Jukʼamp sum yatiyañataki: jaqenakat llakisitas uñachtʼayañäni
Kunatsa llakisitas uñachtʼayañajj wakisi. Jesusajj sapa maynitwa llakisirïna ukat munasiñsa uñachtʼayirïnwa. Mä kutejja, mä oqarar qolliriw saräna, ajjsarayasitap amuyasajja, mayninakan jan uñjapjjañapatakejj yaqhawjaruw irpaqtʼäna (Mar. 7:31-35). Arkirinakaparus ukhamarakiw munasiñampi uñjirïna, qawqhtï yateqerjamäpki ukarjamakiw yatichirïna (Juan 16:12). Jichhajj alajjpachankchisa jaqenakat llakisiskakiwa (2 Tim. 4:17). Arkirinakapjamajja, jupat yateqasiñatakiw chʼamachasiraktanjja (1 Ped. 2:21; 1 Juan 3:16, 18). Kunas jaqenakar llakisiyi, kunjamsa jakasipjje ukat kunsa munapjje ukanak amuyañäni ukhajja, Diosan arunakap jukʼamp sumwa yatiyañäni. Cheqas janiw qellqatanak aleq jaytirikis ni aleq parljjayirikis sarktanti, jan ukasti jupanakat llakisitas laykuw sartanjja, uk amuyapjjani ukhajja, jukʼampiw istʼañ munapjjestani.
Aka phajjsejj ak lurañatak chʼamachasiñäni:
Kuna toqetsa jaqenakajj parlañ munapjje ukarjam parltʼañatakejja, familjam Diosar yupaychkasa jan ukajj yatiykasin mä utat yaqha utar sarkasaw yateqañasa.
Yatiyir mistuñatak sarayir jilataw kunjamanakatsa jaqenakat llakisitas uñachtʼaysna uk qhanañchtʼarakispa jan ukajj mä demostracionsa uñachtʼayarakispawa.