Internetan jw.org sat cheqajj utjkistu ukampi yatiyapjjañäni

Jw.org sat cheqajja, Diosan arunakap “oraqpachana” yatiyañatakejj mä suma yanaptʼapuniwa (Hech. 1:8). Ukampis jila parte jaqenakajja, uk janiw uñtʼapkiti; mä yatiyir jilatasa jan ukajj kullakas uka toqet parli, jan ukajj uñachtʼayi ukhakiw yatisipki.

Tamanak tumptʼir mä jilatajja, ¿Kunatsa Bibliat yatjjatañama? sat videyjja, celularaparuw Internetat apaqtʼi, ukhamatwa wakiski ukhajja, jaqenakar uñachtʼayi. Utat uta yatiykasajja, akham sañ yati: “Nayakiw mä rato visittʼaskta, aka kimsa jisktʼanakan qhanañchäwip kunjamsa jikjjatsna uk jaqenakar uñachtʼayañataki: ¿Kunatsa jan walinakajj utji? ¿Kunjamsa Diosajj ukanak askichani? ¿Kunsa jiwasajj lursna? Uka jisktʼanakarojja, aka videonwa qhanañchi” sasa. Ukat jankʼakiw video uñtayi, ukhamata kamsanis uk yatiñataki. Niyakejjay videojj wali sumächejja, video tukuyañapkamaw uñchʼukipjje. Ukjjarusti, jilatajj akham sañ yatiraki: “Kunjamtï istʼktajja, Internetan jw.org toqew Bibliat yatichayasiñatakejj qellqasma. Niyakejjay akankaskstjja, kunjamsa Bibliat yatichapta uk nayaw qhanañchtʼirisma” sasa. Utanitï walikiwa sischi ukhajja, kunjamsa Suma yatiyäwinaka sat folletompejj Bibliat yatichtan uk qhanañchtʼi. Jan tiemponïkchi ukhajja, mayan kuttʼasin qhanañchtʼañatakiw amtawayapjje. Juntʼüma aljapki ukan mä jukʼa samartʼkasajja, ladopankki ukarojj munasiñampiw niya ukar uñtasita parljjaytʼaraki. ¿Jiwasajj Internetan jw.org sat cheqajj utjkistu ukamp yatiyaskaraktanti?