Jesusat kunatï cheqäki uk taqe chuyma yatiyapjjañäni

Jesusat kunatï cheqäki uk sum qhanañchañ yatiñanejja, taqe chuymaw yatiyañäni. Jesusajj cimiento ‘esquin qalawa’, iyawsäwisajj ukjjar uttʼayatawa (Efe. 2:20). Jupïpanwa wiñay jakañ suytʼäwinïtanjja (Hech. 4:12). Ukhamajj Diosan amtapan kuna aski luräwinisa uk wali askitwa uñjañasa. Waljanejj Jesusat kʼari yatichäwinakamp mayjtʼayatäpjjewa. Ukhamïpansti kuna bendicionanaktï Diosajj Jesusar iyawsirinakar churañ amtki uk aptʼasipjjaspawa. Khitis Jesusajja, Jehová Diosampi Jesusampejj kunansa jan pachpäpki ukat Diosan amtapan Jesusajj kuna luräwinisa ukanak suma chuyman jaqenakar taqe chuyma qhanañchañatakejj kunatï cheqäki uk yatiñaw yanaptʼistani. Ukhamajj ¿Jesusan jiwäwip amtaskani uka phajjsinakan taqe chuymati Jesusat kunatï cheqäki uk yatiyañäni?