JW Library sat yanaptʼajj ¿kunjamsa yanaptʼistaspa?

BIBLIAT YATJJATAÑATAKI:

• Biblia ukhamarak Diosan Arupat sapür yatjjatañataki folletwa liytʼasma.

• Anuario libro, revistanaka ukat Bibliat apstʼat yaqha qellqatanakwa liytʼarakisma, kawkharus jaytawayta uksa chimptʼasirakismawa.

• Tantachäwinakatak wakichtʼasisma ukat jaysäwinakapsa chimptʼasirakismawa.

• Videonaksa uñtarakismawa.

TANTACHÄWITAKI:

• Arstʼirejj kawkïr jiskʼa tʼaqanaktï aytki ukanaksa thaqtarakismawa. Wasitat mä jiskʼa tʼaqa liytʼañatakejj “Historial” siski uka cheqar mantasaw thaqtasma.

• Tantachäwin kawkïr qellqatanakatï yatjjataskani ukjja, tabletamaru jan ukajj celularamaruw apasma. Qʼochunakas ukan utjarakiwa. JW Library sat yanaptʼanjja, machaq qʼochunaksa jikjjatarakismawa.

DIOSAN ARUP YATIYAÑATAKI:

• Jaqenakarojj JW Library sat yanaptʼampiw Diosan Arupat yatiysna, ukatjja celularaparu jan ukajj tabletaparuw JW Library sat yanaptʼa apaqañ yanaptʼsna. Ukaruw Bibliat apstʼat qellqatanak apaqarapiraksna.

• Biblian mä jiskʼa tʼaqap jikjjatañatakejja, “Buscar” siski uka cheqaruw kuna artï thaqhañ munkta uk qellqtʼasma, jan ukajj mä qawqha arunakwa qellqtʼarakisma.

• Mä video uñtayäta. Utanitï wawanakanïchi ukhajja, Jehová Diosajj amigomäspawa siski uka videonakat mä video uñtayasma. Jan ukajj ¿Kunatsa Bibliat yatjjatañama? sat video uñtayasma, ukhamat utanejj Bibliat yatjjatañ munañapataki. Maynitï yaqha aru parlchi ukhajja, arupat mä video thaqtasinwa uñachtʼayarakisma.

• Yaqha arut Biblia apaqasajja, uka aru parlki ukanakatakiw Biblian mä jiskʼa tʼaqap liytʼarapisma. Biblian mä jiskʼa tʼaqap thaqtasajja, numeroruw limtʼañama, ukatsti mä jiskʼa Bibliar uñtasit uñstki ukaruw limtʼañamaraki.