Jukʼamp sum yatiyañataki: Juykhüpki ukanakar predicañäni

KUNATSA UK LURAÑAJJ WAKISI. Walja juykhunakajja, jan uñtʼat jaqenakamp parlañ ajjsarayasipjjewa. Ukatwa Diosan arunakap wali amuyumpi jupanakar yatiyañasa. Jehová Diosajj juykhunakar wal munasi, jupanakatsa llakisirakiwa (Le 19:14). Jiwasajj Jupat yateqasisaw juykhunakarojj Jehová Diosan amigopäpjjañapatak yanaptʼañasa.

KUNJAMSA UK LURSNA

• Juykhunakar thaqapjjañäni (Mt 10:11). ¿Uñtʼktan uka jaqenakat yaqhepajj juykhu familiaranïpjjeti? Juykhunakatak utjki uka Bibliat apstʼat qellqatanak liytʼañ munirinakajj ¿territoriosan escuelanakasa chuymankipstatanakar uñjañatak utanakasa jan ukajj institucionanakas utjiti?

• Jupanakat llakisitas uñachtʼayañäni. Jiwasatï juykhunakar munasiñampi parltʼañäni, cheqapun jupanakat llakisitas uñachtʼayañäni ukhajja, istʼañ munapjjestaniwa. Jakasipki uka cheqan kuna toqetsa jaqenakajj parlañ munapjje ukanakat parlasaw juykhunakamp parlañ qalltañasa.

• Jehová Diosar uñtʼapjjañapatak yanaptʼañäni. Juykhüpki jan ukajj jan sum uñjapki ukanakar yanaptʼañatakejja, Jehová Diosan markapajj kunayman yanaptʼanakwa waktʼayawayi. Uka yanaptʼanakat kawkïrimpis juykhunakajj yateqañ munapjjaspa ukwa jupanakar jisktʼañasa. Yatiyañ toqet jilïr irpiriw Bibliat apstʼat uka qellqatanak mayiñapatakejj qellqatanak churir jilatar sañapa.