BIBLIAN SUMA YATICHÄWINAKAPA | ISAÍAS 34-37
Ezequías chachan Diosar confiyatapajj janiw inamayäkänti
Senaquerib sat asirio reyejja, Rabsaqué chacharuw kuntï arskäna uk yatiyañapatak Jerusalén markar khitäna. Asirionakajja kunayman kʼari arunakwa judionakar aynachtʼayañatak parlapjjäna, ukhamat jupanakar jan nuwasisak atipjañataki.
Jitheqtaña. Egipto markampi mayachasiñajja janiw kunatakis walïkaspänti (Isa 36:6).
Pächasiña. Taqe chuyma jan servipjjatapatjja, Jehová Diosajj janiw qhespiykaspänti (Isa 36:7, 10).
Ajjsaraña. Jan atipjkaya asirionakan ejercitoparojja, janiw kunjamatsa atipañjamäkänti (Isa 36:8, 9).
Yantʼa. Asirionakampi jan nuwasisa atipayasipjjaspäna ukhajja, sumakiw jakasipjjaspäna (Isa 36:16, 17).
Ezequías reyejj taqe chuymaw Jehová Diosar confiyäna
Kunanaktï lurirjamäkäna ukanakwa markar wakichtʼañatak luräna.
Markar qhespiyañapatakejj Diosaruw yanaptʼa mayisïna, ukatakiw markankirinakar chʼamañcharakïna.
Diosar confiyatapajj janiw inamayäkänti, Jehová Diosajj mä ángel khitanisaw 185.000 soldadonakar mä arumanaki jiwarayäna.