¿Jan waltʼäwinakasa guerranakas kunatsa utjaskaki?
Guerranakasa jan waltʼäwinakas kunatsa utji, ukat kuna razonanakatsa jichhakam tʼaqesiskaktan uk Bibliaw sum qhanañchi.
JUCHA
Diosajj Adanampir Evampirojj jupar uñtasitwa luräna, mä arunjja jupjamaw sumankañ utjañap muntanjja, munasiñs mayninakarojj uñachtʼayaraktanwa (Génesis 1:27; 1 Corintios 14:33; 1 Juan 4:8). Ukampis Adanampi Evampejja, Diosar janiw istʼapkänti ukat jucharuw purtʼasipjjäna, jupanakan juchapatwa taqenis juchanïtanjja, jiwaraktansa (Romanos 5:12). Niyakejjay juchararästanjja, sapa kutiw jan wali amuyunakajj jutistaspa, jan walinaksa lurjjaraksnawa (Génesis 6:5; Marcos 7:21, 22).
GOBIERNONAKA
Diosajj janiw jiwas pachpa apnaqasiñasatakejj lurawaykistuti. Bibliajj akham siwa: “Janirakiw jaqerojj chellqtatanakap amtañas waktʼkiti” sasa (Jeremías 10:23). Ukatwa gobiernonakajj guerranaksa jan waltʼäwinaks jan chhaqtayañ puedipkiti.
SUPAYAMPI UKAT DEMONIONAKAPAMPI
Bibliajj akham siwa: “Mundpachajj Supayan munañapankiwa” sasa (1 Juan 5:19). Supayajj jan sinttʼasis jiwayiriwa (Juan 8:44). Supayampi demonionakapampejja, guerranaka jan waltʼäwinak utjayapjjañapatakiw jaqenakar chʼamañchapjje (Apocalipsis 12:9, 12).
Kunatsa guerranakasa jan waltʼäwinakas utji ukanak janiw jiwasajj chhaqtayañ puedksnati, Diosakiw qʼal chhaqtayaspa.