtawa. Jumanakasa jilanakamasa qʼomachasipjjam, ukatsti kawkjarutï nayajj mä lugar wakicharapkta ukar Israelan Jehová Diosapan arcap apkatapjjam. 13 Jumanakajj janiw nayrïr kutin arca apapkayätati,+ ukatwa Jehová Diosajj jiwasatak colerasïna,+ janirakiw kunjamtï jupajj maykäna ukarjam lurkayätanti”+ sasa. 14 Ukatwa sacerdotenakasa levitanakas qʼomachasipjjäna, ukhamat Israelan Jehová Diosapan arcap apkatañataki.

15 Ukatsti kunjamtï Jehová Diosajj Moisés taypi siskänjja, ukarjamaw levitanakajj kallachinakapjjar arca apañ barranakampi+ cheqpach Diosan arcap apapjjäna. 16 Davidajj levitanakan pʼeqtʼirinakaparuw cantiri jilanakapar music tukañ instrumentonakamp wali kusisit cantapjjañapatak mayïna: cuerdan instrumentonakampi, arpanakampi,+ platillonakampi.+

17 Ukatwa levitanakajj tribupat Joel chachan Hemán+ sat yoqapampiru, Berekías chachan Asaf+ sat yoqapampir uttʼayapjjäna, merarita jilanakapatsti Cusayá chachan Etán+ sat yoqaparuraki. 18 Jupanakamp chikasti payïri gruponkir jilanakapaw ukankapjjarakïna:+ Zacarías, Ben, Jaaziel, Semiramot, Jehiel, Uní, Eliab, Benaya, Maaseya, Matitías, Elifelehu, Micneyá, ukhamarak porteröpkäna uka Obed-Edom chachampi Jeiel chachampi. 19 Hemán,+ Asaf,+ Etán sat cantirinakajj cobret lurat platillonakwa+ tukapjjañapäna; 20 Zacarías, Aziel, Semiramot, Jehiel, Uní, Eliab, Maaseya, Benaya sat chachanakajja, juchʼusat tukañataki*+ afinat cuerdanakan instrumentonak tukapjjäna. 21 Matitías,+ Elifelehu, Micneyá, Obed-Edom, Jeiel, Azazías sat chachanakajj thurut* tukañataki*+ afinat arpanak tukapjjäna, ukhamatwa music tukirinakar guiapjjäna. 22 Levitanakan Kenanías+ sat pʼeqtʼiripaw arca apañatak encargasïna, wali yatjjattʼat chachätap layku. 23 Berekías chachampi Elcaná chachampejj Diosan arcapan porteropat servipjjäna. 24 Sebanías, Josafat, Netanel, Amasái, Zacarías, Benaya, Eliezer sat sacerdotenakajja, cheqpach Diosan arcap nayraqatanwa trompetanak wali jachʼat tukapjjäna.+ Obed-Edom chachampi Jehías chachampejj Diosan arcapan porteropat servipjjarakïna.

25 Ukatjja Davidasa, Israelan ancianonakapasa, 1.000 chachanakar pʼeqtʼirinakasa, wali kusisitaw Obed-Edom+ chachan utapat Jehová Diosan pactor mantat arcap aptir sarapjjäna.+ 26 Kunapachatï cheqpach Diosajj Jehová Diosan pactor mantat arcap apiri levitanakar yanaptʼäna ukhajja, jupanakajj paqallqo torillompi paqallqo orqo ovejanakampi sacrificiot loqtapjjäna.+ 27 Davidajj suma telat lurat jan manganakani isimp isthapitänwa, arca apiri levitanakasa, cantirinakasa, Kenanías chachas ukham isthapitäpjjarakïnwa, Kenanías chachajj arca apapkäna uka cantirinakar pʼeqtʼirïnwa. Davidajj linot lurat mä efod* isimpi uchatarakïnwa.+ 28 Taqe israelitanakaw Jehová Diosan pactor mantat arcap wali jachʼat arnaqasisa wali kusisit apkatapjjäna,+ pututs wal suynayapjjäna, trompetanakampi,+ platillonakampi. Cuerdanakan instrumentonaksa arpanaksa wali jachʼatwa tukapjjarakïna.+

29 Ukampis kunapachatï Jehová Diosan pactor mantat arcap Davidan Markapa+ sat markar puriyapjjäna ukhajja, Saúl chachan Mical+ phuchapajj ventanat uñtanïna, David reyirusti altor thoqtas thoqtas fiestachaskir uñjäna, ukatwa Mical warmejj chuymapan Davidar jiskʼachañ qalltäna.+

16 Ukhamaw jupanakajj Davidan wakichat carpar cheqpach Diosan arcap apanipjjäna, lugaraparuw uchapjjarakïna.+ Ukatjja jupanakajj cheqpach Diosaruw nakhantayat ofrendanakampi sumankañ sacrificionakampi loqtapjjäna.+ 2 Kunapachatï Davidajj nakhantayat ofrendanakampi+ sumankañ sacrificionakamp+ loqtañ tukuyäna ukhajja, Jehová Diosan sutipjjaruw markar bendisïna. 3 Ukatsti taqe israelitanakaruw sapa chacharu sapa warmiru, mä rosca tʼantʼampi, palmeran achupat lurat mä tʼantʼampi, uvas pasasanakampi* churäna. 4 Ukatjja mä qhawqha levitanakaruw kawkjankkäntï Jehová Diosan arcapajj+ ukan servipjjañapatak uttʼayäna, ukhamat Israelan Jehová Diosapar jachʼañchañataki,* yuspärañataki ukhamarak alabañataki. 5 Asaf+ chachaw cantir gruporojj pʼeqtʼäna, Zacarías chachajj juparuw yanaparakïna. Jeiel, Semiramot, Jehiel, Matitías, Eliab, Benaya, Obed-Edom, Jeiel+ sat chachanakasti, cuerdan instrumentonakampi arpanakampi tukapjjäna;+ Asaf chachajj platillonak tukarakïna,+ 6 Benaya sacerdotempi Jahaziel sacerdotempejj cheqpach Diosan pactor mantat arcap nayraqatanwa trompetanak tukapjjäna.

7 Uka urunwa Davidajj nayrïr kutin Jehová Diosar yuspärañatak mä canción apsüna, ukatjja Asaf+ chachampiru jilanakapampiruw uka canción cantayäna, akham sasa:

10 Santo sutipat jachʼañchasipjjam.+

Jehová Diosar thaqerinakan chuymanakapajj kusispan.+

14 Jupajj jiwasan Jehová Diosasawa.+

Jupaw oraqpachar juzgui.+

23 ¡Oraqpachankirinaka, Jehová Diosar cantapjjam!

¡Salvasiñapat sapüru yatiyapjjam!+

25 Kuna laykutejj Jehová Diosajj jachʼa Diosawa, jupakiw jachʼañchäwi katoqañatakejj derechoni.

Jupakiw taqe yaqha diosanakat sipansa ajjsaratäñapa.+

Jehová Diosatakejj sagrado isinakamp isthapisisin altʼasipjjam.*+

30 ¡Jupa nayraqatanjja oraqpach khatatpan!

Oraqejj suma uttʼayatawa; janiw onjjtayatäkaspati.*+

Markpacharakiw “¡amén!”* sapjjäna, ukatjja Jehová Diosaruw jachʼañchapjjäna.

37 Ukatsti kawkjankkäntï Jehová Diosan pactor mantat arcapajja, ukan servipjjañapatakiw Davidajj Asaf+ chachampiru levita familianakapampir uttʼayäna, ukhamat kunanakatï sapüru lurasiñapäki+ ukanak luras arca+ nayraqatan servipjjañapataki. 38 Obed-Edom chachasa jilanakapas 68 ukhanïpjjänwa. Jupanakasa, Jedutún chachan Obed-Edom yoqapasa, Hosá chachas porteronakäpjjänwa. 39 Sadoc+ sacerdotempi mayni sacerdotenakampejj Jehová Diosan tabernaculop nayraqatankapjjänwa, Gabaón+ markan alto cheqankir sagrado lugarapana, 40 ukhamat nakhantayat ofrendanak loqtañatak altaranjja, alwasa jaypʼus nakhantayat ofrendanak Jehová Diosar loqtasipkakiñapataki. Ukhamatarak Jehová Diosajj Israelar churkäna uka Leyin taqe qellqatanakajj phoqasiñapataki.+ 41 Jehová Diosar yuspärañatak+ ajllitäpkäna uka Hemán chachasa, Jedutún+ chachasa, mayni ajllita chachanakas jupanakamp chikäpjjarakïnwa, “Diosan munasiñat jan jaytjasirïtapas wiñayatakiwa” sasaw cantapjjäna;+ 42 jupanak chikajj Hemán+ chachampi Jedutún chachampiw trompetanaka, platillonaka, cheqpach Diosar alabañatak* yaqha instrumentonak tukapjjäna; Jedutún+ chachan yoqanakapajj porteröpjjarakïnwa. 43 Ukatjja taqe jaqenakaw utanakapar sarjjapjjäna, Davidajj pachpa utapankirinakar bendisiriw sarjjarakïna.

17 Kunapachatï Davidajj pachpa utapan* jakjjäna ukhajja, akham sasaw jupajj Natán+ profetar säna: “Nayajj cedro maderat lurat+ utanwa akan jakaskta, ukampis Jehová Diosan pactor mantat arcapajj mä carpan uchatakiwa”+ sasa. 2 Ukham satasti Natán profetajj akham sasaw Davidar säna: “Kuntï chuymaman lurañ amtkta uk luraskakim, cheqpach Diosaw jumampïski” sasa.

3 Uka pachpa arumasti, Diosajj akham sasaw Natán profetar säna: 4 “David servirijan ukar saram, juparojj akham sañamawa: ‘Jehová Diosajj akham siwa: “Nayan jakañajatakejj janiw jumajj mä uta lurarapkitätati.+ 5 Kunürutï nayajj Israel markarojj apsunkta uka urut jichhürkamajj janiw kuna utansa jakkti, jan ukasti mä carpan jakayäta, mä lugarat yaqha lugararuw sararakiyäta.+ 6 Taqe israelitanakamp sarnaqkayäta taqe uka tiemponjja, Israel markankir juezanakat kawkïr juezas Israel markajar awatini uk nayaw amtayäta. ¿‘Khitis cedro maderat utaj lurarapitani’ sasin mä kutis jupanakar jisktʼayätti?” sasa’.

7 ”Jichhasti David servirijarojj akham sañamawa: ‘Ejercitonakan Jehová Diosapajj akham siwa: “Israel markajar pʼeqtʼañamatakejj nayaw pastoni oraqenakat apsunsma, ukanwa jumajj ovejanak uñjaskayätajja.+ 8 Kawkirutï sarkäta ukanjja nayaw jumampïskäjja,+ juman nayraqatamat taqe enemigonakam chhaqtayarakëjja.+ Nayarakiw juman sutim jachʼar tukuyäjja, kunjamtï oraqpachan importante jaqenakan sutipajj jachʼäki ukhama.+ 9 Israel markajatakejj mä lugar ajllirapëjja, ukjaruw jupanakar uttʼayäjja, ukanwa jakapjjarakini, janirakiw khitis jan waltʼayjjaniti. Jan wali jaqenakas janiw nayra tiemponjam jupanakar tʼaqesiyjjaniti,+ 10 kunjamtï Israel markajatak juezanak uttʼaykayäta+ uka tiempon tʼaqesiyapkän ukhama. Nayaw taqe enemigonakamarus apnaqäjja.+ Ukhamarus nayajj sissmawa: ‘Jehová Diosaw jumatak mä uta lurarapïtam’* sasa.

