¿Yaqha arunakatti Bibliat apstʼat qillqatanak thaqaskta?

Bibliat apstʼat qillqatanak pachpa arupat liytʼañ munirinakamp jikisirïsta ukat taman janirak utjkchi ukhax ¿kuns lurirïta? ¿Bibliat apstʼat qillqatanakax imprimiñataki niya 400 arunakat Internetan utjatap yatiyätati? Ukatakix Internet ukat mä impresoraw wakisi. ¿Kunjamsa uka qillqatanak imprimisma?

• Internetanxa, www.watchtower.org/s uka chiqaruw mantäta.

• Kupïxanxa mä listaw uñsti ukampis ukax janiw taqpach arunakäkiti. Taqpach uñjañ munsta ukaxa, kawkhantï “Otros idiomas” siski uka chiqaruw chʼitxtayäta.

• Ukat kuna arsa thaqaskta ukaruw chʼitxtayäta. Ukanwa tradonakasa, folletonakas ukat yaqha qillqatanakas imprimiñatak uñstani. Taqi kunatï ukan uñstkani ukaxa, kawkir arsa ajlliwaykta uka arutwa uñstani, ukhamasti pʼiqiñchäwinakax kamsis uk jan amuykäta ukhax jan llakisimti.

• Kawkïr pʼiqiñchäwirus chʼitxtayaskakismawa, ukat ukan yatichäwipaw uñstanini. Ukat imprimiñatakixa, kawkïr programampitï Internetar mantkta ukampiw imprimiñama.

Uka chiqan uñstki uka qillqatanakax mä qhawqhakiwa, ukampis yaqha qillqatanak munätaxa tama taypiw mayisma. Ukat maynitï Bibliat jukʼamp yatxatañ munaskakïni ukhaxa, khititï tamatak qillqatanak mayki uka jilatar mayiñaw wakisispa.