Sírvase visitar (S-43) sat formulariox kunjamsa apnaqasiñapa
Bibliat yatxatañ munirinakaru ukat yatiyktan uka chiqan jan jakapki jan ukax yaqha aru parlirinakar jikxattan ukhaw uka formularior qillqanttanxa. Ukat nayraxa, yaqha aru parlirinakar jikxatayätan ukat uka jaqix Bibliat yatxatañ munchïna janisa uka formularior qillqantapuniyätanwa. Ukampis jichhaxa, Bibliat yatxatañ munirinakar jikxatañäni ukhakiw uka formularior qillqantañasa. Ukat uqaranakar jikxatañäni ukhax formulario S-43 ukar phuqantañasapuniwa.
Kunatï wakiski ukanak uka formularior qillqantatäxi ukhaxa, tamankir secretario jilataruw churañasa. Uka jilatatï kawkïr tamas Bibliat yatiqañ munirir yanaptʼaspa uk yatchixa, jupaw uka tamankir irpir chuymaninakar uka formulario aptʼayañapa. Ukampis secretario jilatatï kawkïr tamas yanaptʼaspa uk jan jikxatkchi ukhaxa, sucursalaruw apayañapa.
Ukampis Bibliat yatxatañ munir jaqitï yaqha aru parlchi ukat kawkhantï yatiyktan uka chiqan jakarakchi ukhaxa, uka pachpa aru parlir tamat mä jilatana jan uka mä kullakan jutañapkamaw juparux yatichaskakiñasa (Diosan Apnaqäwipat Yatiyañataki noviembre, 2009, qillqatan 4 janap uñxattʼäta).