11 ”’”Kunapachatï jumajj jiwjjäta, nayra awkinakamamp chik imtʼjjapjjarakïtam ukhajja, juma lantejj wawamaruw saytʼayäjja, pachpa yoqamaruw+ saytʼayäjja, jupan reinop* sum uttʼayarakëjja.+ 12 Jupaw nayan sutij jachʼañchañatakejj mä uta lurarapitani,+ nayasti reinopankir* tronop wiñayatakiw sum uttʼayäjja.+ 13 Nayaw jupan awkipäyäjja, jupajj nayan wawajarakïniwa.+ Janiw nayajj munasiñat jan jaytjasirïtaj jupat apaqkäti,+ kunjamtï jumat nayrajj apnaqkäna uka reyit apaqkayäta ukhama.+ 14 Nayaw juparojj utajansa reinojansa* wiñayatak uttʼayäjja,+ tronopajj wiñayatakïniwa”+ sasa’”.

15 Natán profetajj taqe uka arunaksa uka visión uñjatsa ukhampachwa Davidar yatiyäna.

16 Ukatsti David reyejj Jehová Dios nayraqatan qontʼasisaw akham säna: “Jehová Dios Tata, ¿kunarakït nayasti? ¿Kunarak familiajajj* nayar akakam apaniñamatakisti?+ 17 Dios Tata, janiw ukakïkiti, familiamajj wiñayatakïniwa+ sasaw naya servirimar sarakistajja. Jehová Dios Tata, nayarojj jukʼamp jachʼañchañas wakiskaspa* ukhamwa uñjistajja. 18 Naya David servirimar jachʼañchatamat ¿kamsarakirismasti? Jumajj sum nayar uñtʼistajja.+ 19 Jehová Dios Tata, naya servirim laykusa chuymamarjamasa* walja sumanak lurtajja, taqe ukanaksa yatiyaraktawa.+ 20 Jehová Dios Tata, nanakajj walja yaqha diosanakatsa parlir istʼapkstjja, janiw jumjamajj khitis utjkiti.+ Juma sapakiw cheqpach Diosätajja.+ 21 ¿Israel markamjamajj aka oraqen yaqha markajj utjarakiti?+ Juma cheqpach Diosaw sarasin markamäñapatak jupanakar salvtajja.+ Jupanak layku sumanaka musparkañanaka lurasajja, jumatakiw mä jachʼa suti lurastajja.+ Egipto markat salvankta uka markaman uñjkataw yaqha markanakarojj alisnuktajja.+ 22 Israel markamarojj wiñayatak markamäñapatakiw uttʼaytajja.+ Jehová Dios Tata, jumaw jupanakan Diosapäjjtajja.+ 23 Jichhasti Jehová Dios Tata, kuntï naya servirimatakisa familiajatakis mä promesa lurasin arskta uk wiñayatak phoqakimaya, kuntï arskta ukarjamay lurarakim.+ 24 Sutimajj wiñayatakïpan, wiñayatak jachʼañchatarakïpan,+ ukhamat jaqenakajj akham sapjjañapataki: ‘Ejercitonakan Jehová Diosapajj Israelan Diosapawa, jupaw Israelatakejj Diosaraki’ sasa. David serviriman familiapas wiñayatak juma nayraqatan suma uttʼayatäpan.+ 25 Diosajay, jumaw nayatak mä uta* lurañ munatam qhanañchistajja. Ukatwa naya servirimajj jan ajjsaras aka oración lurarakta. 26 Jichhajj Jehová Dios Tata, jumaw cheqpach Diosätajja, jumarakiw taqe uka sumanak mä promesa lurasin naya servirimatak arstajja. 27 Ukhamasti naya serviriman familiaparojj bendisikimaya, wiñayatak juma nayraqatan saytʼatäpan. Jehová Dios Tata, jumaw familiajar bendistajja, uka bendicionamajj wiñayatakïniwa” sasa.

18 Mä qhawqha tiempotjja, Davidajj filisteonakar+ atipjasajj jupanakaruw apnaqjjäna, filisteonakarojj Gat+ markampi uka jakʼankir markanakampwa aparäna. 2 Ukatsti Davidajj moabitanakaruw+ atipjarakïna, ukhamatwa moabitanakajj Davidar servipjjäna, juparuw impuesto pagapjjarakïna.+

3 Zobá+ markan Hadadézer+ sat reyipajj Éufrates+ jawirkam apnaqañatakiw saraskäna, ukhaw Davidajj Hamat+ marka jakʼan jupar atipjäna. 4 Davidajj Hadadézer reyin 1.000 carronakapampiru, caballot sariri 7.000 chachanakapampiru ukhamarak kayuk* sariri 20.000 soldadonakapampiruw katuntäna.+ Ukatsti Davidajj carronak qatatir caballonakan kayunakap usuchjäna, 100 caballonakarukiw jan usuchjkänti.+ 5 Kunapachatï Damasco markankiri sirionakajj Zobá markan Hadadézer reyipar yanaptʼañatak jutapjjäna ukhajja, Davidajj 22.000 sirionakaruw jiwarayäna.+ 6 Ukatjja Davidajj Siria markankir Damasco markanwa tropanak uchäna, sirionakajj Davidan serviripäjjapjjänwa, juparuw impuesto pagapjjarakïna. Kawkirutï Davidajj sarkäna ukanjja, Jehová Diosajj jupar atipjayapunïnwa.*+ 7 Davidajj Hadadézer reyin servirinakapan qorit lurat escudonakap apararakïnwa, ukatsti Jerusalén markaruw ukanak apäna. 8 Hadadézer reyin Tibhat ukhamarak Cun sat markanakapatjja, Davidajj walja cobre apasirakïna. Uka cobretwa Salomonajj cobret lurat Lamar Qota+ sat uma estanquempi, columnanakampi, cobret lurat yaqha ukhamanakamp luräna.+

9 Hamat markan Tou sat reyipasti, Davidajj Zobá+ markan Hadadézer+ reyipan taqpach ejercitopar tukjatapwa istʼäna. 10 Ukatwa Tou sat reyejj Davidan ukar Hadoram* sat yoqapar jankʼak khitäna, ukhamat Davidar aruntañapataki ukhamarak Hadadézer reyimp nuwasitamas atipjatamas walikipuniwa sañapataki (Hadadézer reyejj sapa kutiw Tou sat reyi contrajj nuwasirïna). Hadoram chachajj qollqeta, qorita, cobreta kunayman luratanakwa Davidatak aparapïna. 11 David reyejj taqe ukanak Jehová Diosatakiw sagrador tukuyäna.+ Kunjamtï taqe markanakat aparankäna uka qollqempi qorimpi sagrador tukuykäna ukhama. Jupajj Edom markata, Moab markata, ammonitanakata,+ filisteonakata+ ukhamarak amalequitanakatwa+ aparanïna.

12 Zeruyá+ warmin Abisái+ sat yoqapasti, Jayu+ sat vallen 18.000 edomitanakaruw jiwarayäna. 13 Abisái chachajj Edom markan tropanak uchäna. Cheqas taqe Edom markpachanwa jupajj tropanak uchäna, taqe edomitanakarakiw Davidan serviripäjjapjjäna.+ Kawkirutï Davidajj sarkäna ukanjja, Jehová Diosajj jupar atipjayapunïnwa.*+ 14 Davidajj taqe Israel markpachar apnaqaskakïnwa.+ Jupasti cheqaparuw taqpach markaparojj juzgarakïna.+ 15 Zeruyá warmin Joab yoqapaw David reyin ejercitop pʼeqtʼäna,+ Ahilud chachan Jehosafat+ yoqapajj reyin registriripänwa. 16 Ahitub chachan Sadoc yoqapampi Abiatar chachan Ahimélec yoqapampejj sacerdotëpjjänwa, Savsá chachasti secretariorakïnwa. 17 Jehoiadá chachan Benaya yoqapajj keretitanakampiru+ peletitanakampiruw*+ pʼeqtʼäna. Davidan yoqanakapasti reyi nayraqatan pʼeqtʼirinakat uñjatäpjjänwa.

19 Qhepatjja ammonitanakan Nahás sat reyipajj jiwjjänwa, ukatwa yoqapajj jupa lanti reyëjjäna.+ 2 Uk yatisasti David reyejj akham sänwa: “Kunjamtï Hanún sat reyin Nahás tatapajj nayar munasiñat jan jaytjasirïtap uñachtʼaykitänjja,+ ukhamarakiw nayajj Hanún reyir munasiñat jan jaytjasirïtaj uñachtʼayäjja” sasa. Ukatwa Davidajj tatapan jiwatapat Hanún reyir chuymachtʼapjjañapatak chachanak khitäna. Ukampis kunapachatï Davidan servirinakapajj Hanún reyir chuymachtʼañatak ammonitanakan+ oraqepar puripjjäna ukhajja, 3 ammonitanakan principenakapajj akham sasaw Hanún sat reyir sapjjäna: “Davidajj jumar chuymachtʼirinak khitanisajj ¿tatamarus jachʼañchkaspa ukhamti amuyta? ¿Janit Davidan servirinakapajj jumar atipjañataki, marka uñjañataki ukhamarak jiwasar uñaqañatak jutapkpacha?” sasa. 4 Ukatwa Hanún sat reyejj Davidan servirinakapar katusin sunkhanakap mururäna,+ isinakapjja cinturat aynacharuw qʼal khuchoqäna. Ukatsti jupanakar khitanukjjarakïnwa. 5 Davidar uka chachanakat yatiyapjjäna ukhajja, wali phenqʼachat uñjasipjjatap laykojj jankʼakiw uka chachanakamp jikisinipjjañapatak yaqha chachanak khitäna. Reyejj akham sasaw jupanakar säna: “Jericó markan quedasipjjam,+ sunkhanakamajj wasitat jilantañapkama, ukatsti kuttʼanjjapjjätawa” sasa.

6 Tiempompisti ammonitanakajj Davidamp uñisitäjjapjjatapwa amuyasipjjäna, ukatwa Hanún sat reyimpi ammonitanakampejj Mesopotamia,* Aram-Maacá ukhamarak Zobá+ sat toqenakarojj 1.000 talento* metal qollqenakampi chachanak khitapjjäna, ukhamat carronakampi caballot sarir chachanakamp contratanipjjañapataki. 7 Ukatwa jupanakajj 32.000 carronakampi, Maacá markan reyipampiru, markankirinakampir contratapjjäna. Ukatsti jupanakajj purinisaw Medebá+ marka nayräjjan campamentop saytʼayapjjäna. Ammonitanakajj markanakapat mistunisaw guerran nuwasiñatak tantachtʼasipjjäna.

8 Davidajj uk istʼäna ukhajja, Joab+ chachampiru taqpach ejercitompiruw khitäna, guerran nuwasir wali chʼamani chachanakamp kuna.+ 9 Ammonitanakajj markan punkupar mistusaw nuwasiñatak formtʼasipjjäna. Ukañkamasti jutapkäna uka reyinakajj marka jakʼankasipkänwa.

