Sapa phajjsin nayrïr sábado urun Bibliat yatichañ qalltañatak chʼamachasipjjañäni
Mayo phajjsit 2011 maratjja, sapa phajjsin nayrïr sábado urun Bibliat yatichañ qalltañatakiw jilat kullakanakarojj chʼamañchasiwayi. Ukatakejj yatiyañataki sat qellqatan “Biblia toqet jisktʼanaka” satäkis ukaw yanaptʼistu. Ukatpï phajjsin nayrïr sábado urun yatiyir mistuñatak tantachäwin kunjamsa uka qellqatampejj Bibliat yatichañ qalltasispa, uk sum qhanañchtʼasiñapajja ukat mä uñachtʼäwiw lurasiñaparaki.
Yatiyir mistuñatak nayrïr sábado urun Bibliat yatichañ qalltañatakejja, taqpach gruponakat tantachtʼasipjjani janicha uk irpir chuymaninakaw sum amuytʼjjapjjañapa, inas ukajj Tantachasiñ Utan waktʼayasirachispa. Ukampis walja tamanakatï pachpa Tantachasiñ Utan tantachasipjjchejja, janiw taqpach gruponakap tantachthapiñ laykukejj phajjsin nayrïr sábado urun Bibliat yatichañ qalltañatak ururojj mayjtʼayasiñapäkiti.