¿Kunjamanakatsa qʼuchuñ musicanak istʼaraksna?

Diosan servirinakapatakix musicax Diosan mä suma regalopawa (Sant. 1:17). Ukatwa walja tamanakan Jehová Diosar qʼuchuñataki musicanakxa, janïr tantachäwi qalltkipana, jan ukax tukuyarusa jiskʼat uchtʼasipxi. Tantachasiñ Utar purisin uka musicanak istʼañax wali askiw jiwasatakixa, ukhamatwa Jehová Diosar yupaychañatak chuymas wakichtanxa. Ukhamarusa machaq musicanak istʼasax letranakap yatsuñäni ukat sumwa qʼuchurakiñäni. Tantachäwi tukuyatatxa, uka suma musicanak istʼañax parltʼasiñatakisa ukat purapat chʼamachtʼasiñatakis wali askiwa. Ukhamaxa, Jehová Diosar Qʼuchupxañäni (pianompi) sat musicanak taman istʼasiñapatakixa, irpir chuymaninakaw tantachäwi qalltarusa ukat tukuyarusa sum istʼasiñapatak amtxapxañapa, ukat sum parltʼasipxañapatakix janirakiw sinti jachʼat uka musicanak uchasiñapäkiti.