KUNJAMSA PARLAÑ QALLTASMA
1 YATICHÄWI
Mayninakat llakisiñasawa
Bibliajj akham siwa: “Munasir jaqejj […] janiw kunatï jupatak walïki ukak thaqkiti” (1 Cor. 13:4, 5).
Kunsa Jesusajj luräna
1. VIDEO uñtäta, jan ukajj Juan 4:6-9 liytʼäta. Ukatsti, aka jisktʼanakaruw qhanañchtʼäta:
¿Uka warmimp janïr parlkasajj kunsa Jesusajj nayraqat amuytʼäna?
Jesusajj “umay wajjtʼita” sasaw uka warmir säna. ¿Kunatsa ukham parlañ qalltatapajj wali askïna?
¿Kunsa Jesusat yateqassna?
2. Jaqenakajj kuna toqetsa parlañ munapjjaspa uka toqet parlas qalltsna ukhajja, jupanakajj parlañ munapjjaspawa.
Jesusat yateqasim
3. Janiw munañamarjamak parlañamäkiti. Kuna toqettï jumajj parlañ munkta uka toqet parlas qalltañat sipansa, kuna toqettï utanejj parlañ munkaspa uka toqet parlasaw qalltañama. Ukhamajj akham jisktʼasim:
“¿Kunanakas noticianakan istʼasi?”
“¿Kuna toqetsa vecinonakajasa trabajonkiri jan ukajj escuelankir masinakajas parlapjje?”
4. Amuytʼirïñamawa. Akham jisktʼasim:
“¿Kunsa utanejj luraski? ¿Kuna toqetsa piensaskpacha?”.
“¿Isisitapasa uñnaqapasa ukat utapas kunar creyitapsa kawkïr markatätaps uñachtʼayitu?”.
“¿Jupamp uka horasan parltʼañajj wakisispati?”.
5. Sumwa istʼañama.
Janiw sint parlañamäkiti.
Utanin parltʼañapatakiw chʼamañchtʼañama. Wakischi ukhajj jisktʼañamawa.