Septiembre phajjsin Diosan Reinopat yatiyañatak campaña

Septiembre phajjsinjja, Diosan Reinopakiw taqe jan walinak askichani sasin taqe jaqenakar yatiyañatakiw chʼamachasiñäni (Mt 24:14). ¿Kunsa uka campañan yatiyañatakejj lurasma? Uka phajjsejja, Diosan Reinopat parlir mä textoksa taqe jaqenakatak liytʼañatakiw chʼamachasiñama. Maynitï Bibliat jukʼamp yatjjatañ munani ukhajja, Yatiyañataki (yatiyir sarañataki) payïri, 2020 revistwa jupar jaytañama. Jankʼakiw jupamp wasitat parltʼañatakejj kuttʼañama, ¡Wiñayatakiw kusisit jakasisma! sat folletompi Bibliat yatichañ qalltañatakiw chʼamachasiñamaraki. Septiembre phajjsinjja, precursor auxiliaranakajj 15 jan ukajj 30 horanakakwa yatiyapjjaspa.

Diosan Reinopajj niyaw aka oraqenkir taqe gobiernonakarojj jan mayampitak tʼunj-jjani (Da 2:44; 1Co 15:24, 25). Uka campañanjja, Jehová Diosaru jan jitheqtas servitas uñachtʼayañataki, Reinoparu taqe chuyma yanaptʼatas uñachtʼayañatak chʼamachasipjjañäni.