¡Wiñayatakiw kusisit jakasisma! sat librompejj kunjamsa yatichsna

¡Wiñayatakiw kusisit jakasisma! sat libron utjki uka videonakasa amuytʼañatak jisktʼanakas wali sumawa. Ukatjja, “Yaqhepanakajj akham sapjjewa”, “Ak lurañ amtam”, “Jukʼamp yatjjatañamataki” sat recuadronakas wali suma yanaptʼarakiwa. Ukampis ¿kunas uka libromp yatichkasajj yanaptʼarakiristam? (Mateo 28:19, 20).

Qellqatanakampi videonakampi. Imprimit libromp yatichasksta ukhajja, ¿kuna videonaktï uñtayañamäki uk kawkhansa jikjjatasma? Ukatakejja celularana jan ukajj tabletan pusi seccionanakajj utjki ukatwa may ajlltʼañama. Aynach toqen “Qellqatanakampi videonakampi” siski ukar mantam, ukanwa taqpach videonakajj uñsti, sapa yatichäwin utjki uka videonakar apir enlacenakas utjarakiwa (foto 1).

“Edición impresa” sat pestaña. Celularampi jan ukajj tabletampi Bibliat yatichasksta ukhajja, kunjamas imprimit libron uñjasi uk yatiñ munasajj “Edición impresa” siski ukar mantam, ukajj yanaptʼiristamwa. Mä yatichäwir mantasajja, alay toqen kupi cheqan kimsa puntonakajj utjki ukar mantam, ukatsti “Edición impresa” siski uk ajlltʼam. Yateqapkta ukajja kunansa yatichäwin pʼeqeñchäwipampejj niya pachpaki uk amtañatakiw yanaptʼätam. Kuttʼjjañatakejja, mayamp uka kimsa puntonakar mantasajj “Edición digital” siski uk limtʼam, jan ukajj kupi cheqan mä morado redondojj utjki ukar limtʼam.

“¿Wakichtʼatäjjti?”. Ukham sutini recuadronakajj libron sección 4 tukuyanwa utji, congregacionamp predicañatakisa bautisasiñatakis kunanaksa maynejj lurañapa ukwa qhanañchi (foto 2).

Notanaka. Notanakajja sección 4 tukuyanwa utji, wakiskir yatichäwinakatwa jukʼamp qhanañchi. Kawkïr yatichäwittï yateqasipkta uka pachpar kuttʼañatakejja, celularansa jan ukajj tabletansa mä enlacew sapa nota tukuyan utji (foto 2).