Kunjamsa Suma yatiyäwinaka sat folletompi Bibliat yatichsna

Chʼiyartʼayatäki uka jisktʼanak liytʼäta, ukhamat kuna toqetsa parlaski uk yateqerejj amuyañapataki.

Tʼaqa liytʼäta.

“Liytʼäta” siski uka jiskʼa tʼaqanakwa liytʼäta, ukhamat yateqerejj Bibliampi jaysañapataki. Ukat wali amuyumpiw yaqha jisktʼanak jisktʼarakïta.

Walja tʼaqanakajj mä jisktʼanikïchi ukhajja, 2 ukat 3 ewjjtʼanakarjamaw lurarakïsma. Ukat uka jisktʼarjam qhanañchir mä video jw.org sat cheqan utjchi ukhajja, ukwa uñtayarakisma.

Jisktʼar qhanañchañapatakiw mayïta, ukhamat amuyiti janicha uk amuyañataki.