10 Joab chachajj nuwasiñatak formtʼatäpkäna ukanakaruw qhepäjj toqempit nayräjj toqempit jupa contra jutasipkatap uñjäna, ukatwa Israelan suma soldadonakap ajllisajj nuwasiñatak formtʼasiyäna, ukhamat sirionakamp nuwasiñataki.+ 11 Jupasti mayni soldadonakar pʼeqtʼañapatakejj Abisái+ jilaparuw jaytäna, juparakiw ammonitanakamp nuwasiñatakejj uka soldadonakar formtʼasiyañapäna. 12 Ukatsti Joab chachajj akham sänwa: “Sirionakatejj+ nayar atipjirjamäpjjani ukhajja, nayar yanaptʼiriw jutañama. Ammonitanakatejj jumar atipjirjamäpjjani ukhajja, nayaw jumar yanaptʼäma. 13 Markas laykusa Diosan markanakap laykusa chʼamani saytʼasiñasawa, janiw ajjsarayasiñasäkiti.+ Jehová Diosaw kunatï jupatak walïki uk luraskani” sasa.

14 Ukatjja Joab chachasa soldadonakapasa sirionakamp nuwasiñatakiw sarantapjjäna, ukampis sirionakajj jupa nayraqatat escapjjapjjänwa.+ 15 Ammonitanakajj sirionakan escapjjapjjatap yatipjjäna ukhajja, jupanakajj ukhamarakiw Abisái jilapat escapjjasajj markar mantjjapjjäna. Uka pasatatsti Joab chachajj Jerusalén markaruw kuttʼanjjäna.

16 Sirionakajj israelitanakamp atipjat uñjasisajja, Éufrates jawira toqenkir sirionakar tantachtʼañatakiw chachanak khitapjjäna,+ jupanakarojj Hadadézer reyin ejercitop pʼeqtʼiri Sofac* sat chachaw pʼeqtʼäna.+

17 Davidar uk yatiyapjjäna ukhajja, jankʼakiw jupajj Israelan taqpach ejercitop tantachtʼäna, Jordán jawir paskatasasti jupanakan ukaruw purïna, ukatsti nuwasiñatakiw formtʼasïna. Davidajj sirionak contra nuwasiñatakiw saräna, jupanakajj David contraw nuwasipjjarakïna.+ 18 Ukampis sirionakajj Israelat escapjjapjjänwa. Davidajj 7.000 carro apirinakaru, kayuk* sariri 40.000 sirio soldadonakaruw jiwarayäna, sirionakan ejercitop pʼeqtʼkäna uka Sofac chacharus jiwayarakïnwa. 19 Kunapachatï Hadadézer reyin servirinakapajj Israelamp atipjat uñjasipjjäna+ ukhajja, jankʼakiw Davidamp sumar mantapjjäna, juparuw katuyasjjapjjarakïna.+ Siria markajj janiw ammonitanakar jukʼamp yanapañ munjjänti.

20 Kunapachatï marajj qalltaskäna,* reyinakas guerran nuwasir mistupjjäna ukhajja, Joab+ chachajj guerran nuwasiñanwa pʼeqtʼäna, ammonitanakan oraqenakap tukjarakïna. Jupasti purisajj Rabá+ markaruw muyuntäna, ukañkamasti Davidajj Jerusalén+ markankaskänwa. Joab chachajj Rabá marka contra saytʼasajj tʼunjarakïnwa.+ 2 Davidajj Malcam sat idolon pʼeqepatwa coronap apaqäna. Ukatjja uka coronajj qorit luratätapa, 34 kilonak* pesonïtapa ukhamarak suma qalanakanïtapwa uñjäna. Ukatsti Davidan pʼeqeparuw uk uchapjjäna. Kunanakatï uka markan utjkäna ukanaksa Davidajj waljpun katuntarakïna.+ 3 Uka markankir jaqenakar apsunisajja, qalanak khuchjañanwa jupanakar trabajiyäna,+ hierro lurat puntani herramientanakampi, hachanakampiw trabajiyäna. Davidajj taqe ukanakwa ammonitanakan taqpach markanakapan luräna. Qhepatjja Davidasa taqe soldadonakas Jerusalén markaruw kuttʼjjapjjäna.

4 Uka qhepatjja israelitanakajj Guézer markanwa filisteonakamp guerran nuwasipjjäna. Ukapachaw Sibecái+ sat husatita chachajj refaím+ jaqenakat jutirïkäna uka Sipái* sat jaqer atipjasin jiwayäna, ukhamatwa filisteonakajj atipjat uñjasipjjäna.

5 Filisteonakampi israelitanakampejj mä kutimpiw guerran nuwasipjjäna. Ukatjja Jaír chachan Elhanán yoqapaw Goliat+ sat guitita chachan Lahmí sat jilapar jiwayäna, uka jaqen lanzapan lawapajj telaramp trabajirinakan lawapjam jachʼänwa.+

6 Ukatsti wasitatwa mä guerran nuwasiñajj utjäna. Gat+ markanwa nuwasipjjäna, ukanjja refaím jaqenakat jutiri+ mä jachʼa jaqew utjäna,+ sapa amparapanjja 6 lukʼananakaw utjäna, sapa kayupansti 6 lukʼananakaw utjarakïna, ukhamasti jupajj 24 lukʼananakanïnwa. 7 Uka jaqesti Israel marka contra saytʼasajj jiskʼachaskakïnwa.+ Ukatwa David reyin Simeá+ jilapan Jonatán yoqapajj uka jaqer jiwayäna.

8 Gat+ markansti uka jaqenakaw refaím+ jaqenakat jutirïpjjäna, jupanakajj Davidampi servirinakapampi jiwayataw uñjasipjjäna.

21 Ukatjja Supayaw* Israel contra saytʼasïna, Israelan mä censo lurañapatakiw Davidar amtayäna.+ 2 Ukatwa Davidajj Joab+ chacharusa marka pʼeqtʼirinakarus akham säna: “Sarapjjam, Beer-Seba cheqat qalltasin Dan+ oraqkam israelitanakar jakthapinipjjam, ukatjja nayan yatiñajatakejj qhawqhanïpjjes uk awisapjjeta” sasa. 3 Ukampis Joab chachajj akham sasaw Davidar säna: “¡Jehová Diosajj 100 ukhampi markapar mirtaypan! Jachʼa rey, ¿janit taqe jupanakajj juman servirinakamäpki? ¿Kunatsa juma jachʼa reyejj uk lurañ munta? ¿Kunatarak Israelarojj juchar purtʼasiyasmasti?” sasa.

4 Ukampirus reyejj janiw Joab chachar istʼañ munkänti, ukatwa Joab chachajj mistusin Israel markpachar viajïna, qhepatjja Jerusalén+ markaruw kuttʼanjjarakïna. 5 Ukatjja Joab chachajj qhawqha jaqenakatï censon aptatäkäna ukwa reyir yatiyäna. Israelansti espadanakampi armantat 1.100.000 chachanakaw utjäna. Judá tribunjja espadamp armantat 470.000 chachanakaw+ utjarakïna. 6 Ukampis kuntï reyejj siskäna ukajj Joab chachar wal colerayäna,+ ukatwa jupajj Leví triburusa Benjamín triburus jan jakthapkänti.+

7 Cheqpach Diosatakejj janipuniw ukajj walïkänti, ukatwa jupajj Israelar castigañ amtäna. 8 Ukatjja Davidajj akham sasaw cheqpach Diosar säna: “Uk lurasajj wali jachʼa juch lurtjja.+ Mirä amp suma, jichhajj serviriman juchap perdontʼakimaya,+ nayajj jan amuytʼasisapuniw uk lurtjja”+ sasa. 9 Ukatwa Jehová Diosajj Davidatak visionanak uñjiri Gad+ profetarojj akham säna: 10 “Davidan ukar sarasajj akham sañamawa: ‘Jehová Diosajj akham siwa: “Aka kimsa castigonakat kawkïris jumatak walïspa uk ajllisim” sasa’”. 11 Ukatwa Gad profetajj Davidan ukar sarasajj akham säna: “Jehová Diosajj akham siwa: ‘Kawkïris jumatak walïspa uk ajllisim: 12 ¿kimsa mara manqʼat pistʼaña?+ ¿Kimsa phajjsinak enemigonakaman espadanakapamp atipjatäña?+ Jan ukajj ¿Jehová Diosan espadapampi kimsa uru castigatäñacha? Uka kimsa urunakanjja, mä jan wali usuw* markan utjani,+ Jehová Diosan mä angelaparakiw Israel oraqpachar tukjañ apanini’.+ Jichhasti nayar khitankitu ukarojj kunsa yatiyäjja uk sum amuytʼasim” sasa. 13 Uk satasti Davidajj akham sasaw Gad profetar säna: “Nayajj wali llaktʼatapunïtwa. Mirä amp suma, Jehová Diosan amparaparuw katuyasëjja, jupajj wali khuyaptʼayasiriwa.+ Janikiy jaqen amparapar katuyat uñjasïti”+ sasa.

14 Ukatjja Jehová Diosajj mä jan wali usu* Israel markjjar apayanïna,+ ukhamatwa Israelankir 70.000 jaqenakajj jiwarapjjäna.+ 15 Ukatsti cheqpach Diosajj Jerusalén marka tukjañatakejj mä angelaruw khitanïna, ukampis uka angelajj niya tukjañampïskäna ukhaw Jehová Diosajj uñtanisin kuna jan waltï apaykäna ukat wal amtasïna,*+ ukatwa tukjañ apanir angelarojj akham säna: “¡Ukhakamaki!+ Jupanakarojj jan jiwarayjjamti” sasa. Jehová Diosan angelapajj Ornán*+ sat jebuseo+ chachan grano takiyañap cheqankaskänwa.

16 Kunapachatï Davidajj uñtäna ukhajja, Jehová Diosan angelaparuw alajjpachampit oraqempit taypin saytʼat uñjäna, uka angelajj Jerusalén toqeruw mä espada aytaskäna.+ Ukspachaw Davidampi ancianonakampejj llakisiñ isimpi* isthapitajj+ ajanunakap oraqer puriyañkam altʼasipjjäna.+ 17 Davidasti cheqpach Diosarojj akham sänwa: “Nayaw markar jakthapisiñapatakejj arsta. Ukhamajj nayaw juchanïtjja, nayarakiw uka jan wal lurtjja,+ ukampis uka jaqenakajj* ¿kunrak lurapjjesti? Jehová Dios Tata, nayan Diosaja, mirä amp suma, juman amparamajj naya contra ukhamarak tatajan utap contray jutpan, ukampis janikiy markamarojj aka jan walimpi castigamti”+ sasa.

18 Ukatjja Jehová Diosan angelapajj Gad+ profetaruw khitäna, jupasti Davidaruw yatiyañaparakïna, ukhamat Davidajj makatasin Ornán sat jebuseo+ chachan grano takiyañap cheqan Jehová Diosatak mä altar saytʼayañapataki. 19 Ukatwa Davidajj Gad profetan arunakapar istʼasajj makatäna, Gad profetasti Jehová Diosan sutipjjaruw uk arsüna. 20 Ukañkamasti Ornán chachajj trigo takiyaskäna, uka horasaw jupajj kutikipstasin angelar uñjäna. Jupampi chikäpkäna uka pusi yoqanakapajj imantasipjjänwa. 21 Kunapachatï Davidajj jupan ukar makatäna ukhajja, Ornán chachajj uñtasaw Davidar uñjäna, ukatwa jupajj grano takiyañ lugarat ratuk jutasajj Davidan nayraqatapan oraqer puriñkam altʼasïna. 22 Davidajj akham sasaw Ornán chachar säna: “Grano takiyañ cheqay aljita,* ukaruw Jehová Diosatak mä altar saytʼayäjja. Qhawqhas preciopajj ukharupun aljita, ukhamatwa marka contra utjki uka jan walejj chhaqtjjani”+ sasa. 23 Ukampis Ornán chachajj akham sasaw Davidar säna: “Jumankkaspas ukham katusiskakim. Jachʼa rey, jumatakejj kunatï walïki ukarjam luraskakim. Nakhantayat ofrendanak loqtañamatakejj vacanak nayajj churäma, nina nakhayañatakisti grano takiñ tablanaks churämawa,+ grano ofrenda loqtañatakejj trigsa churarakïmawa. Nayajj taqpach churäma” sasa.

