LECCIÓN 17

Entiendkañ parlaña

1 Corintios 14:9

¿KUNSA LURAÑAMA? Kuntï siskäta uk sum amuyapjjañapatakiw istʼirinakar yanaptʼañama.

Kuntï yatichkäta uk sum yatjjatam. Kuna toqettï parlkäta uk istʼirinakar sum qhanañchañatakisa, arunakamarjam parlañatakisa, sumwa uka toqet yatjjatañama.
Entiendkaña ukat jukʼa arunakampik parltʼam. Kuntï yatichañ munkta uk sum qhanañchañatakejja, jukʼa arunakampikiw istʼirinakar qhanañchañama.

Kuntï istʼirinakajj jan amuytʼapkaspa ukanakat janiw parlañamäkiti. Janiw jan amuytʼañjam arunak parlañamäkiti, jan ukasti fácil amuykañ arunakampikiw parlañama.
Jan uñtʼat arunak qhanañchtʼam. Istʼirinakajj jan uñtʼapki uka arunak janiw sint parlañamäkiti, parlkäta ukhajja uka arunak qhanañchtʼañamaw wakisispa. Amuytʼañataki, Biblian qellqatäki uka chachanakata jan ukajj warminakata, medidanakata, nayra costumbrenakat parlkäta ukhajja, istʼirinakan sum amuyapjjañapatakejj qhanañchtʼañamawa.