Yatiyäwinaka

◼ Kuna qillqatampisa mayo phaxsin yatiyañäni: Yatiyañataki sat revistampi. Yatxattʼañ munasipki uka jaqinakar wasitat visittʼañatakix chʼamañchtʼasipxätawa, sañäni, Jesusan jiwäwip amtañataki ukat ukapachan wakiskir arstʼäwir jutirinakarusa. Janïr Bibliat yatiqapki ukanakarusa Bibliat yatichañ qalltapxañasawa. Junio: Chiqpach Diosaru yupaychapxañäni. Julio ukat agosto phaxsinakanxa akïr folletonakampiw yatiyasiskani: Maynix jiwxi ukhax kamachsnasa, ¿Chiqpachapuniti Diosax sum jakasiñas munpacha?, ¿Kunsa Diosax jiwasanakaru mayistu?, ¡Wiñayan wiñayapataki kusisita aka Uraqin jakasim!, Diosan munasitapäsnawa, Kunjamatsa wali kusisita jakassna.

◼ Irpir chuymaninakax akïr carta uñakiptʼapxañapa 6 de julio de 2006, uka cartanxa jan waltʼäwinakaru saykatañatakix kunjamsa wakichtʼasna ukat kawkharusa jilat kullakanakarux jawssna ukanakat parli. Kawkïr markanakantï jan waltʼäwinakax jukʼampïki uka markankir irpir chuymaninakaxa kunatï jilat kullakanakat yatiñax wakiski ukanakwa yatipxañapa, jan waltʼäwinaka utjkani ukhataki. Chiqasa, jan waltʼäwinakankkasax yatiyañasawa, ukampisa jilat kullakanakax tantachäwinakaru jaya tiempo jan jutirjamäpkchi, sañäni vacacionatsa sarapxchini, aljasiñataki alasiñataki viajapxchini jan ukax hospitalar qullayasiñatak mantañapächi ukhaxa Librot Yatiqañataki Taman Tantachäwip irpir chuyman jilatarusa jan ukax yaqha irpir chuymanirusa yatiyapxañapawa.