Mä machaq videow Bibliat yatichañ qalltañatak wakichasiwayi
Waljaniw Internetan jw.org cheqan mä machaq video uñjawayapjje, ukajj español arut akham pʼeqeñchäwiniwa: ¿Por qué estudiar la Biblia? sasa. Uka videojja, jan qollqe churasaki jaqenakan Bibliat jukʼamp yatjjatañ munapjjañapatakiw wakichasiwayi. Video uñjañatakejja, “Solicite un curso bíblico” siski ukaruw chʼetjjtayañasa, ukajj inicio siski uka aynachawjanwa jikjjatasi, jan ukajj código QR (código de respuesta rápida) toqew mantaraksna, ukajj machaq tratadonakan qhep qhepa janapankiwa. Uka video jaqenakar uñachtʼayañatakejj kuns lursna uk mä qawqhanak uñjañäni:
Bibliat jukʼampi yateqañ munirinakarojj akhamwa sissna: “Aka videonjja, Bibliat kunanaktï jisktʼastan ukaruw qhanañchi ¿uk uñjañ munasmati?” sasa. Uñjañ munanejja, apnaqañ jiskʼa aparatosatwa jan ukajj utanin computadorapatwa uñachtʼaysna.
Callenakana jan ukajj walja jaqenak utjki ukhanakan machaq tratadonak jaytañäni ukhajja, código QR satäkis ukwa uñachtʼayañasa. Ukatjja, apnaqañ jiskʼa aparatopat uka código toqe jw.org cheqar mantañapatakiw yanaptʼañasa. Jan ukajj jiwasaw apnaqañ jiskʼa aparatosat video ukaratpach uñachtʼaysna, kunattejj código QR satäkis ukajja, jw.org sat cheqarojj jankʼakiw mantayistani. Ukanjja, walja arunakaw ajlltʼañatakejj utjaraki.
Trabajir masinakasaru, yateqer masinakasaru ukat familiaranakasaruw uka videot parlsna, ukat uñachtʼayañatakiw chʼamachasiraksna. Jan ukajj jupanak pachpa uñjapjjañapatakiw correo electrónico toqnam videor cheqak mantañatak (enlace del video) utjki uk aptʼayaraksna.
Jiwasatï uka video askirjam apnaqañäni ukhajja, waljaniruw Bibliat yatichañ qalltañäni. Ukat ‘wiñay jakañatak wakichatäpki’ ukanakarus ajay toqet yanaptʼarakiñäniwa (Hech. 13:48).