24 Ukampis David reyejj akham sasaw Ornán chachar säna: “Janiwa, nayajj qhawqhas uka oraqen preciopajj ukhpun pagäma, janiw kunatï jumankki uk katusajj Jehová Diosar churkäti, janirakiw nakhantayat sacrificionak jan pagasin loqtkäti”+ sasa. 25 Ukatwa Davidajj uka cheq alañatakejj 600 qori siclonak* Ornán chachar churäna. 26 Ukatsti Davidajj uka cheqaruw Jehová Diosatak mä altar saytʼayäna,+ uka cheqanwa nakhantayat sacrificionaksa sumankañ sacrificionaksa loqtarakïna. Jupajj Jehová Diosaruw artʼasirakïna, Diosasti alajjpachat nina apayanisaw juparojj jaysanïna,+ nakhantayat ofrenda loqtañ altar patjjaruw nina apayanïna. 27 Ukatjja Jehová Diosajj espadap imañapar imjjañapatakiw angelar ordenäna.+ 28 Ornán sat jebuseo chachan grano takiyañ cheqansti, Davidajj Jehová Diosan jupar jaysanitap amuyäna, ukatwa uka cheqan sacrificionak loqtaskakïna. 29 Ukampis Moisesajj Jehová Diosan tabernaculop wasaran lurkäna ukasa nakhantayat ofrenda loqtañ altarasa, uka tiempon Gabaón+ markan alto cheqankir sagrado lugarankaskänwa. 30 Ukampis Davidajj janiw altar nayraqatan Diosar jisktʼasir sarañ puedkänti, jupajj Jehová Diosan angelapan espadap kawsaw wal ajjsarayasïna.

22 Ukatjja Davidajj akham sänwa: “Cheqpach Jehová Diosan utapajj aka cheqankaniwa, Israel markan nakhantayat ofrendanak loqtañapatak altarajj aka cheqankarakiniwa”+ sasa.

2 Ukatsti khitinakatï Israel markan extranjeröpkäna+ uka jaqenakar tantachtʼapjjañapatakiw Davidajj mayïna. Jupanakarojj qala kʼutirit trabajipjjañapatakiw uttʼayäna, ukhamat jupanakajj cheqpach Diosan utap lurañatak qalanak kʼutapjjañapataki.+ 3 Davidajj walja hierro wakicharakïna, ukhamat ukampejj punkunakatak clavonaksa grampanaksa lurapjjañapataki. Jupajj jan pesañjam walja cobre wakicharakïna.+ 4 Ukatjja walja jan jaktʼkañ cedro maderanakwa+ wakichäna, sidonionakampi+ tirionakampiw+ uka cedro maderanak waljpun Davidatak apanipjjäna. 5 Davidasti akham sänwa: “Salomón yoqajajj wawäskiwa, janirakiw experiencianïkiti,*+ Jehová Diosatak luraskani uka utajj wali musparkañapunïniwa,+ ukhamat wali uñtʼatätapasa wali sumätapasa+ taqe markanakan yatipjjañapataki.+ Ukhamajj nayaw jupatak wakichañ qalltäjja” sasa. Ukatwa Davidajj janïr jiwkasajj materialanak waljpun wakichäna.

6 Ukatsti Salomón yoqaparuw jawsayäna, juparusti Israelan Jehová Diosapatak mä uta lurañapatakiw ewjjtʼarakïna. 7 Davidajj akham sasaw Salomón yoqapar säna: “Nayaw chuymajan Jehová Diosajan sutip jachʼañchir mä uta lurañ munayätjja.+ 8 Ukampis Jehová Diosajj akham sitänwa: ‘Juman wila wartatamajj waljapuniwa, walja guerranakanwa nuwasiraktajja. Ukhamasti naya nayraqatan oraqer walja wila wartatam laykojj janiw jumajj sutij jachʼañchañatakejj mä uta lurarapkitätati.+ 9 Jumajj sumankañan jakasir mä yoqall wawanïyätawa.+ Nayaw juparojj jakʼapankir taqe enemigonakapat samarañ churäjja,+ jupajj Salomón*+ sutinïtap layku, urunakapansti Israel markarojj sumankañampi tranquilo jakasiñampi churäjja.+ 10 Jupaw sutij jachʼañchañatakejj mä uta lurani.+ Jupajj nayan yoqajäniwa, nayasti jupan tataparakïyäwa.+ Nayaw jupan tronop sum uttʼayäjja, nayarakiw Israelatakejj jupan reinop* wiñayatak uttʼayäjja’+ sasa.

11 ”Salomón, nayan wawaja, Jehová Diosajj jumampïpan, ukhamat Jehová Diosaman utap lurañajj sumaru sarañapataki, kunjamtï jupajj jumat parlkäna ukhama.+ 12 Taqe kunat sipansa, kunapachatï Jehová Diosajj Israel markar apnaqañatak autoridad churkätam ukhajja, amuyasirïñampi amuytʼirïñampi jumar churpan,+ ukhamat Jehová Diosaman leyip phoqañamataki.+ 13 Jumatï Jehová Diosajj Israelar churañapatak Moisesar ordenkäna uka leyinakapsa+ kunanaktï Juezjamajj amtki ukanaksa phoqäta+ ukhajja, taqe kunas sumarupuniw sarani. Janipun ajjsaramti, chʼamani saytʼasim. Jan ajjsaramti ni sustjasimsa.+ 14 Nayajj wal chʼamachasisaw Jehová Diosan utapatakejj 100.000 qori talentonakampi,* 1.000.000 talento metal qollqenakampi, jan pesañjam walja cobrenakampi walja hierronakamp wakichta,+ maderanaksa qalanaksa wakicharaktwa,+ jumaw ukanakarojj yaptʼjjarakïta. 15 Walja trabajirinakaw jumamp chikäsipkaraki: qala kʼutirinaka, albañilanaka,+ carpinteronaka, wali yatjjattʼat kunayman trabajirinaka.+ 16 Qorisa, qollqesa, cobresa, hierrosa janiw pesañjamäkiti.+ Ukhamajj trabajiñ qalltam, Jehová Diosaw jumampïskani”+ sasa.

17 Ukatjja Davidajj Israelan taqpach principenakaparuw Salomón yoqapar yanaptʼapjjañapatak mayïna, akham sasa: 18 “¿Janit Jehová Diosamajj jumanakampïki? ¿Janit jupajj jumanak jakʼan jakir enemigonakamat samarañ churapktamjja? Jupaw nayarojj markan jakir jaqenakarojj amparajar katuyitu, markajj Jehová Dios nayraqatansa jupan markap nayraqatansa katuntataw uñjasiraki. 19 Jichhasti Jehová Diosamarojj taqe chuymampi taqe almampi* thaqañatak amtapjjam,+ cheqpach Jehová Diosan santuariop lurañsa qalltapjjarakim,+ ukhamat Jehová Diosan pactor mantat arcapsa kunanakatï cheqpach Diosar serviñatak wakiski ukanaksa,+ Jehová Diosan sutipatak luraskani uka utar apanjjañataki”+ sasa.

23 Kunapachatï Davidajj wali awkëjjäna, niya jiwañampëjjarakïna ukhajja, Salomón yoqaparuw Israel markan reyipat uttʼayjjäna.+ 2 Ukapachaw jupajj Israelan taqe principenakaparusa, sacerdotenakarusa,+ levitanakarus+ tantachtʼäna. 3 Taqe levitanakaruw 30 maranit alayar jakthapipjjäna.+ Taqpachanejj 38.000 ukhanïpjjänwa. 4 Uka levitanakatjja 24.000 ukhaniw Jehová Diosan utap lurasiñapatak uñjapjjäna, pʼeqtʼirinakampi juezanakampejj 6.000 ukhanïpjjänwa,+ 5 porteronakasti 4.000 ukhaniraki,+ Jehová Diosar instrumentonakamp alabirinakajj 4.000 ukhanïpjjänwa. Davidajj “Diosar alabañanatakiw ukanak lurta” sasaw säna.+

6 Ukatjja Davidajj Leví chachan yoqanakaparojj grup grupo servipjjañapatakiw organiztʼäna.*+ Leví chachan yoqanakapajj Guersón, Cohat, Merarí+ ukanakänwa. 7 Guersón chachan yoqanakapajj Ladán, Simeí ukanakänwa. 8 Ladán chachan kimsa yoqakanakapajj Jehiel, Zetam, Joel+ ukanakänwa. Jehiel chachajj familia pʼeqtʼirïnwa. 9 Simeí chachan kimsa yoqanakapajj Selomot, Haziel, Harán ukanakänwa. Jupanakaw Ladán chachan nayra awkinakapan familianakap pʼeqtʼirinakäpjjäna. 10 Simeí chachan yoqanakapajj Jáhat, Ziná,* Jeús, Berías ukanakänwa. Uka pusiniw Simeí chachan yoqanakapänjja. 11 Jáhat chachaw familia pʼeqtʼirïnjja, ukjjarusti Zizá chacharakïnwa. Ukampis Jeús chachampi Berías chachampejj janiw walja yoqall wawanakanïpkänti, ukatwa jupanakajj mä sapa lurañaniki ukhamarak mä sapa familiakïpkaspas ukham jakhutäpjjäna.

12 Cohat chachan pusi yoqanakapajj Amram, Izhar,+ Hebrón, Uziel+ ukanakänwa. 13 Amram chachan yoqanakapajj Aarón,+ Moisés+ ukanakänwa. Ukampis Aarón chachasa yoqanakapasa jaya tiempotak ajllitäpjjänwa,+ ukhamat Santísimo sat lugaran servipjjañapataki, Jehová Dios nayraqatan sacrificionak loqtapjjañapataki, jupar servipjjañapataki ukhamarak wiñayatak sutipjjar bendicionanak arsupjjañapataki.+ 14 Cheqpach Diosan Moisés serviripan yoqanakapajja, levitanakan tribup taypin jakhutäpjjarakïnwa. 15 Moisés chachan yoqanakapajj Guersom,+ Eliezer+ ukanakänwa. 16 Guersom chachan yoqanakapatjja Sebuel+ chachaw familia pʼeqtʼirïnjja. 17 Eliezer chachat jutirinakatjja,* Rehabías+ chachaw pʼeqtʼirïnjja. Eliezer chachajj janiw yaqha yoqall wawanakanïkänti, ukampis Rehabías chachan yoqall wawanakapajj waljanïnwa. 18 Izhar+ chachan yoqanakapatjja, Selomit+ chachaw familia pʼeqtʼirïnjja. 19 Hebrón chachan yoqanakapajj akanakänwa: Jerías, jupaw familia pʼeqtʼirïnjja; payïristi Amarías; kimsïristi Jahaziel; pusïristi Jecameam.+ 20 Uziel+ chachan yoqanakapajj akanakänwa: Miqueas, jupajj familia pʼeqtʼirïnwa; ukjjarusti Isías chacharakïnwa.

