Yatiyañatak yanaptʼanaka

Jesusan jiwäwip amtañatakejj akham sasaw invitación chursna

“Kamisaraki. Aka invitación jumataki ukat familiamatak jayttʼañ munsma, marzo 26 uru saraqataruw mä wali wakiskir tantachäwejj Oraqpachan apasiskani. Ukanjja, Jesusan jiwäwipaw amtasini. Ukat kunjamsa Jesusan jiwäwipajj yanaptʼistu uka toqetwa Bibliat apstʼat mä arstʼäwin qhanañchasiskani. Ukar mantañatakejj janiw qollqejj mayiskaniti. Akawjanwa kawkhansa apasini ukat kuna horanisa ukajj qhanañchasiski” sasa.

Yatiyañataki Marzo 1

“¿Kunjamatsa Jesusan cheqapun jaktatap yatsna? sasaw yaqhepanakajj jisktʼasipjje. ¿Jumajj ukham jisktʼasirakirïtati? [Kamsanis uk istʼäta.] Uk yatiñajj wali wakiskiripuniwa. ¿Kunatsa? uk uñjañäni [1 Corintios 15:14 liytʼarapïta]. Aka revistaw Jesusajj cheqapun jaktatapjja, sum qhanañchistu.”

¡Despertad! Marzo

“Aka urunakan wawanakar uywañajj wali chʼamäjjewa ¿uk amuytati? [Kamsanis uk istʼäta.] Walja awk taykanakajja, Biblianwa wali suma ewjjtʼanak jikjjatapjje. Amuytʼañataki aka jiskʼa tʼaqajja, familian pʼeqtʼirinakarojj wawanakapan sum lurapjjatapat walik ukham lurtajja sasin chʼamañchtʼapjjañapatakiw yanaptʼi [Colosenses 3:21 liytʼarapïta]. Aka yatichäwinwa uka toqet phesqa yanaptʼanakajj awk taykanakatak utji.”