Los testigos de Jehová: una historia de fe viva. Parte 1: Salen de la oscuridad
Qhanajj cheqa yatichäwimp sasiwa, ukat chamakajj kʼarimp sasirakiw sasaw Bibliajj qhanañchi (Sal. 43:3; Isa. 5:20). Supayajj Evar sallqjkäna ukhatwa akapachajj chʼamakan uñjasjje. Jichhürunakanjja, ukhamarakiw jaqenakajj chʼamakan uñjasipjje (Apo. 12:9). Los testigos de Jehová: una historia de fe viva. Parte 1: Salen de la oscuridad sat videojja (DVD) kunjamsa qhanajj ajay toqen qhantʼañ qalltäna ukwa qhanañchi (Isa. 60:1, 2). Ukat video uñtasinjja, aka jisktʼanakaruw qhanañchtʼäta.
1) Apostolanak jiwjjäna uka qhepatjja, ¿kunjamsa Diosar yupaychañajj chʼamaktʼaskäna? 2) Niya 1100 maranakanjja, ¿kunanakas Iglesian jan cheq yatichjjatap amuyasiñatak jaqenakar yanaptʼäna? 3) ¿Henry Grew ukat George Storrs jupanakajj khitinakäpjjänsa? 4) ¿Charles Russell jilatarojj kunanakas jakäwipan pasäna? 5) ¿Kunjamsa Russell jilatampi, awkipampi ukat mä qhawqha amigonakapampejj Bibliat yatjjatapjjerïna? ¿Kuna amtarus puripjjäna? 6) ¿Kunjamatsa Russell grupopamp ukat Nelson Barbour grupopampejj mayachthapisïna? Ukat ¿kunatsa tʼaqjtjjapjjarakïna? 7) Julio phajjsi 1879 maranwa ajay toqen qhanajj qhantʼañ qalltäna sasajj ¿kunats sistanjja? 8) Uka maratjja Diosan arunakap yatiyañatakejj ¿kunsa Bibliat Yateqerinakajj lurapjjäna? 9) Bibliat Yatjjatirinakajj ¿kunaw pasani sasas 1914 maran suyapjjäna? 10) Russell jilatan jiwatapatjja, ¿Bibliat Yatjjatirinakajj kuna jan waltʼäwinakan uñjasipjjäna? 11) Rutherford jilatasa ukat mayni jilatanakas carcelat mistsunjjapjjäna ukhajj ¿kunsa Bibliat Yatjjatirinakajj lurapjjäna? 12) ¿Kunjamsa aka videojj Jehová Diosan markapar jukʼamp munañatakejj yanaptʼawaytamjja? 13) ¿Jan waltʼäwin uñjaskañäni ukhajj Diosan arunakap taqe chuyma yatiyaskakiñatakejj kunjamsa yanaptʼawaytamjja? 14) ¿Kunjamsa familiasaru, Bibliat yateqerinakasaru ukat yaqha jaqenakarus aka videompejj yanaptʼsna?
Bibliat Yatjjatirinakajj ajay toqen chʼamak taypins jakapkchïnjja, kunjamsa jan ajjsartʼasa ukat Diosan arunakap taqe chuyma jaqenakar yatiyapjjäna. Mä arunjja qhantʼkaspas ukhamanwa. Ukhamasti jupanakat yateqasipjjañäni ukat ‘qhanankirinakjam jakapjjañäni’ (Efe. 5:8).