21 Merarí chachan yoqanakapajj Mahlí chachampi Musí+ chachampïnwa. Mahlí chachan yoqanakapajj Eleazar, Quis ukanakänwa. 22 Ukatjja Eleazar chachajj jiwjjänwa, jupajj janiw yoqanakanïkänti, phuchanakanikïnwa. Ukhamatwa uka phuchanakapajj Quis chachan yoqanakapampi casarasjjapjjäna, jupanakasti primonakapäpjjänwa.* 23 Musí chachan kimsa yoqanakapajj Mahlí, Éder, Jeremot ukanakänwa.

24 Leví chachan yoqanakapajj ukanakänwa, jupanakajj familianakaparjama, nayra awkinakapan familianakap pʼeqtʼirinakaparjam registratäpjjänwa. Levitanakajj 20 maranit alayaruw jakhutäpjjäna, sutinakapas listar uchatarakïnwa, ukhamat Jehová Diosan utapan serviñataki. 25 Davidan akham satap layku: “Israelan Jehová Diosapajj markaparuw samarañ churi,+ jupajj wiñayatakiw Jerusalén markan jakarakini.+ 26 Ukhamarus levitanakajj janiw tabernáculo apjjapjjaniti, ni kunanakatï ukan serviñatak apnaqaski ukanaks apjjapjjaniti”+ sasa. 27 Davidan qhepa ewjjanakaparjamajja, levitanakajj 20 maranit alayaruw jakthapitäpjjäna. 28 Levitanakajj Jehová Diosan utapan serviñanwa Aarón+ chachan yoqanakapar yanaptʼapjjäna, jupanakaw pationakansa,+ comedoranakansa, taqe kunatï sagradöki ukanak qʼomachañansa, kuna trabajotï cheqpach Diosan utapan serviñatakejj wakiskäna ukanakansa yanaptʼapjjarakïna. 29 Jupanakaw Diosar loqtat tʼantʼanak+ lurañansa, grano ofrenda loqtañatak suma jakʼu wakichañansa, jan levadurani sillpʼa tʼantʼanak+ lurañansa, latan qhatiyaski uka tʼantʼanak lurañansa, mezclat masanak+ wakichañansa yanaptʼapjjäna. Jupanakarakiw qhawqhasa qhawqchʼasa ukanak mediñan yanaptʼapjjäna. 30 Jupanakajj sapa alwaw+ Jehová Diosar jachʼañchañatakisa yuspärañatakis ukan saytʼatäpjjañapäna, jaypʼunakas ukhamaraki.+ 31 Jupanakasti sábado+ urun Jehová Diosar sapa kuti nakhantayat sacrificionak loqtapkäna ukhasa, machaq phajjsinakansa,*+ fiesta tiemponakansa+ yanaptʼapjjarakïnwa, ukanaksti sapa kutiw Jehová Dios nayraqatan leyin qellqatäkäna ukarjam lurapjjäna. 32 Jupanakajj kuna lurañanakatï Diosamp jikisiñ carpansa sagrado lugaransa utjkäna ukanak phoqasaw servipjjarakïna. Jehová Diosan utapanjja Aarón chachan yoqanakapäkäna uka jilanakaparus yanaptʼapjjarakïnwa.

24 Aarón chachat jutirinakajja grup grupo jaljatäpjjänwa. Aarón chachan yoqanakapajj Nadab, Abihú,+ Eleazar, Itamar+ ukanakänwa. 2 Nadab chachampi Abihú chachampejj tatapat sipansa nayraw jiwjjapjjäna,+ janirakiw jupanakajj yoqanakanïpkänti, ukampis Eleazar+ chachampi Itamar chachampejj sacerdotetwa servisipkakïna. 3 Davidajja, Eleazar chachan yoqanakapat Sadoc+ chachampi ukhamarak Itamar chachan yoqanakapat Ahimélec chachampiw Aarón chachat jutirinakarojj grup grupo jaljäna, ukhamat lurañanakap phoqasin servipjjañapataki. 4 Itamar chachan yoqanakapat sipansa, Eleazar chachan yoqanakapaw jukʼamp pʼeqtʼirinakanïnjja, ukatwa jupanakarojj ukarjam jaljapjjäna: Eleazar chachan yoqanakap taypinjja, 16 chachanakaw nayra awkinakapan familianakap pʼeqtʼapjjäna; Itamar chachan yoqanakap taypinsti, kimsaqallqoniw nayra awkinakapan familianakap pʼeqtʼapjjarakïna.

5 Ukatjja sorteotkamaw jupanakar jaljapjjäna,+ mä gruposti mayni grupomp chikänwa, kuna laykutejj sagrado lugaran pʼeqtʼirinakampi cheqpach Diosar serviri pʼeqtʼirinakampiw utjäna, jupanakajj Eleazar chachan yoqanakapampit Itamar chachan yoqanakapampit mistupjjäna. 6 Ukatjja levitanakan secretariopäkäna, Netanel chachan yoqapäkarakïna uka Semaya sat chachaw jupanakan sutinakap registräna, uksti reyi nayraqatana, principenak nayraqatana, Sadoc+ sacerdote nayraqatana, Abiatar+ chachan Ahimélec+ sat yoqapan nayraqatapana, sacerdotenakampin levitanakampin nayra awkinakapan familianakap pʼeqtʼirinakap nayraqatanwa registräna. Eleazar toqetsa Itamar toqetsa mä familia ajllipjjäna.

7 Nayrïr suertejj Jehoiarib chacharuw waktʼäna, payïristi Jedayá chacharuw waktʼäna, 8 kimsïrejj Harim chacharuw waktʼäna, pusïrejj Seorim chacharuw waktʼäna, 9 phesqëristi Malkiya chacharuw waktʼäna, sojjtïristi Mijamín chacharuw waktʼäna, 10 paqallqöristi Hacoz chacharuw waktʼäna; kimsaqallqöristi Abías+ chacharuw waktʼäna; 11 llätunkïrejj Jesúa chacharuw waktʼäna, tunkïristi Secanías chacharuw waktʼäna, 12 tunka mayanïristi Eliasib chacharuw waktʼana, tunka payanïrejj Jaquim chacharuw waktʼäna, 13 tunka kimsanïristi Hupá chacharuw waktʼäna, tunka pusinïristi Jesebeab chacharuw waktʼäna, 14 tunka phesqanïristi Bilgá chacharuw waktʼäna, tunka sojjtanïristi Imer chacharuw waktʼäna, 15 tunka paqallqonïristi Hezir chacharuw waktʼäna, tunka kimsaqallqonïristi Hapizez chacharuw waktʼäna, 16 tunka llätunkanïristi Petahías chacharuw waktʼäna, pä tunkïristi Jehezquel chacharuw waktʼäna, 17 pä tunka mayanïristi Jakín chacharuw waktʼäna, pä tunka payanïristi Gamul chacharuw waktʼäna, 18 pä tunka kimsanïristi Delayá chacharuw waktʼäna, pä tunka pusinïristi Maazías chacharuw waktʼarakïna.

19 Ukhamaw jupanakajj Jehová Diosan utapar mantasajj lugaranakapan servipjjäna,+ uksti kunjamtï Aarón sat nayra awkipajj lurasiñapatak jaytkänjja ukarjamaw jupanakajj phoqapjjäna, kunjamtï Israelan Jehová Diosapajj Aaronar ordenkäna ukarjama.

20 Leví chachat jutirinakajj akanakarakïnwa: Amram+ chachat jutirinakatjja, Subael; Subael+ chachat jutirinakatjja, Jehdeyá; 21 Rehabías+ chachat jutirinakatjja, Isías sat pʼeqtʼiri; 22 izharitanakatjja, Selomot;+ Selomot chachat jutirinakatjja, Jáhat; 23 Hebrón chachat jutirinakatsti, Jerías+ sat pʼeqtʼiri; payïristi Amarías, kimsïristi Jahaziel, pusïristi Jecameam; 24 Uziel chachat jutirinakatsti, Miqueas; Miqueas chachat jutirinakatsti, Samir. 25 Miqueas chachan jilapajj Isías chachänwa; Isías chachan yoqanakapatjja, Zacarías.

26 Merarí+ chachan yoqanakapajj Mahlí chachampi Musí chachampïnwa; Jaazías chachan yoqanakapatsti, Beno. 27 Merarí chachat jutirinakatsti: Jaazías chachan Beno, Soham, Zacur, Ibrí sat yoqanakapaw ukankapjjäna. 28 Mahlí chachatsti, Eleazar, jupajj janiw yoqanakanïkänti;+ 29 Quis chachan yoqanakapatjja, Jerahmeel; 30 Musí chachan yoqanakapajj Mahlí, Éder, Jerimot ukanakänwa.

Jupanakaw familianakaparjamajj Leví chachan yoqanakapänjja. 31 Jupanakajj kunjamtï Aarón chachan yoqanakapäki uka jilanakapajj suertenak+ willtapkänjja, ukhamarakiw David reyi nayraqatansa, Sadoc nayraqatansa, Ahimélec nayraqatansa, sacerdotenakampin levitanakampin nayra awkinakapan familia pʼeqtʼirinakap nayraqatansa suertenak willtapjjäna. Jilïrin familiapas sullka jilan familiapas mä igualak uñjatäpjjänwa.

25 Ukatsti Davidampi ukhamarak serviñatak ajllitäpkäna uka gruponakan pʼeqtʼirinakapampejja, Asaf chachampina, Hemán chachampina, Jedutún+ chachampin yaqhep yoqanakaparuw ajllipjjäna, ukhamat jupanakajj arpanakampi, cuerdan instrumentonakampi,+ platillonakampi+ profecía arunak arsupjjañapataki. Ukham servipjjañapatak ajllitäpkäna uka chachanakan sutinakapajj akanakänwa: 2 Asaf chachan yoqanakapatjja, Zacur, José, Netanías, Asarelá ukanakänwa. Asaf chachan yoqanakapajja, kunjamtï Asaf chachajj siskäna ukarjamaw phoqapjjerïna, Asaf chachasti kunjamtï reyejj siskäna ukarjamaw profecianak arsurïna. 3 Jedutún+ chachan yoqanakapatjja, sojjtanïpjjänwa: Guedalías, Zerí, Jesayá, Simeí, Hasabías, Matitías.+ Jupanakajj kunjamtï Jedutún awkipajj siskäna ukarjamaw phoqapjjerïna. Jedutún chachajj Jehová Diosar yuspärasa jachʼañchasa+ ukhamaw arpa tukasajj profecianak arsurïna. 4 Hemán+ chachan yoqanakapatjja, Buquías, Matanías, Uziel, Sebuel,* Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir, Mahaziot ukanakänwa. 5 Taqe jupanakaw Hemán chachan yoqanakapänjja. Hemán chachasti reyitakiw cheqpach Dios toqet visionanak uñjirïna, ukhamat Diosar jachʼañchañataki.* Cheqpach Diosasti 14 yoqanakampi 3 phuchanakamp jupar churäna. 6 Taqe jupanakajj kunjamtï awkipajj siskäna ukarjamaw platillonakampi, cuerdan instrumentonakampi, arpanakampi+ Jehová Diosan utapan cantapjjäna, ukhamaw jupanakajj cheqpach Diosan utapan servipjjäna.

Asaf chachasa, Jedutún chachasa, Hemán chachasa, kunjamtï reyejj siskäna ukarjamaw phoqapjjerïna.

