Internetan utjkistu uka cheqajja: yatiyañatakejj wali askiwa
Internetar mantapjjañapatak yanaptʼañäni. Qellqatanak jan katoqañ munapki jan ukajj jiwasanakamp parlañ pächasipki ukanakajja, utapanwa Jehová Diosan Qhanañchirinakapajj khitinakapjjesa uk jw.org sat cheqar mantasin yatjjatañ munapjjaspa. Ukhamajj Internetar mantañatak utjkistu uka cheqjja taqenir yatiyañäni.
Jisktʼanakapar qhanañchtʼañäni. Jehová Diosan Qhanañchirinakapajj khitinakapjjesa, kuns creyipjje uka toqet khitis jisktʼistani ukhajja, jankʼakiw apnaqañ jiskʼa aparatot jan ukajj mä computadorat jisktʼapar qhanañchañasa. Ukat Bibliat liytʼañatak utjchejja, Bibliat liytʼañapuniw wakisispa. Ukampis jan Internetanïkchi ukhajja, jw.org sat cheqan kunjamsa jisktʼanakapar qhanañchäw jikjjataspa uk yatichtʼañasa. (“Enseñanzas bíblicas/Preguntas sobre la Biblia” jan ukajj “Sobre nosotros/Preguntas frecuentes” siski uka cheqanakar mantam.)
Bibliat apstʼat qellqatanak uñtʼatanakaru apayañäni. Correo electrónico toqnamwa Bibliat apstʼat qellqatanak PDF jan ukajj EPUB sat formatonak Internetat apaqasin phoqhatpachsa jan ukajj mä yatichäwiks apaysna. Ukat grabatanakjja, mä CD ukaruw apaqaraksna. Ukat jan bautisatanakar libro, folleto, jan ukajj revista correo electrónico toqnam phoqhatpach apayañäni ukhajja, informesaruw qhawkjtï apayktan uk qellqtʼasjjañasa. Uka qellqatanakjja janiw jan uñtʼatanakar apayañasäkiti ukat aptʼaykasajja, janirakiw taqenir apayañasäkiti. Uka archivonak apaqasajja, janiw Internetan yaqha cheqar uñjapjjañapatak uchañasäkiti. (“Publicaciones” siski uka cheqar mantam.)
Qhep qhepa yatiyäwinak uñachtʼayañäni. Ukham lurañäni ukhajja, Bibliat yateqerinakasa ukat visitktan ukanakasa kunjamsa Diosan markapajj aka oraqpachana nayrar sartaski ukat mayachtʼat jakasipjje uk amuyapjjañapatakiw yanaptʼani (Sal. 133:1). (“Noticias” siski uka cheqar mantam.)
[5 janan diagramapa]
(Sumpach amuytʼañatakejj qellqatan mistki uk uñjjatañamawa)
Akhamatwa mantasma
1 “Publicaciones,” siski uka cheqar mantasin kawkirtï apaqañ munkta uk thaqtam ukat kuna formatonjjay liyiña jan ukajj istʼañ munsta ukar chʼetjjtayam.
2 Grabatanak lista uñjañatakejja, “MP3” siski uka cheqaruw chʼetjjtayañama. Ukat kawkïr yatichäwtï apaqañ munkta ukan pʼeqenchäwiparuw chʼetjjtayañama, ukat istʼañak munsta ukhajja, akaruw chʼetjjtayañamaraki. ▸
3 Yaqha arut qellqatanak apaqañ munstajja, kawkhantï arunak ajlliñatak utjki ukanwa ajlltʼasma.