Watchtower INTERNETANKIR BIBLIOTECA
Watchtower
INTERNETANKIR BIBLIOTECA
Aymara
ʼ
  • kʼ
  • tʼ
  • pʼ
  • chʼ
  • qʼ
  • BIBLIA
  • QELLQATANAKA
  • TANTACHÄWINAKA
  • wp16 Núm. 1 págs. 4-5
  • Jan taqe kunsa cheqapar lurañajj taqeniruw aynachtʼayi

Janiw videojj utjkiti

Disculpapjjeta, janiw aka video uñjañjamäkiti

  • Jan taqe kunsa cheqapar lurañajj taqeniruw aynachtʼayi
  • Yatiyañataki, Jehová Diosan Apnaqäwipat yatiyaski (yatiyir sarañataki) 2016
  • Jiskʼa pʼeqeñchäwinaka
  • Uka toqet jukʼamp yatjjatañataki
  • KʼARISIRINAKAROJJ JANIW CONFIYAÑJAMÄKITI
  • KʼARI JAQERUW TUKSNA
  • Honrado jaqëñajj wali askiwa
    Yatiyañataki, Jehová Diosan Apnaqäwipat yatiyaski (yatiyir sarañataki) 2016
  • Yatiyañatak yanaptʼanaka
    Diosan Apnaqäwipat Yatiyañataki 2011
  • Taqe kunanwa honradöñasa
    Munasir Diosat janipun jitheqtañäniti
Yatiyañataki, Jehová Diosan Apnaqäwipat yatiyaski (yatiyir sarañataki) 2016
wp16 Núm. 1 págs. 4-5
Pä warminakaw parlasipki

NAYRÏR JANAN PʼEQEÑCHÄWIPA | HONRADO JAQËÑAJJ ¿KUNATSA WAKISI?

Jan taqe kunsa cheqapar lurañajj taqeniruw aynachtʼayi

“Jan walinakan uñjasktan ukhajj mä jukʼa kʼarisiñajj walikïskiwa” (Samantha, Sudáfrica).

Jumajj ¿kamsarakismasa? Cheqas taqeniw awisajj jan walinakan uñjastanjja, ukampis ukham jan walinakan uñjasktan ukhaw honradotanti janicha ukajj yatisispa. Amuytʼañataki, jiwasatï mayninakampi askit uñjatäñ munasa, kʼarissna ukhajja, inas ukham lurañajj walikïkaspas ukham amuyjjsna. Ukampis kunatï cheqäki ukajj yatisjje ukhajja, jan walinakanwa uñjassna. Jichhajj uka toqet mä qawqhanak yatjjatañäni.

KʼARISIRINAKAROJJ JANIW CONFIYAÑJAMÄKITI

Mayninakampi sum apasiñatakejja, taqe kunsa cheqaparjamaw lurañasa, ukhamatwa jupanakajj jiwasar confiyapjjani. Ukampis ukajj janiw mä akatjamat jikjjataskaspati. Sañäni, kunapachatï pä jaqenakajj wali sum parltʼasipjje, sum uñtʼasipjje ukat jan maynin askipak thaqapkiti ukhajja, purapatwa confiyasipjje. Ukampis maynitï mä kutiksa kʼarisispa, jan ukajj yaqha ukhamanak luraspa ukhajja, janiw jupar confiyjjaspati.

Inas jumajj wali munat mä amigomampi kʼarintat uñjasiwaysta. Ukhamächi ukhajja, wali chuyma ustʼataw jikjjataspachäta, cheqas ukham uñjasiñajj wal chuym ustʼayistaspa. Wali sum apasipki ukanakarus kʼarisiñajj jaljtayaspawa.

KʼARI JAQERUW TUKSNA

Robert Innes sat chachajj yatjjatkatayna ukarjamajja, “mä kʼari jaqejja, maynirojj kʼari jaqeruw tukuyaspa” sasaw qhanañchi. Jupajj California Universidadan economía toqet yatichi. Ukhamajja, mä usur uñtasitawa, maynitï kʼarinak parlir jaqempi sarnaqaspa ukhajja, uka jaqjjamarakiw kʼarinak parljjaspa.

