¿Kunjamsa textonak amtasisma?

¿Kawkïr textos gusttam? Walja textonakaw gustpachätamjja. Ukanakat mayajj inas jumar wal chuymachtʼstam ukat chʼamañchtʼarakstam. Yaqha textojj inas jan wali amuyunak apanukuñatak yanaptʼarakstam, jan ukajj inas mä textot mayninakar wal parltʼañ munaraksta (Sal. 119:11, 111). Ukampis awisajja, kamsis mä textojja, ukat kawkins jikjjatasi uk amtañajj chʼamakïspawa. Kunanaks lurasma uk jichhajj uñjañäni.

• JW Library^® sat aplicacionankir etiquetanakap apnaqam. Uka aplicacionan Biblia liytʼkasajja, inas mä textojj wal gustiristam, ukat amtañ munarakisma, ukatakejj mä etiqueta “Textos favoritos” sasinwa uchasma.

• Amtañ munkta uka texto mä qhana lugarar ucham. Yaqhep jilat kullakanakajja, mä papelaruw textonak qellqtʼasipjje ukat espejoru jan ukajj refrigeradoran punkuparuw lipʼkatayapjje. Yaqhepasti mä textor foto apsupjje ukat celularapana jan ukajj computadorapan fondo de pantalljamaw uchapjje.

• Pʼeqer yatsuñatak tarjetanak luram. Tarjetan mä ladopanjja, texto qellqtʼasma, ukat tarjeta qhepäjjaparojj kamsis textojj uk qellqtʼarakisma. Ukjjarojj tarjetan mä ladopak uñjasajja, kamsis qhepäjjapan uk amtañatak chʼamachasim.