7 Jupanakampi jilanakapampisti taqpachanejj 288 ukhanïpjjänwa, jupanakajj Jehová Diosar cantañatak yatichsutäpjjänwa, taqenis wali suma cantirïpjjarakïnwa. 8 Ukatwa sullkïrisa, jilïrisa, wali yatjjattʼatäki ukasa, yateqaski ukasa, kuna lurañas sapa maynirojj waktʼani uk yatiñatakejj suertenak willtapjjäna.+

9 Nayrïr sorteojj Asaf chachan José yoqaparuw waktʼäna;+ payïristi Guedalías+ chacharuw waktʼäna (jupampi, jilanakapampi, yoqanakapampejj tunka payanïpjjänwa); 10 kimsïristi Zacur+ chacharuw waktʼäna, yoqanakapampi jilanakapampejj tunka payanïpjjänwa; 11 pusïristi Izrí chacharuw waktʼäna, yoqanakapampi jilanakapampejj tunka payanïpjjänwa; 12 phesqëristi Netanías+ chacharuw waktʼäna, yoqanakapampi jilanakapampejj tunka payanïpjjänwa; 13 sojjtïristi Buquías chacharuw waktʼäna, yoqanakapampi jilanakapampejj tunka payanïpjjänwa; 14 paqallqöristi Jesarela chacharuw waktʼäna, yoqanakapampi jilanakapampejj tunka payanïpjjänwa; 15 kimsaqallqöristi Jesayá chacharuw waktʼäna, yoqanakapampi jilanakapampejj tunka payanïpjjänwa; 16 llätunkïristi Matanías chacharuw waktʼäna, yoqanakapampi jilanakapampejj tunka payanïpjjänwa; 17 tunkïristi Simeí chacharuw waktʼäna, yoqanakapampi jilanakapampejj tunka payanïpjjänwa; 18 tunka mayanïristi Azarel chacharuw waktʼäna, yoqanakapampi jilanakapampejj tunka payanïpjjänwa; 19 tunka payanïristi Hasabías chacharuw waktʼäna, yoqanakapampi jilanakapampejj tunka payanïpjjänwa; 20 tunka kimsanïristi Subael+ chacharuw waktʼäna, yoqanakapampi jilanakapampejj tunka payanïpjjänwa; 21 tunka pusinïristi Matitías chacharuw waktʼäna, yoqanakapampi jilanakapampejj tunka payanïpjjänwa; 22 tunka phesqanïristi Jeremot chacharuw waktʼäna, yoqanakapampi jilanakapampejj tunka payanïpjjänwa; 23 tunka sojjtanïristi Hananías chacharuw waktʼäna, yoqanakapampi jilanakapampejj tunka payanïpjjänwa; 24 tunka paqallqonïristi Josbecasa chacharuw waktʼäna, yoqanakapampi jilanakapampejj tunka payanïpjjänwa; 25 tunka kimsaqallqonïristi Hananí chacharuw waktʼäna, yoqanakapampi jilanakapampejj tunka payanïpjjänwa; 26 tunka llätunkanïristi Malotí chacharuw waktʼäna, yoqanakapampi jilanakapampejj tunka payanïpjjänwa; 27 pä tunkanïristi Eliatá chacharuw waktʼäna, yoqanakapampi jilanakapampejj tunka payanïpjjänwa; 28 pä tunka mayanïristi Hotir chacharuw waktʼäna, yoqanakapampi jilanakapampejj tunka payanïpjjänwa; 29 pä tunka payanïristi Guidaltí+ chacharuw waktʼäna, yoqanakapampi jilanakapampejj tunka payanïpjjänwa; 30 pä tunka kimsanïristi Mahaziot+ chacharuw waktʼäna, yoqanakapampi jilanakapampejj tunka payanïpjjänwa; 31 pä tunka pusinïristi Romamti-Ézer+ chacharuw waktʼäna, yoqanakapampi jilanakapampejj tunka payanïpjjänwa.

26 Porteronakajj grup grupow+ akham jaljatäpjjäna: coreitanakatjja, Meselemías,+ jupajj Asaf chachan wawanakapat Coré chachan yoqapänwa. 2 Meselemías chachajj yoqanakanïnwa: jilïr yoqapajj Zacarías chachänwa, payïristi Jediael, kimsïristi Zebadías, pusïristi Jatniel, 3 phesqëristi Elam, sojjtïristi Jehohanán, paqallqöristi Elieho-Enái. 4 Obed-Edom chachajj yoqanakanïnwa: jilïr yoqapajj Semaya chachänwa, payïristi Jehozabad, kimsïristi Joá, pusïristi Sacar, phesqëristi Netanel, 5 sojjtïristi Amiel, paqallqöristi Isacar, kimsaqallqöristi Peuletái. Diosaw Obed-Edom chacharojj uka wawanakamp bendisïna.

6 Semaya sat yoqapajj yoqanakanirakïnwa, jupatak nasir yoqanakapajj confiykañ chʼamani chachanakäpjjänwa, jupanakarakiw familianakap pʼeqtʼapjjäna. 7 Semaya chachan yoqanakapajj Otní, Refael, Obed, Elzabad ukanakänwa; Elzabad chachan familiaranakapajj Elihú chachampi Semakías chachampïnwa, jupanakasti confiykañ chachanakäpjjarakïnwa. 8 Taqe jupanakaw Obed-Edom chachan yoqanakapänjja; jupanakasa, yoqanakapasa, jilanakapas confiykañ chachanakäpjjänwa, serviñatakis wakichtʼatäpjjarakïnwa. Obed-Edom chachat familiapatsti 62 ukhanïpjjänwa. 9 Meselemías+ chachajj yoqanakanïnwa, jilanakanirakïnwa, confiykañ 18 chachanakäpjjänwa. 10 Merarí chachan yoqanakapatjja, Hosá sat chachajj yoqanakanïnwa. Simrí chachaw pʼeqtʼirïnjja, jupajj janis jilïr wawäkchïnjja, tatapajj juparuw familia pʼeqtʼañapatak uttʼayäna, 11 payïristi Hilquías, kimsïristi Tebalías, pusïristi Zacarías. Hosá chachan yoqanakapasa jilanakapas taqpachanejj tunka kimsanïpjjänwa.

12 Grup grupo jaljatäpkäna uka porteronakatjja, pʼeqtʼirinakajj jilanakapjam lurañanakanïpjjarakïnwa, jupanakajj Jehová Diosan utapanwa servipjjäna. 13 Jupanakajj suertenak willtapjjäna,+ jiskʼa familianakasa jachʼa familianakas mä igualakiw sapa mä punkutak suertenak willtapjjäna. 14 Selemías chachatak suertenak willtapjjäna ukhajja, inti jalsu toqenkir punkuw juparojj waktʼäna. Ukatsti Zacarías yoqapatakiw suertenak willtapjjarakïna, juparojj alay toqenkkäna* uka punkuw waktʼäna, jupajj wali yatiñani amuytʼayiri chachänwa. 15 Aynach toqenkkäna* uka punkusti Obed-Edom chacharuw waktʼarakïna, yoqanakaparojj+ imañ utanak uñjapjjañapatakiw uchapjjäna. 16 Inti jalant toqenkkäna uka punkusti Supim chachampiru Hosá+ chachampiruw waktʼäna, uka punkojj Saléket Punku jakʼankänwa, alayar makatki uka thaki jakʼankarakïnwa, mä grupo guardiajj mayni grupo guardia ladonkänwa. 17 Inti jalsu toqensti sojjta levitanakaw utjäna; alay toqensti* sapürojj pusiniw ukankapjjäna; aynach toqensti* sapürojj pusiniraki; imañ utanak uñjañatakisti+ pä guardianakaw utjäna, jupanakajj yaqha pä guardia ladon saytʼatäpjjarakïnwa. 18 Inti jalanta toqenkkäna uka pórtico* sat mantañ cheqanjja, pusiniw thaki jakʼan utjäna,+ pórtico sat mantañ cheqansti paniniw utjarakïna. 19 Coreitanakampin meraritanakampin yoqanakapatjja, porteronakajj ukham grup grupo jaljatäpjjänwa.

20 Mayni levitanakatjja, Ahíya sat chachaw cheqpach Diosan utapankir wali valoraninak imañ cheqanakampita ukhamarak kunanakatï sagrador tukuyatäki* uka wali valoraninak imañ cheqanakampit encargatäna.+ 21 Guersonitanakan familiapat jutiri Ladán chachan yoqanakapatjja, Jehielí+ chachaw ukankäna. Jupaw Ladán chachan familia pʼeqtʼirinakapat maynïrïnjja. 22 Jehielí chachan yoqanakapäkäna uka Zetam chachas Joel sat jilapas ukankarakïnwa. Jupanakaw Jehová Diosan utapankir wali valoraninak imañ cheqanakat encargatäpjjäna.+ 23 Amramitanakatsa, izharitanakatsa, hebronitanakatsa, uzielitanakatsa,+ 24 Guersom chachan yoqapäkäna Moisés chachan allchhipäkarakïna uka Sebuel chachaw imañ utanakat encargasiñan pʼeqtʼäna. 25 Khitinakatejj Eliezer+ chachat jutirïpkäna uka jilanakapajja, Rehabías,+ Jesayá, Joram, Zicrí, Selomot ukanakänwa. 26 Selomot chachasa jilanakapasa kunanakatï sagrador tukuyatäkäna uka wali valoraninak imañ taqe cheqanakat encargatäpjjänwa.+ David reyimpi,+ familianakan pʼeqtʼirinakapampi,+ 1.000 chachanakampiru 100 chachanakampir pʼeqtʼirinakampi ukhamarak ejerciton pʼeqtʼirinakapampiw taqe ukanak sagrador tukuyapjjäna. 27 Kunanaktï guerranakan+ nuwasisajj aparanipkäna+ ukanakatjja, Jehová Diosan utap askichañatakiw mä qhawqhanak sagrador tukuyapjjäna. 28 Taqe kunanaktï visionanak amuytʼiri Samuel+ chachasa, Quis chachan Saúl yoqapasa, Ner chachan Abner+ yoqapasa, Zeruyá+ warmin Joab+ yoqapasa sagrador tukuyapkäna ukanakats encargatäpjjarakïnwa. Taqe kunanaktï maynejj sagrador tukuykäna ukanakjja, Selomit* chachampi jilanakapampiw uñjapjjäna.

29 Izharitanakatjja,+ Kenanías chachampi yoqanakapampejj kunanakatï Diosan utap anqäjjan luraskäna uka lurañanakanwa pʼeqtʼirinakat juezanakat+ Israelan servipjjäna.

30 Hebronitanakatjja,+ Hasabías chachampi jilanakapampejj confiykañ 1.700 chachanakäpjjänwa. Jupanakaw Jordán jawirat inti jalanta toqen Israel markat encargatäpjjäna, kuna trabajonakatï Jehová Diosan utapan serviñatakisa reyir serviñatakis wakiskäna ukanakwa uñjapjjäna. 31 Hebrón chachan familiapat jutirinakatjja, Jeriya+ chachaw pʼeqtʼirïnjja. Kunapachatï David reyejj 40 maranak reyit apnaqaskäna+ ukhajja, jupanak taypit thaqtasajj confiykañ wali chʼamani chachanakwa Galaad toqenkir Jazer+ markan jikjjatapjjäna. 32 Jilanakapasti confiykañ 2.700 chachanakäpjjänwa, familianakap pʼeqtʼirïpjjarakïnwa. David reyisti rubenitanakampiru, gaditanakampiru, manasitanakan chikat tribupampir pʼeqtʼapjjañapatakiw jupanakar uttʼayäna, ukhamat cheqpach Diosampin reyimpin taqe lurañanakap uñjapjjañapataki.

