Jehová Dios saparuk adorañjja jan ajjsartʼasa jan payachasisaw arjjatäna

Jehová Diosajja, Acab reyin taqpach familiapar tukjañapatakiw Jehú chachar mayïna (2Re 9:6, 7; w11 11/15 pág. 3 párr. 2).

Jehú chachajja, jankʼak istʼasajj Acab reyin Jehoram yoqaparuw jiwayäna, Acab reyin Jezabel viuda warmiparus jiwayarakïnwa (2Re 9:22-24, 30-33; w11 11/15 pág. 4 párrs. 2, 3; “‘Acab chachan familiapajj taqeniw jiwarapjjani’ [2Re 9:8]” sat recuadro liytʼäta).

Jehú chachajj kuntï lurañapäkäna uk phoqänwa, Jehová Dios saparuk adorasiñapatakis jan ajjsarasa jan payachasisaw arjjatarakïna (2Re 10:17; w11 11/15 pág. 5 párrs. 4, 5).

AKHAM JISKTʼASIM: “¿Jehú chachat yateqasisajj kunjamsa Mateo 28:19, 20 texton siski ukarjam lurirista?”.