Jehová Diosax mä Qhispiyirwa churistu

29 Diosan lurata nayrïri angelaxa jilïri yuqapjamänwa.

Diosaxa juparux wal munasi, ñanqha jaqinakarux jupampiw tukjayani ukatxa istʼasirinakarux qhispiyarakiniwa (Juan 3:16, 36).

30 Jehová Diosax aka Uraqin yuriñapatakiw Yuqapxa khitanïna. Jesús satänwa. Taykapasti María sutinïnwa (Lucas 1:30-35).

31 Kunapachati Jesusax jilsutäxäna ukhaxa, walja suma yatichäwinakwa jaqinakarux yatichäna. Jehová sapakiwa chiqa Diosaxa sasaw yatichäna (Marcos 12:29, 30).

Jesusax sänwa: Jehová Dios saparukiwa yupaychañasa (Mateo 4:10; Juan 4:23, 24).

Jehová Diosan apnaqawipatxa yaticharakïnwa (Lucas 17:20, 21).

32 Usutanakaruxa Jesusax qullänwa ukat askinak luräna. Janiw jan walinakxa lurkänti (Hechos 10:38; 1 Pedro 2:21, 22).

Ukampisa, ¿kunjamsa juchampita jiwañampita qhispiyistaspa?

33 Diosarux mä waxtʼa luqtawayi suma jaqinakaru qhispiyañataki. Nayrapachaxa, jaqinakaruxa Diosax sänwa: juchanakamat uywanak luqtapxam sasa (Hebreos 7:25, 27).

34 Jesusax janiw uywanaka luqtkänti. Jupapachpaw jiwasanak layku luqtasiwayi (Mateo 20:28; Hebreos 10:12).

¿Yattat kunatsa?