27 Aka israelit gruponakaw reyin ejercitopankapjjäna. Familia pʼeqtʼirinakasa, 1.000 chachanakampiru 100 chachanakampir pʼeqtʼirinakasa,+ pachpa gruponakar uñjiri pʼeqtʼirinakas+ uka gruponak taypinkapjjarakïnwa. Marpachaw uka gruponakajj sapa phajjsi turnasipjjäna, sapa gruponjja 24.000 chachanakaw utjarakïna.

2 Nayrïri phajjsinjja, nayrïri grupon comandantepajj Zabdiel chachan Jasobeam+ sat yoqapänwa, grupopansti 24.000 chachanakaw utjäna. 3 Jupajj Pérez+ chachat jutirïnwa. Jupaw ejerciton pʼeqtʼirinakat servipkäna taqe ukanakarojj pʼeqtʼäna. Jupanakajj nayrïr phajjsinwa servipjjäna. 4 Payïri phajjsinjja, payïri grupon pʼeqtʼiripajj Dodái+ sat ahohíta+ chachänwa, Miclot chachajj yanapiripänwa, grupopansti 24.000 chachanakaw utjäna. 5 Kimsïri grupon comandantepajja, Jehoiadá+ sat jilïr sacerdoten Benaya+ yoqapänwa. Jupajj kimsïri phajjsin serviñatak uttʼayatänwa, grupopansti 24.000 chachanakaw utjäna. 6 Benaya chachasti, 30 chachanak taypinjj guerran nuwasir chʼamani chachänwa, uka 30 chachanakaruw pʼeqtʼarakïna. Jupan grupopan comandantepajj Amizabad sat yoqapänwa. 7 Pusïri phajjsinjja, pusïri grupon comandantepajj Joab+ chachan Asahel+ jilapänwa, grupopansti 24.000 chachanakaw utjäna. Jupa qhepatjja Zebadías yoqapaw pʼeqtʼäna. 8 Phesqëri phajjsinjja, phesqëri grupon comandantepajj Samhut sat izrahíta chachänwa, grupopansti 24.000 chachanakaw utjäna. 9 Sojjtïri phajjsinjja, sojjtïri gruporojj Iqués sat tecoíta+ chachan Irá+ sat yoqapaw pʼeqtʼäna, grupopansti 24.000 chachanakaw utjäna. 10 Paqallqöri phajjsinjja, paqallqöri gruporojj Efraín chachat jutiri Hélez+ sat pelonita chachaw pʼeqtʼäna, grupopansti 24.000 chachanakaw utjäna. 11 Kimsaqallqöri phajjsinjja, kimsaqallqöri gruporojj Zérah+ chachat jutiri Sibecái+ sat husatita chachaw pʼeqtʼäna, grupopansti 24.000 chachanakaw utjäna. 12 Llätunkïri phajjsinjja, llätunkïri gruporojj Benjamín chachat jutiri Abí-Ézer+ sat anatotita+ chachaw pʼeqtʼäna, grupopansti 24.000 chachanakaw utjäna. 13 Tunkïri phajjsinjja, tunkïri gruporojj Zérah+ chachat jutiri Maharái+ sat netofatita chachaw pʼeqtʼäna, grupopansti 24.000 chachanakaw utjäna. 14 Tunka mayanïri phajjsinjja, tunka mayanïri gruporojj Efraín chachat jutiri Benaya+ sat piratonita chachaw pʼeqtʼäna, grupopansti 24.000 chachanakaw utjäna. 15 Tunka payanïri phajjsinjja, tunka payanïri gruporojj Otniel chachat jutiri Heldái sat netofatita chachaw pʼeqtʼäna, grupopansti 24.000 chachanakaw utjarakïna.

16 Israelan tribunakapar pʼeqtʼirinakajj akanakänwa: rubenitanakatjja, Zicrí chachan Eliezer yoqapaw pʼeqtʼirïnjja; simeonitanakatjja, Maacá chachan Sefatías yoqapa; 17 Leví tributjja, Quemuel chachan Hasabías sat yoqapa; Aarón chachat jutirinakatjja, Sadoc; 18 Judá tributjja, Elihú,+ jupajj Davidan mä jilapänwa; Isacar tributjja, Miguel chachan Omrí sat yoqapa; 19 Zabulón tributjja, Abdías chachan Ismayá sat yoqapa; Neftalí tributjja, Azriel chachan Jerimot sat yoqapa; 20 Efraín tributjja, Azazías chachan Hosea sat yoqapa; Manasesan chikat tribupatjja, Pedaya chachan Joel sat yoqapa; 21 Galaad oraqenkir Manasesan chikat tribupatjja, Zacarías chachan Idó sat yoqapa; Benjamín tributjja, Abner+ chachan Jaasiel sat yoqapa; 22 Dan tributjja, Jeroham chachan Azarel sat yoqapa. Jupanakaw Israelan tribunakapan principenakapäpjjäna.

23 Israelajj alajjpachankir warawaranakjam waljar tukuñapatakiw+ Jehová Diosajj mä promesa luräna, ukatwa Davidajj 20 maraninakat aynacharojj jan jakthapkänti. 24 Zeruyá warmin Joab sat yoqapajj censo lurañwa qalltäna, ukampis janiw tukuykänti. Ukham censo luripansti, Diosajj Israel contraw colerasïna,+ ukatwa qhawqhanirus jakthapisïna ukajj David reyin tiempopan luraskäna uka censon jan registratäkänti.

25 Adiel chachan Azmávet sat yoqapajja, reyin wali valoraninak+ imañ utanakapat encargatänwa. Uzías chachan Jonatán sat yoqapasti, marka anqäjjankiri, markanakankiri, jiskʼa markanakankiri ukhamarak torrenakankir imañ utanakat* encargatarakïnwa. 26 Kelub chachan Ezrí sat yoqapajja, khitinakatï oraqen yapuchas campo toqen trabajipkäna ukanakat encargatänwa. 27 Simeí sat ramatita chachajj uvas yapunakat encargatänwa; Zabdí sat sifmita chachasti, vino imañ utanakat encargatarakïnwa. 28 Sefelá+ toqenkir olivo qoqanakatsa* sicómoro qoqanakatsa,+ Baal-Hanán sat guederita chachaw encargatäna; Joás chachajj aceite imañ utanakat encargatänwa. 29 Sarón+ toqen awatipkäna uka vacanaksti, Sitrái sat saronita chachaw uñjäna, valle pampankir vacanaksti Adlái chachan Safat sat yoqapaw uñjäna. 30 Obil sat ismaelita chachajj camellonak uñjäna, Jehdeyá sat meronotita chachajj asnonak* uñjäna. 31 Jaziz sat hagrita chachajj ovej tamanakampi cabra tamanakamp uñjäna. Taqe uka pʼeqtʼirinakaw kunanakatï David reyinkkäna ukanakat encargatäpjjäna.

32 Davidan Jonatán+ sat sobrinopajja, amuytʼayiri, secretario ukhamarak yatiñani jaqënwa. Hacmoní chachan Jehiel sat yoqapajj reyin yoqanakaparuw uñjäna.+ 33 Ahitofel+ chachajj reyin mä amuytʼayiripänwa. Husái+ sat arkita chachajj reyin amigopänwa.* 34 Ahitofel chachjjarusti, Benaya+ chachan Jehoiadá sat yoqapampi Abiatar+ chachampiw reyin amuytʼayirinakapänjja. Joab+ chachajj reyin ejercitopan pʼeqtʼiripänwa.

28 Ukatjja Davidajj Israelan taqe principenakaparuw Jerusalén markan tantachtʼäna: tribunakan principenakaparu,+ reyir servipkäna uka gruponakan comandantenakaparu, 1.000 chachanakar pʼeqtʼirinakaru, 100 chachanakar pʼeqtʼirinakaru,+ David reyimpin yoqanakapampin+ taqe utjirinakapampit vacanakapampit encargatanakaru,+ palacion trabajir jilïrinakaru ukhamarak wali chʼamani jan ajjsariri chachanakaruw tantachtʼäna.+ 2 Ukatjja David reyejj saytʼasisaw akham säna:

“Jilatanaka, nayan markaja, istʼapjjeta. Jehová Diosan pactor mantat arcapatakisa Diosasan kayu taktʼasiñapatakis+ nayaw chuymajan mä uta lurañ munayätjja, nayarakiw uka uta lurañatakejj wakichta.+ 3 Ukampis cheqpach Diosajj akham situwa: ‘Jumajj guerranakan nuwasir chachätawa, wilsa wartaraktawa,+ janiw jumajj sutij jachʼañchañatakejj mä uta lurarapkitätati’+ sasa. 4 Ukampis Israelan Jehová Diosapaw nayarojj tatajan utapat ajllisitu, ukhamat Israel markar reyit wiñay apnaqañajataki,+ kuna laykutejj Judá triburuw pʼeqtʼañapatak ajlli,+ Judá tributsti tatajan familiaparuw ajlliraki,+ tatajan yoqanakapatsti nayaruw ajllisirakitu, ukhamat Israel markpachar reyit uttʼayañataki.+ 5 Jehová Diosaw nayarojj walja yoqanakampi bendisitu,+ taqe uka yoqanakaj taypitwa Salomón+ yoqajar ajlliraki, ukhamat Jehová Diosan tronopan qontʼasisajj Israel markar apnaqañapataki.+

6 ”Jupajj akham situwa: ‘Salomón yoqamaw utajampi pationakajampi lurarapitani, nayaw juparojj yoqajäñapatak ajllista, nayasti jupan tataparakïyäwa.+ 7 Jupatejj kunjamtï jichhajj luraski ukham nayan mandamientonakajsa kunanaktï nayajj Juezjamajj amtkta ukanaksa,+ jan payachasis phoqani ukhajja, nayaw jupan reinop* wiñayatak sum uttʼayäjja’+ sasa. 8 Ukatwa nayajj kawkïritejj Jehová Diosan congregacionapäki uka Israel marka nayraqatan akham sista, Diosasas istʼaskarakiwa: Jehová Diosan mandamientonakap thaqapjjam, uñtʼapjjam, phoqapjjarakim, ukhamat suma oraqen jakasipkakiñamataki,+ yoqanakamarus jaya tiempotak herenciat uk jaytapjjañamataki.

9 ”Salomón, nayan yoqaja, tataman Diosapar uñtʼam, juparojj phoqat chuymampi+ suma amtampi servirakim, kuna laykutejj Jehová Diosajj taqpach chuymanakwa+ uñakipaski, jupajj chuyman amuyunakapsa yatiwa.+ Jumatejj jupar thaqätajja, jumampejj katuyasiniwa,+ ukampis jumatejj jupar apanukütajja, jumarojj wiñayatakiw apunukütam.+ 10 Jichhasti wal amuytʼasim, Jehová Diosaw jumarojj mä uta lurañamatak ajllistamjja, ukhamat uka utajj santuariopäñapataki. Jumajj jan ajjsaramti, trabajiñ qalltarakim” sasa.

