1 jalja

¿Kunjamakis familiaman jikxatasta?

Familian jakasiñax janiw nayrjamäxiti. Kunayman jan walinakan uñjasisax wali chʼaxwañanakakiw utjxi. Ukat jan waltʼayasxasax janiw parltʼasiñas utjxiti, janiw askichañatakix kunas lurañjamäkiti.

Familiaman jan walinakax tukusxaspa, ukat suman jakasxapxasma, ¿uk munasmati? Chiqansa, taqiniw utan sum jakasiñatakix chʼamachasiñasa, ukampis jumatï Biblian yatichäwiparjam sarnaqäta ukhaxa wal yanaptʼasma.