Jisktʼäwinaka
◼ ¿Khitinakas Bibliat apstʼat qillqatanaka jan ukax Jehová Diosan Qhanañchiripampi visittʼayasiñatakix cupón tuqi jan ukax Internet tuqi mayispa?
Bibliat apstʼat yaqhip qillqatanakanxa, mä cuponaw utji uka tuqnamwa Bibliat apstʼat qillqatanaka jan ukax Jehová Diosan Qhanañchirinakapat maynimp visittʼayasiñatak mayipxaspa. Ukat Bibliat yatichayasiñatakix Internetar www.watchtower.org/ap chiqar mantasaw mayipxarakispa. Ukham mayisinwa Biblian chiqa yatichäwinakap yatiqapxi. Ukampisa, mä jilatatï jan uka kullakatï amigopana jan ukax mä familiaran sutipxar mayispa ukhax jan waltʼäwinakaw utjaspa.
Amuytʼañataki, jan mayipki jupanakax Bibliat apstʼat qillqatanak sucursalat katuqasax walpun colerasipxi, ukat munkir jan munkirsa Diosan markapax uka qillqatanak churkaspa ukat direccionanakapax mä listankkaspas ukham amuyasaw quejasipxi. Ukat Bibliat yatiqañataki mayirinakar visittʼir sarasaxa, yaqhip jilat kullakanakax jan walinwa jikxatasipxi, kunattix janipuniw mayipkataynati ukatwa uka jaqinakax wal colerasipxatayna. Ukhamasti, janiw khiti jilat kullakasa cupón tuqi jan ukax Internet tuqi yaqhan sutipxar mayiñapäkiti, jan ukasti thititï Bibliat yatiqañ munki jupakiw mayispa. Kunapachatï sucursalax yaqha sutxaru mayipxatap amuyi ukhaxa, janiw uka mayitxa yäqkiti.
Ukhamaxa, ¿kunjamsa mä amigorusa jan ukax mä familiararus Diosar uñtʼañapatak yanaptʼasispa? Jumatï Bibliat apstʼat qillqat katuqañap munstaxa, ¿janit juma pachpa mä regalükaspas ukham apaykasma? Ukampis maynitï Bibliat yatiqañ munasax Jehová Diosan Qhanañchirinakapat maynimp visittʼayasiñ munchi ukhaxa, kawknïr tamas uka chiq yatiyi uka tamankir irpir chuymaninakampiw parltʼañama. Janitï uka jilatanakar jikxatirjamakchïtaxa, Sírvase visitar (S-43) formularioruw qillqantañama ukat tamamankir secretario jilataruw churañama, jupaw sum uñakiptʼasin sucursalar apayxani. Ukampisa, carcelankapki jan ukax centro de rehabilitación ukankapki jupanakan sutipxarux janiw sucursalar qillqañasäkiti. Jan ukasti khiti jilat kullakanakatï uka chiqar yatiyir sarapki jupanakamp parltʼañapatakiw chʼamañchtʼañama, jan ukax jupanak pachpaw sucursalar qillqapxañapa.