Kunatsa visitʼtan uk yatiyañasawa

Diosan arunakap yatiyir sarktan ukhajja, utanejj inas akham jisktʼaschispa: ‘¿Khitinakapjjesa ukat kunarus jutapjjpacha?’ sasa. Jupanakan jan mayj amuyasipkañapatakejja, yaqhep yatiyir jilat kullakanakajj jankʼakiw kunarus visittʼir sarapjje uk yatiyapjje. Utanir aruntasajja, akham sañ yatipjje: “Jan qollqe mayisakiw Bibliat yatichasipkta, ¿jumajj yatichayasiñ munasmati?” jan ukajj “Lunthatanak wal jiljjatjjepanjja waljaniw wal llakisipjje, uka toqet parltʼañatakiw jutta” sasa. Ukatjja, mä jisktʼwa utanir jisktʼapjje. Ukat kunatsa visitʼtan uk utanejj amuyjjani ukhajja, kuntï yatiykañäni uk istʼaskakistaniwa.