Kuntï yateqkta uk mayninakar parltʼam

Bibliat yatjjatañajj chʼamañchtʼistuwa, ukampis kuntï yateqktan ukanakat mayninakar parltʼañaw jukʼamp chʼamañchtʼistu. Proverbios 11:25 textojj akham siwa: “Yaqhanakar chʼamañchtʼir jaqejja chʼamañchtʼatarakïniwa” sasa.

Kuntï yateqktan ukanakat mayninakar parltʼañäni ukhajja, jukʼamp sumwa amuytʼañäni, amtañas facilakirakïniwa. Ukat mayninakar Jehová Diosar jukʼamp confiyapjjañapatak yanaptʼasajj jukʼamp kusisitarakïñäniwa (Hech. 20:35).

Ak lurasma: Jutïr semanajj kuntï yateqkta uk maynir parltʼañatak chʼamachasim. Inas mä familiaramaru, mä kullakaru jan ukajj mä jilataru, trabajomankiri jan ukajj escuelankir mä compañeromaru, mä vecinomaru jan ukajj predicacionan maynir parltʼchisma. Pachpa arunakamampi, qhana ukat fácil amuytʼkañ parltʼañatak chʼamachasim.

Amtapunim: Janiw musparayañ amtampejj kuntï yateqktan uk mayninakar parlktanti, jan ukasti chʼamañchtʼañ amtampiw parltanjja (1 Cor. 8:1).