¿Kunjamatsa ukhamar jan tuksna? Biblian yatichäwinakapaw jan kʼari jaqëñatakejj yanaptʼistaspa, jichhajj uka toqet yatjjatañäni.

Jaqenakajj akanakanwa jan cheqaparjam lurapkiti

Kʼarisiña

Mä chachaw anillop apsusiski

¿KAMSAÑSA MUNI? Khitirutï kun yatiñapas waktʼki ukar kʼarinak parlaña sañwa muni. Ukatjja, kunatï cheqäki uk jan yatiñapatak mayjtʼayas parlaña, jan ukajj kunatï cheqäki uk imtʼaña ukhamat maynir jan waltʼayañ layku parlaña sañwa munaraki.

BIBLIAJJ AKHAM SIWA: “Tatitusti jan wali luririnakarojj janiw munkiti, ukampis jupajj aski jaqenakampiwa parlasi” (Proverbios 3:32). “Kʼarinakjja jan parlkjjapjjamti; sapa maynis jaqe masinakamarojj kunatejj cheqäki ukak parlapjjam” (Efesios 4:25).

Kʼarintaña

Pä chachanakaw jamasat parlasipki ukaruw mä chachajj utar mantani

¿KAMSAÑSA MUNI? Jan wali amtanakampi maynit kʼarisiña, ukhamat maynir jan waltʼayañataki.

BIBLIAJJ AKHAM SIWA: “Jan istʼasir sajjra jaqejja chʼajjwañanakwa sartayi; arunak apnaqer jaqesti [jan ukajj kʼarintir jaqesti] uñisiñ utjayi” (Proverbios 16:28). “Jan lawampejj ninajj jiwarjjakiwa; arunaka apnaqeritejj jan utjki ukkhajja chʼajjwanakajja tukusjjewa” (Proverbios 26:20).

Maynit kʼarimpi kuns apaqaña

Suma relojonakäkaspas ukham aljañatakiw mä chachajj jamasat uñachayaski

¿KAMSAÑSA MUNI? Maynir kʼarinakampi qollqe apaqaña, yänakap jan ukajj cosasanakap apaqaña sañwa muni.

BIBLIAJJ AKHAM SIWA: “Kawkïritejj pobresan jikjjataski ukarojja; ni pagopsa katusipjjamti” (Deuteronomio 24:14, 15). “Pobreru tʼaqhesiyi[rejj] Diosaruwa jiskʼachaski, ukampis pobrer khuyapayirejja Tatituruw jachʼar aptaski” (Proverbios 14:31).

Lunthataña

Mä jaqew qollqe bolsa lunthataski

¿KAMSAÑSA MUNI? Jan maynin kun sata yänakapa, jan ukajj cosasanakap katuntasiña sañwa muni.

BIBLIAJJ AKHAM SIWA: “Khititejj lunthatasirïkän ukajja jan jukʼamp lunthataskjjpanti, jan ukasti irnaqañaru uskuspan, sum irnaqasinwa pobrenakar yanaptʼañatakis utjarakini” (Efesios 4:28). “Lunthatanakasa, michʼanakasa, machirinakasa, masipjjat parlasirinakasa, sallqjañampi aparirinakasa [janiw Diosan Reinopar] mantapkaniti” (1 Corintios 6:9, 10).

    Aymara qellqatanaka (2005-2025)
    Mistuñataki
    Mantañataki
    • Aymara
    • Apayañataki
    • Kunjamtï munkta ukarjam askichañataki
    • Copyright © 2025 Watch Tower Bible and Tract Society of Pennsylvania
    • Ak amtañamapuniwa
    • Aka amtanakanïpjjtwa
    • Configuración de privacidad
    • JW.ORG
    • Mantañataki
    Apayañataki