11 Ukatjja Davidajj Salomón yoqaparojj mä plano churäna,+ uka planonwa pórtico+ sat mantañ cheqasa, cuartonakasa, imañ utanakasa, patjjankir cuartonakasa, manqhäjj cuartonakasa, sumankthapiñatak utas* uñstäna.+ 12 Jupasti Jehová Diosan utapan pationakapatsa,+ muytpachan utjkäna taqe uka comedoranakatsa, cheqpach Diosan utapankir wali valoraninak imañ cheqanakatsa, kunanakatï sagrador tukuyatäki* uka wali valoraninak imañ cheqanakatsa,+ kunjamtï Diosan espiritup taypejj katoqkäna taqe ukanak mä planor churäna; 13 gruponakar jaljat sacerdotenakatsa+ levitanakatsa, Jehová Diosan utapan taqe lurañanakapatsa, kunanakatï Jehová Diosan utapan serviñatak wakiski ukanakatsa juparojj ewjjtʼarakïnwa; 14 kunaymanit serviñatakejj kunanakatï apnaqaski uka qorin pesopajj qhawqhänisa, kunaymanit serviñatakejj kunanakatï qollqe metalat luratäki ukanakan pesopajj qhawqhänisa ukanaks sarakïnwa; 15 jupajj qori candelabronakampin+ qori lamparanakapampin pesopajj qhawqhänisa, qollqe candelabronakampin qollqe lamparanakampin pesopajj qhawqhänisa ukanakjja, kunatakis apnaqasini ukarjamaw amtäna; 16 Diosar loqtat tʼantʼanakajj uchaski uka sapa mayni mesanakan qorin pesopajj qhawqhänisa,+ qollqe mesanakan pesopajj qhawqhänisa, 17 jachʼa qori tenedoranakana, qori pʼujru* platonakana,+ suma qori jarranakan pesopajj qhawqhänisa, sapa mayni jiskʼa qori pʼujru platonakampin sapa mayni jiskʼa qollqe pʼujru platonakampin pesopajj qhawqhänis uksa sarakïnwa. 18 Incienso loqtañatak altaratakisa,+ Diosan carropamp saski ukatakisa,+ mä arunjja Jehová Diosan pactor mantat arcap patjjan ayatatat chheqanakapampi chʼiwtʼayki uka qori querubín+ angelanakatakisa, qhawqha suma qoris wakisi uksa sarakïnwa. 19 Davidajj akham sänwa: “Jehová Diosan amparapaw nayjjankäna, jupaw suma amuysa churarakitu, ukhamatwa kuna ewjjanakatï aka uta lurañatakejj utjki+ taqe ukanak qellqantarakta”+ sasa.

20 Ukatsti Davidajj akham sasaw Salomón yoqapar säna: “Jan ajjsaramti, chʼamani saytʼasim, trabajiñ qalltarakim. Jan ajjsaramti ni sustjasimsa, nayan Jehová Diosajaw jumampïski.+ Jupajj janiw jaytjkätamti ni apanukkätamsa,+ kuna lurañanakatï Jehová Diosan utap lurañatak utjki taqe ukanak tukuyasiñapkamaw jumampïskani. 21 Akankasipkiw sacerdote gruponakasa+ levita gruponakasa,+ jupanakajj cheqpach Diosan utapan serviñatakejj listokïpjjarakiwa. Kunaymanin serviñatak qʼapha ukhamarak wakichtʼata trabajirinakas+ utjaraktamwa, principenakas+ markpachas taqpach arunakam phoqapjjarakini” sasa.

29 David reyejj taqpach congregacionarojj akham sänwa: “Diosajj ajlliski uka Salomón yoqajajj waynitüskiwa,+ janirakiw experiencianïkiti,*+ lurañanakajj waljawa, kuna laykutejj uka templojj janiw jaqetakïkiti jan ukasti Jehová Diosatakiwa.+ 2 Kunanakatï Diosajan utap lurañatakejj wakiski ukanak wakichañatakejj nayajj walpun chʼamachasta, ukatwa qorimpi, qollqempi, cobrempi, hierrompi,+ maderanakamp+ churta, ónice* qalanaksa, mezclamp uchaskani uka suma qalanaksa, adornañatak uchaskani uka kunayman colorani jiskʼa qalanaksa, kunayman suma qalanaksa, walja alabastro* qalanaksa churaraktwa. 3 Diosan utapar wal munasitaj laykojja, kunanaktï sagrado utatak wakichkta taqe ukanakat sipansa, Diosajan utapatakejj+ pachpa qorijampi qollqejampwa churaskta,+ 4 Ofir+ lugarat apanit 3.000 qori talentonakampi,* cuartonakan perqanakapar* uchañatak 7.000 talento qʼomachat metal qollqenakampi churarakta, 5 ukanakampiw kunanakatï qorit luratäñapäki, qollqet luratäñapäki ukhamarak taqe kunanaktï artesanonakajj lurapjjañapäki ukanakajj lurasini. Jichhasti ¿khitis jichhürojj Jehová Diosar mä regalo churañ munaraki?”+ sasa.

6 Ukatwa familianakan principenakapasa, Israelan tribunakapan principenakapasa, 1.000 chachanakampiru 100 chachanakampir pʼeqtʼirinakasa,+ reyin lurañanakap uñjirinakas+ voluntadapat jutapjjäna. 7 Ukatjja cheqpach Diosan utapatakejj akanakwa jupanakajj churapjjäna: 5.000 qori talentonaka, 10.000 dárico* qollqenaka, 10.000 talento metal qollqenaka, 18.000 cobre talentonaka, 100.000 hierro talentonaka. 8 Khitinakatï suma qalanak apanipkäna ukanakajja, Jehová Diosan utapan kawkjantï wali valoraninakajj imaski uka cheqatakiw churapjjäna, Jehiel+ sat guersonita+ chachaw uka cheqat encargatäna. 9 Voluntadapat ofrendanak churasajj markpachaw wal kusisïna, kuna laykutejj phoqat chuymampiw Jehová Diosarojj uka ofrendanak churapjjäna,+ David reyis wal kusisirakïna.

10 Ukatjja Davidajj taqe congregación nayraqatanwa Jehová Diosar jachʼañchäna. Davidajj akham sänwa: “Jehová Dios Tata, nanakan Israel tatajan Diosapa, wiñayans wiñayapatak* jachʼañchatämaya. 11 Jehová Dios Tata, taqe kunanakatï alajjpachansa aka oraqens utjki ukanakajj jumankiwa,+ ukatwa jumajj jachʼätajja,+ chʼamanïtasa,+ sutimas wali sumawa, kʼajkir qhanätawa,+ musparkañarakïtawa. Jehová Dios Tata, jumankiw reinojja.*+ Jumaw taqe kunjjar mä pʼeqtʼirjamajj jachʼañchatätajja. 12 Kunanakatï wali valoranïki ukanakasa jachʼañchatäñasa jumankiwa,+ jumarakiw taqe kunjjar apnaqtajja,+ wali chʼamanirakïtawa,+ juman amparamaw maynirojj jachʼar tukuyaspa,+ taqenirus chʼam churarakispa.+ 13 Jichhasti nanakan Diosaja, nanakajj jumaruw yuspärapjjsma, wali suma sutimsa jachʼañchapjjaraktwa.

14 ”Ukampis nayasa markajasa, ¿khitïpjjaraktsti voluntadanakajat aka ofrendanak jumar churañatakisti? Taqe kunas jumatwa juti, kuntï amparamat katoqapkta uka pachpakwa jumar churapjjsma. 15 Juma nayraqatanjja, nanakajj yaqha markat jutiri forastero jaqenakakïpjjtwa, nayra awkinakajas ukhamakïpjjarakïnwa.+ Aka oraqenjja, nanakan vidanakajajj mä chʼiwir uñtatakiwa,+ janirakiw wiñay akankapkäti. 16 Jehová Dios Tata, nanakan Diosaja, juman santo sutim jachʼañchañatak mä uta lurañatakejja, kunanaktï wakichapkta ukanakajj juman amparamatwa juti, taqe ukanakajj jumankarakiwa. 17 Nayan Diosaja, nayajj yattwa, jumajj chuymanak sum uñakiptajja,+ taqpach chuymäki* ukatakejj wal kusistajja.+ Taqe akanaksti nayajj taqe chuymaw voluntadajat churta, akankaskir markamar voluntadapat ofrendanak churir uñjasajj wal kusisirakta. 18 Jehová Dios Tata, Abrahán, Isaac, Israel sat nayra awkinakajan Diosapa, aka amuyunak markaman chuymapan wiñayatak utjayakimaya, jumar taqe chuyma servipjjañapatakis yanaptʼarakim.+ 19 Juman mandamientonakamsa,+ amtayäwinakamsa, leyinakamsa phoqat chuymampi+ phoqañapatakiy Salomón yoqajarojj yanaptʼam, taqe akanak lurañapatakisa templo lurañapatakis yanaptʼarakim, nayaw uka templo lurasiñapatak wakichta”+ sasa.

20 Ukatjja Davidajj akham sasaw taqpach congregacionar säna: “Jichhajj jumanakan Jehová Diosamar jachʼañchapjjam” sasa. Taqpach congregacionajj nayra awkinakapan Jehová Diosaparuw jachʼañchapjjäna, Jehová Dios nayraqatansa reyi nayraqatansa qonqortʼasisajj oraqer puriñkamaw altʼasipjjarakïna. 21 Jupanakasti Jehová Diosarojj sacrificionak loqtapjjäna, Jehová Diosarojj nakhantayat ofrendanak+ qhepürkamaw loqtasipkakïna, 1.000 torillonakampi, 1.000 orqo ovejanakampi, 1.000 corderonakampi, vino ofrendanakapampi+ loqtapjjäna. Jupanakajj taqe Israel markpachatakejj sacrificionak waljpun loqtapjjäna.+ 22 Uka urunjja jupanakajj wali kusisitaw Jehová Dios nayraqatan manqʼapjjäna, umapjjäna.+ Ukatjja Davidan Salomón yoqaparojj mä kutimpiw reyit uttʼayapjjäna, Jehová Dios nayraqatanwa juparojj mä pʼeqtʼirit uttʼayapjjäna,*+ Sadoc chacharojj sacerdotet uttʼayapjjarakïna.+ 23 Ukatsti Salomonajj David tatap lantiw Jehová Diosan tronopan+ reyit qontʼasïna, luratanakapajj sumarupuniw saräna, taqe israelitanakaw juparojj istʼapjjarakïna. 24 Taqe principenakasa,+ guerran nuwasir chʼamani chachanakasa,+ David reyin taqe yoqanakapas+ Salomón reyiruw katuyasipjjäna. 25 Jehová Diosasti taqe Israel markan uñjkataw Salomón reyirojj wali importante jaqer tukuyäna, mayni reyinakat sipansa wali jachʼañchat reyïnwa, janirakiw jupa nayrajj wali jachʼañchat reyejj Israel markan utjkänti.+

26 Jesé chachan David yoqapajj taqe Israel markaruw reyit apnaqäna. 27 Jupajj 40 maranakaw Israel markar reyit apnaqäna. Hebrón markanjja 7 maranaka,+ Jerusalén markansti 33 maranakaraki.+ 28 Davidajj walja maranak sum jakasisaw jiwjjäna,+ walja maranak jakasasa, wali qamirïsasa, jachʼañchatäsas contentokiw jiwjjäna. Jupa lantejj Salomón yoqapaw reyëjjäna.+ 29 David reyin taqe sarnaqäwinakapajja, qalltat tukuykamajj Samuel sat visionanak amuytʼirin registronakapan qellqatawa, Natán+ profetampin Gad+ sat visionanak uñjirimpin registronakapan qellqatarakiwa. 30 Reyit apnaqkäna ukhajj kunanakas pasäna taqe ukanakasa, wali chʼamampi luratanakapasa, kunanakatï juparusa, Israel markarusa, uka jakʼankir taqe yaqha reinonakarus* paskäna ukanakasa uka registronakan qellqatarakiwa.