“Qellqatamtï katoqäjja, qellqatajj katoqañamarakiwa”

Yaqhep jaqenakajj qellqatanakap katoqktan ukhakiw Bibliat apstʼat qellqatanakas katoqapjje. Ukampis awisajj religionanakan qellqatanakapan kʼari yatichäwinakaw uñsti, ukatwa qellqatanak turkasiskañajj jan walïkaspati. Ukhamtï sapjjestanejja, ¿kunjamatsa respetompi qhanañchtʼsna? (Rom. 1:25.) Akham sissnawa: “Walïki, ukampis ¿kuna toqets qellqataman parli, jaqenakan jan waltʼäwinakapajj kunjamatsa askichasini ukat toqet parliti? [Kamsanis uk istʼäta. Uka toqet yatiñ munstajja, aka qellqat liytʼam sasintï sätamjja, ak amtayañamawa: janiw nayajj jan qhanañchtʼasajj qellqat ukhamak churksmati sasa. Ukat Mateo 6:9, 10 jiskʼa tʼaqanak liytʼäta jan ukajj arumpik säta.] Kunjamtï uka jiskʼa tʼaqanakan sejja, Diosan Reinop toqew Jehová Diosan munañapajj aka Oraqen phoqhasini sasaw Jesusajj yatichawayi. Ukatwa kunja wakiskiris Diosan Reinopajja, ukat toqet apstʼat qellqatanak liytjja. Uka reinojj kunanaksa lurani, uk Bibliat mä qawqhanak liytʼarapirisma ¿walikïspati?” sasa.